හිටපු ජනා­ධි­පති මහින්ද රාජ­පක්ෂ මහ­තාගේ බිරිය වන ශිරන්ති රාජ­පක්ෂ මහ­ත්මිය විසින් සිරි­ලිය සවිය නමින් පව­ත්වා­ගෙන ගිය ව්‍යාජ ගිණුම සම්බ­න්ධ­යෙන් යළි විම­ර්ශන කට­යුතු ආරම්භ කරන බව මහ­ජන ආර­ක්ෂක නියෝජ්‍ය ඇමැති නීතිඥ සුනිල් වට­ගල මහතා පාර්ලි­මේ­න්තු­වේදී ප්‍රකාශ කළේය.

මෙලෙස පවත්වා ගෙන ගිය සිරි­ලිය සංවි­ධා­න­යට අයත් බැංකු ගිණු­ම්වල මැන්ඩේට් පත්‍රය කුම­න්ත්‍ර­ණ­කාරී ලෙස බැංකු­වෙන් සොර­කම් කර ඇති බව ද ඒ මහතා පැව­සු­වේය.

එහි දී ඒ මහතා මෙසේද කීවේය.

ශිරන්ති රාජ­පක්ෂ මහ­ත්මිය විසින් සිරි­ලිය සවිය නමින් ව්‍යාජ ගිණු­මක් පව­ත්වා­ගෙන ගොස් තිබෙන අතර එය ව්‍යාජ ගිණු­මක් බවට සනාථ වී තිබෙ­නවා. එම ගිණුමේ මැන්ඩේට් පත්‍රය අස්ථාන ගතවී තිබෙ­නවා.

කොළඹ 10, ඩාර්ලි පාර මහ­ජන බැංකුව, සුදු­වැල්ල ශාඛාවේ සිරි­ලිය සවිය නමින් ව්‍යාජ තොර­තුරු ඉදි­රි­පත් කර­මින් නීත්‍ය­නු­කූ­ලව ඉදි­රි­පත් කළ­යුතු ලේඛන ඉදි­රි­පත් නොකර 2006.11.14 අංක 143/1/001/4/6235069 නමැති ගිණුම ආරම්භ කර තිබෙ­නවා. දැනට මෙම ගිණුම අත්හි­ටුවා ඇති අතර මේ වන­විට ගිණුමේ ශේෂය රුපි­යල් මිලි­යන 43ක් වෙනවා. මෙම ගිණුමේ සභා­පති ශිරන්ති රාජ­පක්ෂ මහ­ත්මි­යයි. ලේකම් කළ්‍යාණි දිසා­නා­යක, භාන්ඩා­ගා­රික නිරෝෂා ජීවනී අය අයයි. අවස්ථා 88ක දී රුපි­යල් අට කෝටි විසි­නව ලක්ෂ අසූ අටක් තැන්පත් කර තිබෙ­නවා.

ඊට අම­ත­රව අවස්ථා 129කදී රුපි­යල් තුන් කෝටි අනූ ලක්ෂ පහ­ලොස් දහස් හය­සිය පනස් හයක මුද­ලක් ලබා­ගෙන තිබෙ­නවා. ලක්ෂ 100ක ස්ථාවර තැන්ප­තු­වක් ද මෙම බැංකුවේ සිරි­ලිය නමින් ආරම්භ කර තිබෙන අතර මූල්‍ය අප­රාධ කොට්ඨා­සය මඟින් මේ ගිණුම සම්බ­න්ධ­යෙන් විම­ර්ශන ආරම්භ කර තිබෙ­නවා. යළි මේ විම­ර්ශන කට­යුතු ආරම්භ කර­නවා” යැයි පැවැ­සීය.

එමෙන්ම සී.එස්.එන් නාලි­කාව මහා භාණ්ඩා­ගා­ර­යෙන් අත්කර ගත් මුදල රුපි­යල් මිලි­යන 152ක් වෙනවා. ගෝඨා­භය රාජ­පක්ෂ මහතා විසින් තම මෑණි­යන්ගේ සහ පියාගේ සුසාන භූමි ඉදි­කි­රීම සඳහා නාග­රික සංව­ර්ධන අධි­කා­රි­යෙන් අත්කර ගත් මුදල රුපි­යල් මිලි­යන 35ක් වෙනවා. මල්වානේ නිවෙ­සක් මිල දී ගැනීම වෙනු­වෙන් බැසිල් රාජ­පක්ෂ මහතා මිලි­යන 208ක් ලබා­ගෙන තිබෙ­නවා. යැයිද කිවේය.

ශ්‍රී ජය­ව­ර්ධ­න­පුර විශ්ව­වි­ද්‍යා­ලයේ බාහිර පාඨ­මාලා අංශ­යෙහි මූල්‍ය අක්‍ර­මි­කතා රැසක් සිදුව ඇති බවට පොදු ව්‍යාපාර පිළි­බඳ කාරක සභා­වේදී පසු­ගි­යදා අනා­ව­ර­ණය වී ඇත.

එම විශ්ව­වි­ද්‍යා­ලයේ බාහිර පාඨ­මා­ලා­ව­ලට ගාස්තු අය­ක­රන ආකා­රය සම්බ­න්ධ­යෙන් පැහැ­දිලි ක්‍රම­වේ­ද­යක් විනි­විධ ලෙස දක්නට නොලැ­බෙන අත­රම මෙලෙස ලබන සමස්ත ආදා­යම දේශ­ක­ව­රුන් අතර බෙදී යාමේ ක්‍රම­වේ­ද­යක් නිරි­ක්ෂ­ණය වන බව ද පොදු ව්‍යාපාර පිළි­බඳ කාරක සභා­වේදී අනා­ව­ර­ණය විය. පොදු ව්‍යාපාර පිළි­බඳ කාරක සභාව එහි සභා­පති, පාර්ලි­මේන්තු මන්ත්‍රී වෛද්‍ය නිශාන්ත සම­ර­වීර මහ­තාගේ ප්‍රධා­න­ත්ව­යෙන් පසු­ගි­යදා පාර්ලි­මේන්තු සංකී­ර්ණ­යේදී රැස්වූ අතර ශ්‍රී ජය­ව­ර්ධ­න­පුර විශ්ව­වි­ද්‍යා­ලයේ පාල­නා­ධි­කා­රිය එදින කැඳවා තිබිණ.

එහිදී කෝප් කමිටු සභා­පති පාර්ලි­මේන්තු මන්ත්‍රී වෛද්‍ය නිශාන්ත සම­ර­වීර මහතා මෙසේ පැවැ­සු­වේය.

‘මේක රාජ්‍ය ආය­ත­න­යක්. අපි හිතන්නේ නැහැ මෙම ආය­ත­නය ලාබ ලබන ආය­ත­න­යක් කියලා. නමුත් යම් මූල්‍ය තත­ත්ත්ව­යක් පව­ත්වා­ගෙන යායුතු බව ඇත්ත. ලාබ ලබන ආය­ත­න­යක් ලෙස නෙවෙයි මෙය තිබෙන්නේ.‘

එහිදී වැඩ­බ­ලන විග­ණ­කා­ධි­ප­ති­ව­රයා

“ විශේ­ෂ­යෙන්ම මෙහි ස්වයං පාඨ­මා­ලා­ව­ලට අදා­ළව 2024 වසර ගත්තම පාඨ­මා­ලා­ව­ලින් මිලි­යන 1,036ක ආදා­ය­මක් උපයා තිබෙ­නවා. බාහිර විභාග ඒක­කය විත­රක්. එහි විය­දම ලෙස මිලි­යන 866ක් වැයවී තිබෙ­නවා. සමස්ත දේශන ගාස්තු ඇතුළු අනෙ­කුත් විය­දම් ඊට ඇතු­ළත් වෙනවා. ඒ වගේම මේ සියලු විය­දම්ද සමඟ මිලි­යන 156ක අති­රි­ක්ත­යක් තිබෙ­නවා. 2024 වසර තුළ පාඨ­මාලා විය­දම ලෙස මිලි­යන 878ක්. නමුත් මෙය මූළ්‍ය ප්‍රකා­ශ­න­වල තිබෙන්නේ මිලි­යන 491ක් ලෙසයි. අනිත් කාර­ණය තමයි මේ මිලි­යන 878 ඇතුළේ වැඩි ප්‍රමා­ණ­යක් දේශන ගාස්තු. මේ දේශන ගාස්තු තුළ විශ්ව­වි­ද්‍යා­ල­වල දේශන ගාස්තු අය­ක­රන ආකා­රය සම්බ­න්ධ­යෙන් පැහැ­දිලි ක්‍රම­වේ­ද­යක් හදු­නා­ග­න්නට නැහැ. අව­සා­නයේ දී මේ පාඨ­මාලා හරහා උප­යා­ගත් ආදා­ය­ම්ව­ලින් අද වන­විට 6,875ක ස්ථාවර තැන්පතු පව­ත්වා­ගෙන යනවා“ 

සිඟමන් යදින සහ අනාරක්ෂිත ලෙස භාණ්ඩ අලෙවිකරන බාල වයස්කාර දරුවන් සොයා මෙහෙයුම් ක්‍රියාත්මක කරන බව පොලිස් මාධ්‍ය කොට්ඨාශය නිවේදනය කරයි.

ළමා හා කාන්තා අපයෝජන නිවාරණ හා විමර්ෂණ කාර්යාංශය මෙන්ම ළමා හා කාන්තා කාර්යාංශ මූලස්ථානය සමග ජාතික ළමාරක්ෂක අධිකාරිය එක්ව මෙම මෙහෙයුම ක්‍රියාත්මක කිරීමට නියමිත බව පැවසේ.

සිගමන් යදිමින් සහ භාණ්ඩ අලෙවි කරමින් අනාරක්ෂිත ලෙස ගැවසෙන බාල වයස්කාර දරුවන් භාරයට ගෙන නිසි බාරකාරත්වයකට පත්කිරීම සඳහා මෙහෙයුම ක්‍රියාත්මක වේ.

කොළඹ උතුර, කොළඹ දකුණ, කොළඹ මධ්‍යම, නුගේගොඩ , ගම්පහ, පානදුර, කැලණිය, මීගමුව, ගල්කිස්ස, කළුතර, තංගල්ල යන ප්‍රදේශවල මෙම මෙහෙයුම් ක්‍රියාත්මකය.

එමෙන්ම අනුරාධපුර, මහනුවර, කුරුණෑගල, හලාවත, රත්නපුර, ගාල්ල හා මාතර යන පොලිස් කොට්ඨාශවල ද මෙහෙයුම් සිදු කෙරෙන බව පොලිසිය සදහන් කරයි.

ජනාකීර්ණ ප්‍රදේශ, මහජනතාව වැඩි වශයෙන් ගැවසෙන සාප්පු සංකීර්ණ අසල මෙන්ම මාර්ග සංඥා පහන් දැල්වෙන ස්ථාන අසල මෙවැනි දරුවන් බහුලව දැකගත හැකිය.

පසුගියදා ක්‍රියාත්මක කළ මෙහෙයුම්වලින් එවැනි දරුවන් 21 දෙනෙකු අදාළ නිලධාරීන් භාරයට ගෙන ඔවුන් සුදුසු භාරකාරත්වයක් යටතට පත් කළ බව පොලිස් මාධ්‍ය කොට්ඨාශය සදහන් කරයි.

මූලාශ්‍රය – දිනමිණ