නුවරඑළිය ගාමිණී ජාතික පාසලේ උසස් පෙළ අංශයේ අධ්‍යාපනය ලබමින් සිටින සිසුවෙකුට පහර දීමේ සිද්ධියක් සම්බන්ධයෙන් එම පාසලේ විදුහල්පතිවරයා ඇතුළු 6 දෙනෙක් අත්ඩංගුවටගෙන තිබේ.
නුවර එළිය පොලීසිය සඳහන් කළේ ගුරු මණ්ඩලයේ භික්ෂුන් වහන්සේ දෙනමක් සහ ගුරුවරුන් තිදෙනෙක් ඇතුළු සැකකරුවන් හයදෙනෙක් ඊයේ (08) මෙලෙස සැකපිට අත්අඩංගුවට ගත් බවය.
2024 වසරේ උසස් පෙළ විභාගයට පෙනී සිටීම සඳහා අයදුම්පත් ලබා ගැනීමට ඉකුත් 03 වන දින එම සිසුවා පාසලට ගිය අවස්ථාවේ සිසුවාගේ කොණ්ඩය අධික ලෙස වැවී තිබු නිසා විදුහල්පතිවරයා කොණ්ඩය කපා පැමිණෙන ලෙසට පවසා සිසුවාට පහර දීමට උත්සාහ කර ඇත.
සිසුවාගේ දෙමව්පියන් විසින් නුවරඑලිය පොලිසියට පැමිණිල්ලක් කර ඇත්තේ එහිදී විදුහල්පතිවරයාගේ පහරින් බේරීමට සිසුවා අත ඔසවා සිටි අවස්ථාවේ පාසලේ ගුරුවරුන් වශයෙන් සේවය කරන භික්ෂුන් වහන්සේ දෙපළ සහ ගුරුවරුන් තිදෙනා සිසුවාට පහර දී ඇති බවය.
දෙමව්පියන්ගේ පැමිණිල්ල අනුව එම විදුහලේ විදුහල්පතිවරයා , ගුරුවරුන් පස්දෙනා (08) දින නුවරඑලිය පොලිසිය විසින් අත්අඩංගුවට ගෙන නුවරඑලිය මහෙස්ත්‍රාත් ප්‍රබුද්ධිකා ලංකාන්දි මෙනවිය වෙත ඉදිරිපත් කර ඇත.
අනතුරුව සැකකරුවන් හයදෙනාට සිසුවාට කිසිදු බලපැමක් සිදු නොකරන ලෙසට දැඩි ලෙස අවවාද කර ලක්ෂයේ ශරීර ඇප 12 ක් මත නිදහස් කිරීමට සහ යළිත් මෙම නඩුව ලබන මස (26) දින කැඳවීමට මහෙස්ත්‍රාත්වරිය විසින් නියෝග කරන ලදී.
