පුවත්
පුද්ගලික ආරක්ෂක නිලධාරී මාරුවීම ගැන හිටපු ජනපතිගෙන් විශේෂ නිවේදනයක්
හිටපු ජනාධිපති රනිල් වික්‍රමසිංහ මහතා, අත්අඩංගුවේ සිටින හිටපු පාර්ලිමේන්තු මන්ත්‍රී සිවනේසතුරෙයි චන්ද්‍රකාන්තන්ට දුරකතන ඇමතුමක් ලබාදීමට උත්සාහ කළේ ඔහුට එල්ල වී ඇති චෝදනා දැන ගැනීමට බව හිටපු ජනාධිපතිවරයාගේ කාර්යාලය විසින් නිවේදනයක් නිකුත් කරමින් සඳහන් කරයි.
එම ඇමතුම සඳහා නියමිත ක්‍රමවේදය අනුගමනය කළ බව රනිල් වික්‍රමසිංහ මහතාගේ කාර්යාලය එම නිවේදනය මගින් සඳහන් කර ඇත.
චන්ද්‍රකාන්තන් මහතා පොලිස් අත්අඩංගුවේ බව ඔහුගේ කාර්යාලය හිටපු ජනාධිපතිවරයාට දැනුම් දී තිබුණත්, චෝදනා පිළිබඳ තොරතුරු නොදැන සිටි බවත්, එම තොරතුරු ලබා ගැනීමට චන්ද්‍රකාන්තන්ගේ පාර්ශවය වික්‍රමසිංහ මහතාගේ සහාය ඉල්ලා තිබූ බවත් එම නිවේශන්යේ දැක්වේ.
චන්ද්‍රකාන්තන් මහතාගේ ආරක්ෂක අංශය විසින් රහස් පොලිසියේ C.I. මාධව අදාළ සම්බන්ධීකරණය ඇතිකර ගත හැකි බව දැනුම් දී ඇති අතර, ඒ අනුව රනිල් වික්‍රමසිංහ තම ආරක්ෂක නිලධාරියාට එම නිලධාරියාගෙන් අවස්ථාවක් ඉල්ලන ලෙස උපදෙස් දී ඇත.
පොලිසියට දුරකතන ඇමතුමක් ලබා ගැනීමට හිටපු ජනාධිපතිවරයාට අවශ්‍ය විට, එය පොලිස් ආරක්ෂක තොරතුරු අංශය හරහා සිදු කිරීම සිරිත බවත්, අත්අඩංගුවේ සිටින පුද්ගලයෙකු සමග කතා කිරීමට ඇමතුමට අවසර ඇත්දැයි තහවුරු කිරීම පළමුව සිදු කරන බවත් කාර්යාලය පවසයි.
මෙම අවස්ථාවේදී වික්‍රමසිංහ මහතාගේ ආරක්ෂක අංශය රහස් පොලිස් නිලධාරියාට ඇමතුමක් ලබා දුන් අතර, ඔහු සී.අයි.ඩී. අධ්‍යක්ෂවරයාගෙන් උපදෙස් ලබා ගැනීමට අවශ්‍ය බව දැනුම් දී ඇත.
සී.අයි.ඩී. අධ්‍යක්ෂවරයා, අඛණ්ඩ විමර්ශනයක් හේතුවෙන් ඇමතුම සම්බන්ධ කළ නොහැකි බව හිටපු ජනාධිපතිවරයාගේ ආරක්ෂක අංශයට දැනුම් දී ඇත.
මෙම උත්සාහය හේතුවෙන් රනිල්ගේ පෞද්ගලික ආරක්ෂක නිලධාරියාට ස්ථාන මාරුවීමක් ලබා දී ඇති බව පොලිස් නිවේදනයක සඳහන් වන බවත්, ආරක්ෂක නිලධාරියෙකු මාරු කිරීමට පෙර අදාළ ප්‍රභූවරයාට කල්තියා දැනුම් දීම සිරිත බවත් හිටපු ජනාධිපති රනිල් වික්‍රමසිංහ මහතාගේ කාර්යාලය නිවේදනයක් නිකුත් කරමින් පවසයි.
සබැඳි පුවත්
කටුනායක ගුවන්තොටුපොළේ විශේෂ සෝදිසි මෙහෙයුමක්
කෝවිලක තෙරපීමකින් පුද්ගලයන් 06ක් මරුට
රජයට විරුද්ධ කට්ටිය පාතාලය හරහා ඝාතනය කරවනවා
-
පුවත්4 days agoසිරි දළදා වන්දනාවට ජනපති කළ ඉල්ලීම මල්වතු හා අස්ගිරි පාර්ශව මහ නාහිමිවරු ප්රතික්ෂේප කරලා
-
පුවත්7 days agoඩොලරයත් එක්ක විදෙස් ණයත් නගලා
-
විදෙස්1 week agoලිංගික අපයෝජනයන්ට එරෙහි වූ සමාජ ක්රියාකාරිනිය සියදිවි නසාගනී
-
පුවත්1 week agoඖෂධ වර්ග 110 ක් කෙලින්ම රටින් ගේන්න සාකච්ඡා; ලියාපදිංචි සැපයුම්කරුවන් විසිවෙයි
-
පුවත්3 days agoවැඩබලන නීතිපති විරාජ් දයාරත්න