නව පොලිස්පතිවරයෙකු පත් කිරීම සඳහා ආණ්ඩුක්‍රම ව්‍යවස්ථා සභාව වෙත නුදුරේදීම නව නාමයෝජනා පත්‍රයක් යැවීමට නියමිතව ඇතැයි වාර්තා වේ.
ඒ තමා සිය ධුරයෙන් විශ්‍රාම ගන්නා බවට පොලිස්පති සී.ඩී. වික්‍රමරත්න මහතා ජ්‍යෙෂ්ඨ නියෝජ්‍ය පොලිස්පතිවරුන්ට දැනුම් දීමෙන් අනතුරුව සිය කාර්යාලයෙන් පිටව යාම නිසාය.
ඒ අනුව ජ්‍යෙෂ්ඨතා ලේඛනය සැලකිල්ලට ගෙන ජනාධිපති රනිල් වික්‍රමසිංහ මහතා සිය නාමයෝජනා ව්‍යවස්ථාදායක සභාව වෙත යොමු කිරීමට නියමිත බවද වාර්තා වේ.
වික්‍රමරත්න මහතා මීට පෙර විශ්‍රාම යාමට නියමිතව සිටි නමුත් ආණ්ඩුක්‍රම ව්‍යවස්ථා සභාව ඔහුගේ නම අනුමත කිරීම ප්‍රතික්ෂේප කළද ඔහුට සේවා දිගුවක් ලබා දීමට ජනපතිවරයා කටයුතු කර තිබිණි.
