Connect with us

පුවත්

පොලීසිය අධිකරණ තීන්දුවක් නොසළකා හරී

Published

on

පොලිස් අත්අඩංගුවට ගනු ලබන පුද්ගලයින් කෲර වධ හිංසනයන්ට ලක්වීම වැළැක්වීම සඳහා අධිකරණය විසින් ලබාදුන් නියෝගවලින් කිසිදු ප්‍රතිඵලයක් අත්වී නොමැති බවත් පොලීසියේ බලධාරීන් විසින් අදාළ නියෝග සහ අවවාද නොසලකා හැර ඇති බවත් ශ්‍රේෂ්ඨාධිකරණය පවසා තිබේ.

2009 වසරේදී කැලණිය විශ්වවිද්‍යාලය ඉදිරිපිට පැවැත්වූ විරෝධතාවකදී පොලිසිය විසින් තමන්ට අමානුෂික ලෙස සැලකීමෙන් තම මූලික අයිතිවාසිකම් උල්ලංඝනය කර ඇති බවට නිගමනය කරනා නියෝගයක් නිකුත් කරන ලෙස ඉල්ලා විශ්වවිද්‍යාල සිසුන් දෙදෙනකු විසින් ගොනු කර තිබූ මූලික අයිතිවාසිකම් පෙත්සමක් කැඳවූ අවස්ථාවේදී විනිසුරු එස්. තුරෙයිරාජා මහතා මේ බව පවසා තිබුණි.

ඒ විවෘත අධිකරණයේ ප්‍රකාශයක් සිදුකරමිනි.

කැලණිය විශ්වවිද්‍යාලයේ ඉගෙනුම ලැබූ ඉනෝකා නදිශානි සහ අනුජ සමන්ත යන ශිෂ්‍ය ක්‍රියාකාරීන් දෙදෙනා විසින් ගොනු කර තිබූ මෙම පෙත්සම එස්. තුරෙයිරාජා, කුමුදුනි වික්‍රමසිංහ සහ ජගත් ද සිල්වා යන විනිසුරු මඬුල්ල හමුවේදී කැඳවා තිබුණි.

එහි වගඋත්තරකරුවන් ලෙස එවකට පෑලියගොඩ පොලිසියේ පොලිස් පරීක්ෂකවරයකු ලෙස සේවය කළ අජන්ත පුෂ්පකුමාර, කිරිබත්ගොඩ පොලිසියට අනුයුක්තව සේවය කළ පොලිස් පරීක්ෂක චන්දන ගමගේ ඇතුළු පිරිසක් නම් කර තිබේ.

එහිදී විනිසුරුවරයා පවසා ඇත්තේ වගඋත්තරකාර පොලිස් නිලධාරීන් පෙත්සම්කරුවන්ගෙන් සමාව අයැද යම් වන්දියක් ගෙවා නඩුකරය සමථයට පත්කර ගැනීම වඩා යෝග්‍ය බවය.

ඒ අනුව,  විනිසුරු මඬුල්ල ඒ සම්බන්ධයෙන් වගඋත්තරකාර පොලිස් නිලධාරීන්ගේ මතය ලබන ඔක්තෝබර් 11 වැනිදා අධිකරණයට දැනුම් දෙන ලෙස අවවාද කරමින් එදින දක්වා පෙත්සම කල් තැබීමට නියෝග කළේය.

එහිදී විනිසුරු එස්. තුරෙයිරාජා මහතා පවසා ඇත්තේ අත්අඩංගුවට ගන්නා පුද්ගලයන් කෲර වධහිංසාවලට භාජනය වීම වැළැක්වීම සඳහා ශ්‍රේෂ්ඨාධිකරණය විසින් අවස්ථා ගණනාවකදීම අවශ්‍ය නියෝග, අවවාද හා මාර්ගෝපදේශ නිකුත් කොට ඇතත් ජාතික පොලිස් කොමිසම හෝ පොලිස්පතිවරයා ඇතුළු ජ්‍යෙෂ්ඨ නිලධාරීන් ඒ සම්බන්ධයෙන් කිසිදු සැලකිල්ලක් දක්වා ඇති බවක් නොපෙනෙන බවය.

අධිකරණය විසින් මින් පෙර නිකුත් කර ඇති එකී නියෝග සම්බන්ධයෙන් කිසිදු වාර්තාවක් හෝ මේ දක්වා ඉදිරිපත් නොකිරීමෙන් එකී බලධාරීන්ගේ අවධානය ඒ සම්බන්ධයෙන් යොමු වී නොමැති බව පෙනී යන බවද විනිසුරුවරයා පවසා තිබේ.

පුවත්

ඩෑන් ප්‍රියසාද් මියගොස් නෑ – පොලිසිය (Update)

Published

on

By

අද (22) රාත්‍රියේ වෙඩි ප්‍රහාරයකට ලක්වූ දේශපාලන ක්‍රියාකාරී ඩෑන් ප්‍රියසාද් ජීවිතක්ෂයට පත්වී නැති බව පොලිසිය පවසයි.

අසාධ්‍ය තත්වයෙන් පසුවන ඔහු දැඩි සත්කාර ඒකකයේ ප්‍රතිකාර ලබන බව පොලිස් මාධ්‍ය ප්‍රකාශකවරයා පවසා ඇත.

මීට පෙර පොලිසිය විසින් නිකුත් කර ඇති නිවේදනයක් දැක්වුණේ ඔහු මියගොස් ඇති බවයි.

————-

(පෙර පුවත : 2025/04/22 at 10:40 )

අද (22) රාත්‍රියේ වෙඩි ප්‍රහාරයකට ලක්වූ දේශපාලන ක්‍රියාකාරී ඩෑන් ප්‍රියසාද් ජීවිතක්ෂයට පත්වී ඇත.

අද රාත්‍රී 9:10ට පමණ වැල්ලම්පිටිය ලක්සඳ සෙවණ මහල් නිවාස සංකීර්ණයේ උඩු මහලකදී මෙම වෙඩිතැබීම සිදුවී තිබුණු අතර, තුවාල ලැබූ ප්‍රියසාද් මහතා කොළඹ ජාතික රෝහලට ඇතුළත් කිරීමෙන් අනතුරුව මෙලෙස මියගොස් ඇති බව පොලිසිය පවසයි.

සිද්ධියෙන් සුළු තුවාල ලැබූ තවත් පුද්ගලයෙකු මේ වනවිට රෝහල්ගතව ප්‍රතිකාර ලබමින් සිටියි.

යතුරුපැදියකින් පැමිණි වෙඩික්කරුවන් දෙදෙනෙකු පිස්තෝල වර්ගයේ ගිනි අවියකින් වෙඩි තැබීම සිදුකර ඇතැයි වාර්තා වේ.

වැල්ලම්පිටිය පොලීසිය විසින් වැඩිදුර විමර්ශන සිදුකරයි.

Continue Reading

පුවත්

ශ්‍රී ලංකා මිරර් ප්‍රධාන කර්තෘ ගේ මෑණියන් අභාවප්‍රාප්ත වෙයි

Published

on

By

නැසීගිය ජාතික කිරි මණ්ඩලයේ හිටපු කළමනාකරු – එල්.එස්. රොඩ්රිගෝ මහතාගේ ආදරණීය බිරිඳ හා ශ්‍රී ලංකා මිරර් ප්‍රධාන කර්තෘ – කැළුම් ශිවන්ත මහතා ගේ ආදරණීය මෑණියන් වූ පුෂ්පා රංජනී ලියනගේ මහත්මිය අද (අප්‍රේල් 22) අභාවප්‍රාප්ත වී තිබේ.

දේහය හෙට (23) පෙ.ව. 11.00 – ප.ව. 10.30 දක්වාද අප්‍රේල් 24 පෙරවරුවේද කැළණිමුල්ල පිහිටි සුප්‍රීම් රෙස්ට් මල් ශාලාවේ තැන්පත් කෙරේ.

අවසන් කටයුතු අප්‍රේල් 24දා  ප.ව. 3.00ට පිලපිටිය සුසාන භූමියේ ආදාහනාගාරයේදී සිදුකෙරෙනු ඇත.

Continue Reading

පුවත්

පොලිස් බැකප් ගත්ත ටීචර් ගැන නලින්දගෙන් ප්‍රකාශයක්

Published

on

By

පුද්ගල ප්‍රතිරූප ප්‍රවර්ධනය සඳහා පොලිසියේ පෙර ගමන් රථ කිසිසේත්ම භාවිත නොකළ යුතු බව අමාත්‍ය නලින්ද ජයතිස්ස මහතා පවසයි.

උපකාරක පන්ති ගුරුවරියක් පොලිස් යතුරුපැදි සහ පොලිස් මෝටර් රථ සමග ගමන් කරමින් පැවැත්වූ උත්සවය සම්බන්ධයෙන් මාධ්‍යවේදීන් අද(22) කැබිනට් තීරණ දැනුම්දීමේ ප්‍රවෘත්ති සාකච්ඡාවේදී ප්‍රශ්න කළ අතර එහිදී අමාත්‍යවරයා කියා සිටියේ, එම අවස්ථාවේ වරදක් සිදුව ඇති බවය.

විමර්ශන වාර්තාව අනුව මෙය පුද්ගල වරදකින් සිදුවූවක්ද නැතිනම් නීතියේ පවතින අඩුපාඩුවක් හේතුවෙන් සිදුවූ කරුණක්ද යන්න හෙළිවනු ඇති බවට නලින්ද ජයතිස්ස අමාත්‍යවරයා පෙන්වාදෙයි.

තමා දන්නා පරිදි මෙම වැඩසටහන සඳහා පාසල් සිසුන් පැමිණෙන බැවින් පොලිස් ආරක්ෂාවක් ලබාදෙන ලෙස ඉල්ලා සිට ඇති බවත් දරුවන් සිටින ස්ථානයක් සඳහා පොලිස් ආරක්‍ෂාව ලබාදීමට පොලිසිය කටයුතු කර ඇති බවත් අමාත්‍යවරයා එහිදී කියා සිටියේය.

ඒ අනුව ක්‍රියාවලිය අතරමග වරදක් සිදු වී ඇති බැවින් ඒ සම්බන්ධයෙන් පොලිසිය පරීක්ෂණ පවත්වන බව අමාත්‍යවරයා පැවසීය.

ඒ පිළිබඳව නලින්ද ජයතිස්ස මහතා වැඩිදුරටත් දැක්වූ අදහස් :

“ජනාධිපතිතුමා යන්නේත් නැහැ එහෙම. මේ රටේ සාමාන්‍ය පුරවැසියෙක් මේ කරපු වැඩේ පිළිබඳව මාධ්‍ය සමාජ මාධ්‍යයේ දැඩි අවධානයක් යොමු වුණා.

මෙතන වරදක් වෙලා තියෙනවා ඒ ගැන පොලිසි විමර්ශන කරගෙනන යනවා. අපේ රටේ පෙරහර වගේ එවැනි අවස්ථාවකට පෙර ගමන් රථ ඉල්ලුවොත් ලබා දෙනවා. නමුත් මේක එහෙම කටයුත්තක් නෙවෙයි. 

පුද්ගලයන්ගේ ප්‍රතිරූප ප්‍රවර්ධනය සඳහා කිසිසේත්ම පොලිසියේ මෙවැනි රථවාහනන පොලිස් නිලධාරින් භාවිතා නොකළම යුතුයි. කිසිම අවශ්‍යතාවයකුත් නැහැ. නීතියකුත් නැහැ.

මම දන්න හැටියට එකවර 8000ක් එනවා කියල නෙවෙයි ඉල්ලලා තිබුනේත්. සෙෂන් හතරකට ළමයි ගෙන්න ගන්නවා කියලා තමයි ඉල්ලලා තිබුණේ. ළමයි එනවා කියලා පොලිස් ආරක්ෂාව තමයි මුලින්ම ඉල්ලලා තිබුනේ. 

ක්‍රියාවලියේ අතරමග සිද්ධ වෙච්ච වරද පිළිබඳව විමර්ෂන වාර්තාව බලමු. අදාළ ක්‍රියාමාර්ග අපි ගන්නවා. මෙවැනි ආකාරයේ කටයුතු වලට ඉඩ ලබා ගන්නේ කොතනින්ද කියන එක අපි බලමු. පොලීසියෙ තියෙන නීති වලින් රිංගලා යන්නේ කොතනින්ද කියලා බලන්න ඕන”

Continue Reading
Advertisement

Trending

Copyright © 2023 Sri Lanka Mirror. All Rights Reserved