පොළොන්නරුව වැලිකන්ද කන්දකාඩු ප්‍රදේශයේ අසාධ්‍ය තත්ත්වයෙන් පසු වූ අලි පැටවෙකු මියගොස් තිබේ.
අසාධ්‍ය තත්ත්වයේ සිටි මෙම අලි පැටවා වැලිකන්ද වනජීවි නිලධාරීන් විසින් ඊයේ (15) සොයා ගනු ලැබූහ.
හක්ක පටස් ආහාරයට ගැනීමෙන් සත්ත්වයා මෙලෙස අසාධ්‍ය තත්ත්වයට පත්ව ඇති බව වනජීවි නිලධාරීන් විසින් පෙන්වා දෙන ලදී.
ප්‍රතිකාර කිරීම වෙනුවෙන් වැලිකන්ද වනජීවි කාර්යාලය වෙත රැගෙන ආ අලි පැටවා පසුව මියගොස් තිබේ.
මෙලෙස මියගොස් ඇත්තේ අවුරුදු දෙකක් පමණ වයස වූ අලි පැටවෙකි.
