බීඩි ව්‍යාපාරිකයකු පැහැරගෙන ගොස් පහර දී රුපියල් ලක්ෂ 10ක මුදලක් බලෙන් ලබාගත් බවට ලද පැමිණිල්ලක් සම්බන්ධයෙන් වලස්මුල්ල පොලිසිය විමර්ශන ආරම්භ කර ඇත.
වලස්මුල්ල, රාජපුරගොඩ, මාරකැටිය ප්‍රදේශයේ පදිංචි ව්‍යාපාරිකයකුගේ ව්‍යාපාරික බලපත්‍රය ජූනි මස 26 වැනි දින අවසන්ව ඇති අතර, ඔහුගේ නිවෙසට පසුගිය 18 වනිදා පැමිණි තංගල්ල සුරාබදු ඒකකයේ ස්ථානාධිපති ඇතුළු කණ්ඩායමක් එම නිවසේ තිබූ බීඩි කොළ සිය භාරයට ගෙන තිබේ.
ඒ සම්බන්ධයෙන් නීති මාර්ගයෙන් කටයුතු නොකිරීමට රුපියල් ලක්ෂ 14ක මුදලක් සුරාබදු නිලධාරීන් විසින් ඉල්ලා ඇති අතර, පසුව එම ව්‍යාපාරිකයා ත්‍රීරෝද රථයක දමාගෙන රැගෙන ගොස් පහර දී, ලක්ෂ 10ක මුදලක් බලෙන් ලබාගත් බවට ව්‍යාපාරිකයා පොලීසියට පවසා ඇත.
මෙම සම්බන්ධයෙන් වලස්මුල්ල පොලිසිය විමර්ශන ආරම්භ කර තිබෙන වාර්තා වේ.
