පවුලෙන් පවුලට පරම්පරාවෙන් පරම්පරාවට නෑ හිත මිතුරන්ට රටේ ඉහළ තනතුරු ලබා දෙමින් මෙතෙක් සිදුකරගෙන ගිය රාජ්‍ය පාලනයත් ගජ මිතුරන්ට සැලකීමත් වෙනුවට රට හදන ජනතාව නගා සිටුවන පාලනයක් සැප්තැම්බර් 21 දිනෙන් පසුව ආරම්භ වන බව ජාතික ජන බලවේගය පක්ෂයේ ජනාධිපති අපේක්ෂක අනුර කුමාර දිසානායක මහතා පවසයි.
ඒ මහතා මේ බව පවසා සිටියේ කිරිඳිවැල පැවති ජනාධිපතිවරණ ප්‍රචාරක රැලියක් අමතමිනි.
ජනතාව දුප්පත්කමෙන් බේරාගෙන ජනතාව බලා ගන්න ආණ්ඩුවක් මේ රටේ ආරම්භ වන්නේ ප්‍රථම වතාවට බවද ඒ මහතා පවසා සිටියේය.
එහිදී වැඩිදුරටත් අදහස් දැක් වූ ඒ මහතා පැවසුවේ,
මේ රටේ වත්මන් පාලකයෙන් රටේ දරු පරම්පරාව ගැන හිතුවේ නැහැ. ඔවුන්ගේ දරුවන් ගැන විතරයි හිතුවේ. අපි රටේ සියලුම දරුවන්ගේ අනාගතය වෙනුවෙන් සැලසුම් සහගත වැඩපිළිවෙළක් ක්‍රියාත්මක කරනවා.ෙරට පෝසත් කරන දරුවන්ගේ අනාගතය පෝෂණය කරන ආණ්ඩුවක් තමයි අපි පිහිටුවන්නේ ඇමතිවරු 25යි. රාජ්‍ය ඇමතිවරුන් නැහැ. රාජ්‍ය ආයතනවල ප්‍රධාන තනතුරු විෂය පිළිබඳ දැනුම තියෙන දක්ෂතාවය ඇති අවංක අයට ලබා දෙනවා.රටට විශාල ආදායමක් ඉපැයීය හැකි සංචාරක ව්‍යාපාරය දියුණු වී නැහැ. රටට හොඳ නමක් තියෙනවා නම් සංචාරකයින් එනවා. රටේ නායකයන් අධිකරණයේදී වැරදියි කියලා කියනකොට වැරදි මතයක් ජාත්‍යන්තරයට යනවා. ජනාධිපතිවරු දඩ කනවා රටේ කීර්තිය නැතිවෙනවාමේ රටට ණය දෙන්නේ නෑ. ලංකාවේ ඒවා විකුණනවා ලාභ උපයනවා.බඩු පිටරටින් ගෙනල්ලා විකුණන තරමට තමා ඇමතිවරයාට ලාභ ලැබෙන්නේ.ලබන විසි එකදායින් පසුව පිහිටුවන අලුත් රජයක් යටතේ නව ආර්ථික පරිවර්තනයකට රට ගෙන යනවා. සියලු දෙනා එකට එක්වී වැඩ කළොත් එම කාර්යය අමාරු වෙන්නේ නැහැ.මේ රටට විශාල ආදායමක් උපයාගත හැකි සංචාරක ව්‍යාපාරය මේ වන විට අඩාල වෙලා අපේ සංචාරක කර්මාන්ත සැලැස්ම අපි 26 දින ඉදිරිපත් කළා. 2030 වෙනකොට ලක්ෂ හතලිහක සංචාරකයන්ගේ එන සැලසුම් හදා තිබෙනවා.රටේ ආර්ථිකයට ඩොලර් බිලියන අටක් නවයක් ඉපයීමට එමඟින් හැකි වෙනවා…………
