මත්ද්‍රව්‍ය ජාවාරම්කරුවන්ට අයත්ව තිබියදී පොලිස් භාරයට ගත් ගංජා ඇතුළු මත්ද්‍රව්‍ය කිලෝග්‍රෑම් 200කට ආසන්න ප්‍රමාණයක් මීයන් විසින් විනාශ කර ඇතැයි ඉන්දීය පොලිසිය පවසා ඇත.
අවස්ථා කිහිපයකදී මත්ද්‍රව්‍ය ජාවාරම්කරුවන්ගෙන් පොලිස් භාරයට ගත් මත්ද්‍රව්‍ය සාක්ෂි ලෙස අධිකරණය හමුවට ඉදිරිපත් කරන මෙන් අධිකරණය පොලිසියට නියෝග කර තිබුණි.
කෙසේවෙතත්, විනිසුරුවරයා පැවසුවේ ඉන් ගංජා කිලෝග්‍රෑම් 195ක් පමණ මීයන් විසින් විනාශ කර ඇති බවට පොලිසිය විසින් අධිකරණයට දන්වා ඇති බවයි.
මීයන් ප්‍රමාණයෙන් කුඩා වැඩි බැවින්, මේ සම්බන්ධයෙන් පියවර ගැනීමට පොලිසියට විශේෂඥ දැනුමක් නොමැති බවත්, එබැවින් “එවැනි එඩිතර” මීයන්ගෙන් පොලිස් භාරයට ගත් ද්‍රව්‍ය ආරක්ෂා කරගැනීමට ඇති එකම ක්‍රමය වන්නේ ඒවා ඖෂධ පර්යේෂණාගාරවලට හා ඖෂධ සමාගම්වලට වෙන්දේසි කර ඉන් ලැබෙන ආදායම රජයට පැවරීම බවයි.
