සුරාබදු දෙපාර්තමේන්තුව විසින් මත්පැන් නිෂ්පාදනය බලපත්‍රය තහනම්කර තිබූ ෆින්ලන්ඩ් ඩිස්ටලරිස් සමාගමට නැවත එම බලපත්‍රය ලබාදී තිබේ.
ඒ අදාළ සමාගම විසින් සුරාබදු දෙපාර්තමේන්තුවට ගෙවීමට තිබූ හිඟ බදු මුදල ගෙවා දැමීමට කටයුතු කිරීම නිසාය.
කෙසේවුවද, සුරාබදු දෙපාර්තමේන්තුව විසින් මත්පැන් නිෂ්පාදනය තහනම් කරන ලද සමාගම් පහෙන් හිඟ බදුගෙවා අදාළ බලපත්‍රය මෙතෙක් ලබාගෙන ඇත්තේ ෆින්ලන්ඩ් ඩිස්ටලරිස් සමාගම පමණි.
බදු නොගෙවීම නිසා මත්පැන් බලපත්‍ර තහනම් කළ සෙසු සමාගම්වනුයේ මෙන්ඩිස් සමාගම, වයඹ ඩිස්ටලරීස්, සිනේජි ඩිස්ටලරීස් සහ රන්දෙනිගල ඩිස්ටලරීස් යන සමාගම්වලටය.
ඒවාට පනවා ඇති මත්පැන් නිෂ්පාදන තහනම තවදුරටත් ක්‍රියාත්මක බවද සුරාබදු දෙපාර්තමේන්තුව කියා සිටී.
