නාමයෝජනාවල අපිළිවළ තත්ත්වයක් හේතුවෙන් සමගි ජන බලවේගය පක්ෂයේ අභභන්තර ගැටුම් රාශියක් මේවන විට ඇතිවී ඇතැයි වාර්තා වේ.
මේ අතරින්, සමගි ජන බලවේගයේ ගම්පහ ආසන සංවිධායක ලෙස සජබ ගම්පහ දිස්ත්‍රික් නාමයෝජනාවට අත්සන් තැබූ අජිත් මානන්නප්පෙරුම මහතාට එක රැයකින් අදාළ තනතුර අහිමිවීමත් සමඟ ඔහු ඡන්දය ඉල්ලීමෙන් වැලැකී සිටීමට යන බවට ද රාවයක් පැතිර තිබේ.
ඔහුගේ සංවිධායක ධූරය ලබාදී ඇත්තේ ජනතා විමුක්ති පෙරමුණ, පෙරටුගාමී පක්ෂය හා පසුගිය කාලයේ එක්සත් ජාතික පක්ෂයට එක්වී රනිල් වික්‍රමසිංහ මහතාගේ මාධ්‍ය කණ්ඩායමේ සිට වරුණ රාජපක්ෂ මහතාටය.
මේ අතර, පසුගිය කාලයේදී විශාල ආන්දෝලනයක් ඇති කරමින් සජබට එක්වූ නාලක ගොඩහේවා මහතාට සජබයෙන් නාමයෝජනා ලබාදීම ද ප්‍රතික්ශේප කර ඇතැයි වාර්තා වේ.
එසේම, පසුගිය කාලයේ සජබ කැලණිය සංවිධායක ධූරය සඳහා තරගයක යෙදුන හිටපු අමාත්‍ය අර්ජුන රණතුංග මහතාගේ නම ගම්පහ සජබ ලයිස්තුවට නොදමන්නැයි ඔහු ඉල්ලා ඇති බවද පැවසේ.
සජිත් ප්‍රේමදාස මහතා ජනාධිපතිවරණය පරාජයට පත්වීමෙන් පසුව අර්ජුන මහතා සිට දුරකථනය විසන්ධිකර තිබීම නිසා ජනපතිවරණයෙන් පසුව දින තුනක් පමණ යන තෙක් ඔහුව පක්ෂ ප්‍රධානීන්ට හෝ කැලණියේ ආධාරකරුවන්ට සම්බන්ධ කර ගැනීමට බැරි වූ බවද පැවසේ.
මේ අතර, සජබ ගම්පහ දිස්ත්‍රික් නාමයෝජනා ලයිස්තුවට මොහොමඩ් ෆයිස් නැමැත්තෙකු ඇතුළත් කිරීම නිසා එම පක්ෂය අභ්‍යන්තරයේ බරපතල ගැටීමක් නිර්මාණය වී ඇතැයි ද වාර්තා වේ.
මේ අතර,සජබය විසින් ගම්පහ දිස්ත්‍රික්කයෙන් තරග වැදීමට ආරක්ෂක අංශ සාමාජිකයකුට අවස්ථාව ලබා නොදීම එම ප්‍රදේශයේ සිටින සජබට සහය දක්වන ආරක්ෂක අංශ සාමාජිකයන් 12000ක් පමණ නොසලකාහරීමක් බව මේජර් ජගත් කුමාර මහතා ප්‍රසිද්ධියේ පවසා තිබේ.
කැලණිය සංවිධායක ධූරයට ටෙන්සන් ජෝර්ජ්ට ලබාදීමට විරෝධය දක්වමින් සජබ ආධාරකරුවන් දෙපිරිසකට බෙදී ඇති බවද මේ අතර වාර්තා වේ.
ටෙනිසන් කැලණිය සංවිධායක ධූරයට පත් කළ හොත් සජබ ආධාරකරුවන් පිරිසක් එම පක්ෂයට සහය දැක්වීමට නොපැමිණෙන බව මේවන විට ලිඛිතව දන්වා ඇති බවද වාර්තා වේ.
මේ නාමයෝජනා ගැටලුවලට ජසබ නිල නොවන නායකයා ලෙස කටයුතු කරනු ලබන ලක්ෂමන් ෆොන්සේකා මහතාගේ මැදිහත්වීම් හේතුවී ඇති බවටද එහි සාමාජිකයන්ගෙන් දෝෂාරෝපන එල්ලවී ඇතැයි ද මේ අතර වාර්තා වේ.
