පුවත්
රජයට ගිනි ගාණට බෙහෙත් විකුණූ සන්ෂයින්ලාගේ ෆාම් එකෙන් ලෙඩ හරක් මස් වික්කට විරෝධතාවක්
හැටන් වටවල ප්‍රදේශයේ පිහිටි සන්ෂයින් හෝල්ඩිංග්ස් හි අනුබද්ධිත වටවල ඩේරි පුද්ගලික සමාගම විසින් පත්වාගෙන යනු ලබන ලොනැක් සත්ව ගොවිපලේ (Lonach Farm) විවිධ රෝග වැලදී මිය යන එළදෙනුන් සහ ගවයන් එම සත්ව ගොවිපලේ පාලන අධිකාරිය විසින් මස් කඩ වලට අලෙවි කිරීමට එරෙහිව වටවල ලොනැක් වත්තේ වතු කම්කරුවන් එම සත්ව ගොවිපල ඉදිරිපිට පසුගිය 14 වැනිදා විරෝධය දක්වනු ලැබුහ.
එදින (14) අලුයම එම සත්ව ගොවිපලට පැමිණි ලොරි රථ දෙකක එවැනි ගවයන් පටවාගෙන බගවන්තලාව නගරයේ ගව ඝාතකාගාරය වෙත රැගෙන ගිය බවත්, ඉන් එක ලොරි රථයක් තමන් අල්ලාගත් බවත් එම වතුයායේ වතු කම්කරුවන් කියා සිටියේය.
ගවයන් ප්‍රවාහනය කිරිමට 12 වැනිදා ලබාගත් බලපත්‍රයක දිනය සත්ව ගොවිපලේ පාලන අධිකාරිය විසින් වෙනස් කරමින් ලෙඩ වී මිය යාමට ආසන්නව සිටි ගවයන් සහ එළදෙනුන් ප්‍රවාහනය කිරිමට කටයුතු කර ඇති බවත් විරෝධතාවයේ නියැලීසිටි වතුකම්කරුවෝ එහිදීකියා සිටියහ.
මීට ප්‍රථම එම සත්ව ගොවිපලේ විවිධ රෝග වැලදී මිය යෑමට ආසන්න මෙවැනි සතුන් මිය යෑමෙන් පසු සත්ව ගොවිපලේම වල දමන බවත්, වත්මන් පාලන අධිකාරිය මගින් එම සතුන් මස්කඩ වලට අලෙවිකර එම සතුන්ගේ මස් වතුකරයේ ජනතාවටම අනුභව කිරීමට සලස්වා ඇතැයි ඔවුහු චෝදනා කරති.
වතුකම්කරුවන්ගේ විරෝධය හමුවට පැමිණි නෝර්ටන්බ්‍රිජ් පොලිසියේ නිළධාරින් වතුකම්කරුවන් විසින් අල්ලාගෙන තිබු ලොරි රථයේ සිටි ගවයන් දෙදෙනා ආපසු සත්ව ගොවිපල වෙතම රැගෙන යන ලෙසට පාලන අධිකාරියෙන් කල ඉල්ලීමක් මත එම සතුන් ආපසු සත්ව ගොවිපල වෙත රැගෙන යාමට ද කටයුතු කර තිබේ.
එම සත්ව ගොවිපලේ සිටි ගවයන් බගවන්තලාව නගරයේ ගව ඝාතකාගාරය වෙත රැගෙන ගොස් ගැට ගසා තිබෙන අයුරු ද විරෝධතාකරුවන් විසින් ඡායාරූපගත කර, ඒ සම්බන්ධයෙන් බගවන්තලාව පොලිසිය හා මහජන සෞඛ්‍ය පරික්ෂකවරයාට දැනුම්දීමෙන් පසුව විමර්ෂණයක් ආරම්භකර ඇතැයි ද මේ අතර වාර්තා වේ.
ලොනැක් ඉතිහාසය….
වටවල ප්ලාන්ටේෂන්ස් හි 100% අනුබද්ධිත ආයතනයක් වන වටවල කිරි සමාගම (WDL) විසින් ඉදිකරන ලද මෙම අති නවීන කිරි ගොවිපල, ආයෝජන මණ්ඩලයේ (BOI) ලියාපදිංචි ව්‍යාපෘතියක් වන අතර එය ගිනිගත්හේන වටවල හි හෙක්ටයාර 50 ක භූමි ප්‍රමාණයක පිහිටා ඇත.
මෙම ව්‍යාපෘතිය 2016 මාර්තු මාසයේදී ආරම්භ කරන ලද්දේ නියමු ව්‍යාපෘතියක් ලෙස ‘ලෝනාච් ෆාම්’ නමින් ගවයින් 120 ක්, ගව නිවාස තුනක් සහ කිරි දොවන මධ්‍යස්ථානයක් සමඟිනි.
වටවල කිරි සමාගම 2018 දී ඕස්ට්‍රේලියාවෙන් සහ නවසීලන්තයෙන් සෘජුවම වැස්සියන් 246 ක් ආනයනය කළ අතර, දේශීය කිරි කර්මාන්තය සංවර්ධනය කිරීම සඳහා වූ ගිවිසුමක් යටතේ 2017 දී සහනදායී මිලකට ශ්‍රී ලංකා රජයෙන් එළදෙනුන් 928 ක් මිලදී ගන්නා ලදී.
මෙසේ සහනදායී මිලට ලබාගත් ගවයින් වැඩි ප්‍රමාණයකට කුර ලෙඩ ඇතිවීම නිසා එකළ විශාල ආන්දෝලනාත්මක ත්ත්තවයක් මතුව තිබූ අතර, එකළ ද අදාළ සමාගමට ප්‍රදේශවාසීන්ගෙන් දෝෂාරෝපණය එල්ලවිය.
ජායාරූප – රංජිත් රාජපක්ෂ – හැටන්
සබැඳි පුවත්
https://sinhala.srilankamirror.com/news/දෙදාහේ-බෙහෙත-හැත්තපන්දාහ/
තද සුළං සහ රළු මුහුද පිළිබඳව අනතුරු ඇඟවීමේ රතු නිවේදනයක් කාලගුණ විද්‍යා දෙපාර්තමේන්තුවේ, ස්වභාවික විපත් පිළිබඳ පූර්ව අනතුරු ඇඟවීමේ මධ්‍යස්ථානය විසින් නිකුත් කර තිබේ.
හෙට (11) දින ප.ව. 02.30 වන තෙක් වලංගු වන පරිදි මෙම නිවේදනය නිකුත් කර ඇත.
හලාවත සිට පුත්තලම සහ මන්නාරම හරහා කන්කසන්තුරය දක්වා සහ ගාල්ල සිට හම්බන්තොට හරහා පොතුවිල් දක්වා වෙරළට ඔබ්බෙන් වන මුහුදු ප්‍රදේශ සඳහා සැලකිලිමත් වන ලෙස මෙම නිවේදනයෙන් දැනුම් දී තිබේ.
සක්‍රීය නිරිතදිග මෝසම් කාලගුණ තත්ත්වයේ බලපෑම හේතුවෙන්, හලාවත සිට පුත්තලම සහ මන්නාරම හරහා කන්කසන්තුරය දක්වා සහ ගාල්ල සිට හම්බන්තොට හරහා පොතුවිල් දක්වා වෙරළට ඔබ්බෙන් වන මුහුදු ප්‍රදේශවල සුළගේ වේගය විටින් විට පැ.කි.මී. (60–70) පමණ දක්වා වැඩි වන අතර එම මුහුදු ප්‍රදේශ විටින් විට ඉතා රළු වේ.
මෙම මුහුදු ප්‍රදේශයට නැවත දැනුම්දෙන තුරු යාත්‍රා නොකරන ලෙස නාවික සහ ධීවර ප්‍රජාවන්ට දැනුම් දී ඇත.
එමෙන්ම කාලගුණ විද්‍යා දෙපාර්තමේන්තුව විසින් මේ සම්බන්ධයෙන් නිකුත් කරනු ලබන ඉදිරි නිවේදන පිළිබඳව, අවධානයෙන් පසු වන ලෙස ධීවර හා නාවික ප්‍රජාවවට වැඩිදුරටත් දැනුම් දී තිබේ.
ජපානයේ ශ්‍රී ලංකා තානාපති කාර්යාලය අශිකගා-තොචිගි හා අවට ප්‍රදේශවල වෙසෙන ශ්‍රී ලංකා ප්‍රජාවට සේවය සැපයීමේ අරමුණින් අශිකගා ප්‍රදේශයේ සංවිධානය කළ ජංගම කොන්සියුලර් වැඩසටහන පසුගියදා (07) ජපානයේ ශ්‍රී ලංකා තානාපති මහාචාර්ය පිවිතුරු ජනක් කුමාරසිංහ මහතාගේ ප්‍රධානත්වයෙන් පැවැත්වුණි.
මෙහි දී තානාපති කාර්යාලය මගින් සිදු කරන විදේශ ගමන් බලපත්‍ර ඉල්ලුම් කිරීම, රියදුරු බලපත්‍ර යාවත්කාලීන කිරීම, දිවුරුම් ප්‍රකාශ නිකුත් කිරීම, ඇටෝනි බලපත්‍ර සහතික කිරීම ඇතුළු අත්‍යාවශ්‍ය කොන්සියුලර් සේවා සහ වෙනත් සහය සේවාවන් රැසක් ජපානය ශ්‍රී ලංකා තානාපති කාර්යාලයේ නිලධාරීන්ගේ පූර්ණ සහභාගිත්වයෙන් සපයන ලද අතර ප්‍රදේශවාසී ශ්‍රී ලාංකිකයෝ විශාල සංඛ්‍යාවක් මෙම සේවාව හා එක් වී සිය අවශ්‍යතා ඉටුකර ගත්හ.
තොචිගි ඔහානා සංවිධානය විසින් සංවිධානය කළ මෙම ජංගම කොන්සියුලර් සේවයට සමගාමීව වෙසක් සහ පොසොන් පොහොය සැමරුම් “වෙසක් කලාපය” පැවැත්විණි. ඊට ප්‍රදේශවාසී ලාංකිකයන් හා ජපන් ජාතිකයන් එක්ව නිර්මාණය කරන ලද අලංකාර වෙසක් පහන් කූඩු 600 කට අධික ප්‍රමාණයක් සැරසිලි සඳහා එක් කර තිබුණි.ඊට අතිරේකව ලාංකික සංස්කෘතිකාංග වලින් සමන්විත වූ ප්‍රාසාංගික ඉසව් රැසකින් ද මෙම වෙසක් කලාපය වර්ණවත් විය. උත්සවයේ වැදගත් අංගයක් ලෙස පැවති ළමා චිත්‍ර තරඟයෙන් ජයග්‍රහණය කළ දරුවන්ට ඔවුන්ගේ නිර්මාණශීලීත්වය හා සහභාගීත්වය අගය කරමින් වටිනා පාසල් බෑග් තිළිණ ලෙස ප්‍රදානය කෙරිණ.
මෙම වෙසක් කලාපය හා සංස්කෘතික ප්‍රසංගය තුළින් මෙරට වෙසක් සංස්කෘතිකාංග ජපන් ජාතිකයන්ට හා ජපාන වෙසෙන ශ්‍රී ලාංකික දරුවන්ට හඳුනාගැනීමට කදිම අවස්ථාවක් ලද බව ජපානයේ ශ්‍රී ලංකා තානාපති මහාචාර්ය පිවිතුරු ජනක් කුමාරසිංහ මහතා පැවසීය.
එම අවස්ථාවේ ආගමික වතාවත් පැවැත්වීමට තොචිගි පාරමිතා භාවනා මධ්‍යස්ථානයේ විහාරාධිපති අතිපූජ්‍ය මාවතරේ චන්දිම හිමියෝ හා සයිතමා කුමගයා අනඳමෙත් විහාරයේ විහාරාධිපති අතිපූජ්‍ය නාරවිල විජයවංශ හිමි ඇතුළු මහා සංඝරත්නය සහභාගි වූහ.
ජනපති ජර්මානු නිල සංචාරය සඳහා දිවයිනෙන් පිටත්ව යයි
කාලගුණයෙන් රතු නිවේදනයක්
