පොහොය දිනයක් වුවත්, හෙට (30) දිනයේ රජයේ බැංකු 2ක් විවෘතව තැබෙන බව රජය දැනුම්දෙයි.
අස්වැසුම ප්‍රතිලාභීන්ට ගෙවීම් ලබාගැනීම වෙනුවෙන් ලංකා බැංකුව සහ මහජන බැංකුව මෙලෙස විවෘතව තැබෙන බව මුදල් රාජ්‍ය අමාත්‍ය රංජිත් සියඹලාපිටිය මහතා පවසයි.
මේ අතර, හඳුනාගත් ඇස්වැසුම ප්‍රතිලාභීන් මිලියන 02 අතරින් ප්‍රතිලාභීන් මිලියන 1.5ක් සඳහා මුල් අදියරේ ගවෙීම් සිදුකරන බව අද (29) පැවැති මාධ්‍ය හමුවකදී රාජ්‍ය අමාත්‍ය ෂෙහාන් සේමසිංහ මහතා පැවසීය.
පළමු අදියර යටතේ ප්‍රතිලාභීන් 689,803කගේ බැංකු ගිණුම්වලට රුපියල් බිලියන 4.395ක් දැනටමත් තැන්පත් කර ඇති බවද ඔහු කියා සිටියේය.
