හිටපු මහ බැංකු අධිපති අජිත් නිවාඩ් කබ්රාල් මහතා රට බංකොළොත්භාවයට පත්වීමට හේතු සෙවීමට පත්කළ පාර්ලිමේන්තු විශේෂ කාරක සභාවට අද (06) යළි කැඳවා තිබේ.
එම සභාවේ සභාපති පාර්ලිමේන්තු මන්ත්‍රී – සාගර කාරියවසම් මහතා පැවසු පරිදී අජිත් නිවාඩ් කබ්රාල් මහතා පසුගියදා දුන් ප්‍රකාශය පිළිබඳව අද දිනයේ කාරක සභාවේ සාමාජිකයින් ප්‍රශ්න කරනු ලබයි.
අජිත් නිවාඩ් කබ්රාල් මහතා පසුගියදා කාරක සභාව හමුවේ පවසා තිබුණේ රට බංකොළොත් බව ප්‍රකාශයට පත් කිරීම කුමන්ත්‍රණයක් බවයි.
මේ අතර රට බංකොලොත්භාවයට පත්වීමට හේතු සෙවීමට පත්කළ පාර්ලිමේන්තු විශේෂ කාරක සභාව හමුවට විගණාකාධිපතිවරයාද කැඳවීමට තීරණය කර ඇත.
රට බංකොළොත්වීම පිළිබඳව ඔහු විසින් සකස් කළ වාර්තාවක් පිළිබඳ කරුණු විමසීම එහි අරමුණයි.
(මුලාශ්‍රය – නිව්ස් ෆස්ට්)
