අනික් පක්ෂ ඡන්ද දිනන එක ගැන සමීක්ෂණ සිදුකරන විට සමගි ජන බලවේගය රට ගොඩනගන කණ්ඩායම සහ වැඩපිළිවල ඉදිරිපත් කර ඇතැයි විපක්ෂ නායක සජිත් ප්‍රේමදාස මහතා පවසයි.
ඔහු මෙම ආදහස් පල කළේ, මහියංගනයේ පැවැති සමගි ජන පවුර වැඩසටහන අමතමිනි.
විපක්ෂනායකවරයා සඳහන් කළේ, අනුප්‍රාප්තික අගමැතිකම් ජනාධිපතිකම් ප්‍රතික්ෂේප කළේ, හොරු රකින්න අකමැති නිසා බැවින් තමා සමග සිටින දක්ෂ කණ්ඩායම සමග හොරු අල්ලා හොරා කෑ දේපල රටට ලබා ගන්නා බවය.
තමා තනතුරු බාර ගත්තේනම් පොහොර වංචාකාරයෝ මූල්‍ය වංචාකාරයෝ රකින්න සිදුවන බවත්, ජනතාවගේ තෝරා ගැනීමෙන් රටේ නායකයා වී වංචාවට, දූෂණයට තිත තබන බව ඔහු සඳහන් කළේය.
ඔහු කියා සිටියේ, අද රටේ බෙදුම් රේඛාවක් ඇති බවත් එක් පැත්තකින් කයිවාරු කාරයන්, හොරුන්, දූෂිතයන්, ආත්මාර්තකාමීන් සහ කුහක පිරිස් සිටින විට අනික් පැත්තේ වැඩ කරන වැඩ කාරයන්, අවංක සමාජ සේවය හා සංවර්ධනය සහිත පරාර්ථකාමි දක්ෂ කණ්ඩායමක් සිටින බවයි.
රට ගොඩනගන්න ප්‍රේමදාසලාට කාගෙන්වන් උපකාරක පන්ති අවශ්‍ය නොවන බවත් ජනසවිය ක්‍රියාත්මක කළේ රටේ යුද්ද 2ක් ඇති අවස්ථාවේ බවත් ඔහු කියා සිටියේය.
මේ වන විට කරන කරන සියලු සමීක්ෂණ මගින් සමගි ජන බලවේග ජයග්‍රහණය කර ඇති බවත් ප්‍රේමදාස මහතා සඳහන් කලේය.
ඔහු වැඩිදුරටත් කියා සිටියේ, රටේ පාලකයා ටයි කෝට් පැළඳ ලෝකේ වටේ සවාරි ගැහුවත් රටට අගයක් එකතු නොවූ බවත් ඔවුන්ට පොදුජනතාව ගැන හැගීමක් නොමැති වුවත් තමාට ජනතාව ගැන කැක්කුමක් ඇති බවය.
