වත්මන් ජනාධිපති රනිල් වික්‍රමසිංහ පොදුජන පෙරමුණේ ජනාධිපති අපේක්ෂකයා ලෙස ඉදිරිපත් කිරීමට කිසිදු අවස්ථාවක් නොමැති බව හිටපු රුසියානු ශ්‍රී ලංකා තානාපති උදයංග වීරතුංග මහතා පවසයි.
ඔහු මාධ්‍ය වෙත අදහස් පල කරමින් සඳහන් කර සිටියේ, පොදුජන පෙරමුණේ පොහොට්ටුව ලකුණ මෙවර ජනාධිපතිවරණ ඡන්ද පත්‍රිකාවේ නියත වශයෙන්ම තිබෙන බවය.
පොදුජන පෙරමුණේ අපේක්ෂකයා බදදා දින ප්‍රකාශ කරනු ඇති බවද ඔහු එහිදී පවසා සිටියේය.
එහිදී වැඩිදුරටත් අදහස් දැක්වූ උදයංග වීරතුංග මහතා,
“පසුගිය දවස් වල පළවෙනියටම වජිර ගොයියා උදේ පාන්දරම විජේරාමෙට ඇවිත් මහින්ද අයියත් එක්ක කතා කරලා ගියා, ඇඬුවේ නැති ටික විතරයි. ඒකෙන් ප්‍රතුපලයක් නැති උනාම සාගලයි සුසිල් ප්‍රේමජයන්තයි ඇවිල්ලා ගියා. සුසිල් ප්‍රේමජයන්ත නම් රාජපක්ෂවරු ගාවට යන්නෙත් නෑ කියලා කිව්වා. හැබැයි එයා මොස්කව් නම් යනවා තෙල් මාරු කරන්න. නමුත් විජේරාමෙට ආවා….
නාමල් තදින්ම ඉන්නවා මහින්ද චින්තනයේ කරුණු මත විතරයි අපි ඉදිරියට යන්න ඕනේ කියන් මතයේ.කිසිම විදිහකින් යහපාලන මහ මොළකරු ඉදිරියට අරන් එන්නේ නෑ කියන එක රාජපක්ෂ පවුල තීන්දු කරලා අවසන්.”
