රුසියා – යුක්‍රේන යුද්ධයේදී මියගිය මෙරට විශ්‍රාමික ත්‍රිවිධ හමුදා සාමාජිකයින් සංඛ්‍යාව, 14 ක් දක්වා ඉහළ ගොස් ඇතැයි ආරක්ෂක අංශ පවසයි.
ආරක්ෂක අමාත්‍යංශය සඳහන් කළේ, රුසියා – යුක්‍රේන යුද්ධයට මෙරට විශ්‍රාමික හමුදා සාමාජිකයින් යෙදවීමේ මිනිස් ජාවාරම සම්බන්ධයෙන් පැමිණිලි 134 ක් වාර්තා වී ඇති බවයි.
පසුගිය 9 වැනිදා සිට ඊයේ (11) රාත්‍රී 10 දක්වා කාලසීමාව තුළ එම පැමිණිලි වාර්තා වී තිබිණි.
අදාළ ජාවාරම සම්බන්ධයෙන් වැඩිදුර පරික්ෂණ සිදුකරන්නේ, අපරාධ පරික්ෂණ දෙපාර්තමේන්තුවයි.
එම ජාවාරම පිළිබඳ පැමිණිලි, 0112 441 146 යන දුරකතන අංකයට ලබාදිය හැකි බව, ආරක්ෂක අමාත්‍යංශය සඳහන් කළේ ය.
