සමගි ජන බලවේගය පක්ෂයේ තරුණ බලවේගයේ උප සභාපති මෙන්ම එම පක්ෂයේ වැලිගම සංවිධායකයා වන රේහාන් ජයවික්‍රම මහතාව අද (20) පස්වරු 2.00ට අපරාධ පරීක්ෂණ දෙපාර්තමේන්තුවට පැමිණෙන්නැයි දන්වා ඇතැයි වාර්තා වේ.
ඒ, රනිල් වික්‍රමසිංහ මහතා අගමැතිව සිටියදී ජුලි 09 දා කිසියම් සංවිධානාත්මක පිරිසක් විසින් ඔහුගේ පෞද්ගලික නිවසට ගිනි තැබීමේ සිද්ධිය සම්බන්ධයෙන් සිදුකෙරෙන විමර්ශනවලට අදාල ව ප්‍රකාශයක ගැනීම සඳහාය.
රනිල් වික්‍රමසිංහ මහතාගේ නිවසට ගිනි තැබීමේ සිද්ධියට සම්බන්ධවූවන් අත්අඩංගුවට ගැනීම සඳහා වූ විමර්ශන මේවනවිටත් ක්‍රියාත්මක වෙමින් තිබේ.
ඒ අනුව අපරාධ පරීක්ෂණ දෙපාර්තමේන්තුවට කැඳවනු ලැබූ පළමු දේශපාලන චරිතය රෙහාන් බවද පැවසේ.
