මෙරට පැමිණ සිටින චීන මහජන සමූහාණ්ඩුවේ වාණිජ කටයුතු පිළිබඳ අමාත්‍ය වං වෙන්ටාඕ (Wang Wentao) මහතා අද (29) පස්වරුවේ ජනාධිපති කාර්යාලයේදී ජනාධිපති අනුර කුමාර දිසානායක මහතා හමු වී සාකච්ඡා පැවැත්වීය. 

මේ වන විට ශ්‍රී ලංකාව තුළ පවතින දේශපාලන සහ අර්ථික ස්ථාවරත්වය සහ ජනාධිපතිවරයා ප්‍රමුඛ රජය ගෙන යන විනිවිදභාවයෙන් යුත් වැඩපිළිවෙළ හමුවේ චීන ආයෝජකයන් ශ්‍රී ලංකාවේ ආයෝජන කිරීමට වැඩි කැමැත්තක් දක්වන බව මෙහිදී සඳහන් කළ අමාත්‍යවරයා ආයෝජකයන් 100කට වැඩි පිරිසක් සමඟ  සිදු කෙරෙන මෙම සංචාරය තුළින් දෙරට අතර ආර්ථික සහයෝගීතාව තවදුරටත් තහවුරු වන බවද පැවසීය.

අභියෝගාත්මක සමයක දෙරටටම වාසි සහගත අයුරින් වෙළෙඳ සහ ආර්ථික අරමුණු ජය ගැනීමට එක්ව කටයුතු කිරීම පිළිබඳව මෙහිදී සාකච්ඡා කෙරුණු අතර ගෝලීය ආර්ථික අස්ථාවරත්වය හමුවේ ශ්‍රී ලංකාවට අවශ්‍ය  සහාය ලබා දීමට චීනය කැප වී කටයුතු කරන බවද  චීන වාණිජ අමාත්‍යවරයා වැඩිදුරටත් සඳහන් කළේය.

ජනාධිපති අනුර කුමාර දිසානායක මහතාගේ පසුගිය චීන සංචාරයේදී ඇති කරගත් එකඟතා ක්‍රියාවට නැංවීම චීන වාණිජ අමාත්‍යවරයාගේ මෙම සංචාරයේ අරමුණක් වන අතර  චීන රජයේ සහාය ඇතිව ශ්‍රී ලංකාව තුළ මේ වන විට ක්‍රියාත්මක සංවර්ධන ව්‍යාපෘතිවල කටයුතු කඩිනමින් අවසන් කිරීම සහ සැලසුම් කර ඇති ව්‍යාපෘති කඩිනමින් ක්‍රියාත්මක කිරීම පිළිබඳවද මෙහිදී සාකච්ඡා කෙරිණි. 

ශ්‍රී ලංකාවේ චීන තානාපති චී ජන්හොන්ග් (Qi Zhenhong), ආසියානු කටයුතු දෙපාර්තමේන්තුවේ අධ්‍යක්ෂ ජනරාල්  වන්ග් ලිපිං ( Wang Liping), විදෙස් කටයුතු දෙපාර්තමේන්තුවේ අධ්‍යක්ෂ ජනරාල් ෂූ ජුවේටින් ( Shu Jueting) යන මහත්ම මහත්මීන් ඇතුළු පිරිස චීන දූත කණ්ඩායම වෙනුවෙන්ද,ශ්‍රී ලංකාව නියෝජනය කරමින් වෙළෙඳ, වාණිජ, ආහාර සුරක්ෂිතතා සහ සමුපකාර සංවර්ධන අමාත්‍ය වසන්ත සමරසිංහ, ජනාධිපති ජ්‍යෙෂ්ඨ අතිරේක ලේකම් රෝෂන් ගමගේ යන මහත්වරු ඇතුළු පිරිසක්ද මෙම අවස්ථාවට එක්ව සිටියහ.

(ජනාධිපති මාධ්‍ය අංශය)

මෙරටට පැමිණ සිටින මේ වන විට යුරෝපා සංගම් කවුන්සිලයේ සභාපතිත්වය දරන පෝලන්ත ජනරජයේ විදේශ කටයුතු අමාත්‍ය රඩොස්ලාව් සිකෝර්ස්කි (Radoslaw Sikorski)  මහතා අද (29) පස්වරුවේ ජනාධිපති කාර්යාලයේදී ජනාධිපති අනුර කුමාර දිසානායක මහතා හමු වී සාකච්ඡා පැවැත්වීය.

ශ්‍රී ලංකාව සහ යුරෝපා සංගමය අතර සහයෝගීතාව වැඩිදියුණු කර ගැනීම පිළිබඳව මෙහිදී දීර්ඝ ලෙස සාකච්ඡා කෙරුණු අතර ඉදිරියේදී ගෝලීය වශයෙන් රටට මුහුණ දීමට සිදු වන ආර්ථික අභියෝග  ජය ගැනීමට යුරෝපා සංගමයේ සහාය අවශ්‍ය බව ජනාධිපතිවරයා පැවසීය.

ඇමරිකාව විසින් පනවා ඇති නව තීරුබදු ක්‍රමය හමුවේ සහ ජාත්‍යන්තර මූල්‍ය අරමුදලේ සීමාවන් තුළ කටයුතු කිරීමේ දී  ශ්‍රී ලංකාවට මුහුණ දීමට සිදු වන අභියෝගවලදී යුරෝපා සංගමය සමඟ පුළුල් සහයෝගයකින් කටයුතු කිරීමට අපේක්ෂා කරන බවද ජනාධිපතිවරයා සඳහන් කළේය.

ශ්‍රී ලංකාවට ලබාදී ඇති GSP+ සහනය අඛණ්ඩව පවත්වාගෙන යාම සම්බන්ධයෙන් යුරෝපා සංගමය දක්වන ධනාත්මක ප්‍රතිචාරය පිළිබඳව ජනාධිපති අනුර කුමාර දිසානායක මහතා මෙහිදී අගය කර සිටියේය.

මෙහිදී අදහස් දැක්වූ  පෝලන්ත විදේශ අමාත්‍ය රඩොස්ලාව් සිකෝර්ස්කි මහතා වැඩිදුරටත් සඳහන් කළේ, සිය සංචාරය මගින් යුරෝපා සංගමයට මෙන්ම පෝලන්තයටද ශ්‍රී ලංකාව කෙරෙහි පවතින සුවිශේෂී අවධානය පිළඹිබු වන බවයි.

ශ්‍රී ලංකා – පෝලන්ත ඓතිහාසික සබඳතා තවදුරටත් ශක්තිමත් කර ගනිමින් දෙරට අතර සහයෝගීතාව ඉහළ නංවා ගැනීම පිළිබඳවද මෙහිදී සාකච්ඡා කෙරිණි. 

ශ්‍රී ලංකාව සහ පෝලන්තය අතර පවතින වසර 50ක ආර්ථික සහ වෙළෙඳ සබඳතා හා වසර 30ක සංවර්ධන සහයෝගීතා වැඩපිළිවෙළ මෙහිදී සිහිපත් කළ පෝලන්ත විදේශ අමාත්‍යවරයා ශ්‍රී ලංකාවේ නව රජය සමග සමීප සහයෝගයකින් කටයුතු කිරීම සිය රජයේ අපේක්ෂාව බවද සඳහන් කළේය. 

යුරෝපා සංගමයේ ශ්‍රී ලංකා තානාපති කාමෙන් මොරෙනෝ (Carmen Moreno) මහත්මිය ඇතුළු නියෝජිත පිරිසද, ජනාධිපති ලේකම් ආචාර්ය නන්දික සනත් කුමානායක, ජනාධිපති ජ්‍යෙෂ්ඨ අතිරේක ලේකම් රෝෂන් ගමගේ යන මහත්වරුද මෙම අවස්ථාවට එක්ව සිටියහ. 

(ජනාධිපති මාධ්‍ය අංශය)

නාරාහේන්පිට ප්‍රදේශයේදී තුසිත හල්ලොලුව මහතා ගමන් ගත් වාහනයට වෙඩි තැබීමේ සිද්ධිය සම්බන්ධයෙන් අත්අඩංගුවට ගත් සැකකරුවන් 6 දෙනා ලබන 12 වනදා දක්වා රක්ෂිත බන්ධනාගාරගත කර තිබේ.

කොළඹ මහෙස්ත්‍රාත් අධිකරණය අද (29) එලෙස නියම කළේය.

(පෙර පුවත 2025 මැයි 29 පෙ.ව.9.29 )

හල්ලොලුවට වෙඩි තබා ඇත්තේ ඩුබායි පාතාලයකුගේ කොන්ත්‍රාත්තුවකට

ජාතික ලොත­රැයි මණ්ඩ­ලයේ හිටපු ක්‍රියා­කාරී අධ්‍ය­ක්ෂ­ව­ර­යකු මෙන්ම හිටපු ජනා­ධි­පති රනිල් වික්‍ර­ම­සිංහ මහතාගේ මහ­ජන සම්බ­න්ධතා අධ්‍යක්ෂ ජන­රාල් වශ­යෙන් කට­යුතු කරන ලද තුසිත හල්ලො­ලුව සහ නීතිඥ දිනේෂ් දොඩං­ගොඩ යන මහ­ත්ව­රුන් ගමන් කර­මින් සිටි ජීප් රථ­යට වෙඩි තබා පහර දුන් සිද්ධිය ඩුබා­යිහි රැඳී සිටින මත්කුඩු ජාවා­ර­මට සම්බන්ධ පාතාල අප­රා­ධ­ක­රු­වකු සිදු කරණ ලද්දක් බවට තොර­තුරු අනා­ව­ර­ණය වී ඇතැයි වාර්තා වේ.

අදාළ පාතාල අප­රා­ධ­ක­රුගේ පියා මෙරට චිත්‍ර­පට හා ටෙලි නාට්‍ය නළු­වකු බවත්, මෙරට දීර්ඝ­තම ටෙලි නාට්‍ය ලෙස සැල­කෙන කොපි­කඩේ ටෙලි නාට්‍යයේ අප්පුගේ චරි­තය නිරූ­ප­ණය කරනු ලැබුවේ ඔහු පැවසේ.

ඩුබායි සිටින අප­රා­ධ­ක­රුගේ මෙහෙ­ය­වී­මෙන් වෙඩි­ක්ක­රුගේ බැංකු ගිණු­ම­කට රුපි­යල් ලක්ෂ 02ක මුද­ලක් ද යතු­රු­පැ­දි­ක­රුගේ බැංකු ගිණු­ම­කට රුපි­යල් ලක්ෂ 02ක මුද­ලක් ද  ඩුබායි බැංකු ගිණු­මක් ඔස්සේ බැර කර ඇති බව ද විම­ර්ශ­න­ව­ලින් අනා­ව­ර­ණය වී ඇතැයි වාර්තා වේ.

මේ අතර, වෙඩි­ක්කරු සහ යතු­රු­පැ­දි­කරු ජීප් රථයේ තිබී කිසිදු ලිපි­ගො­නු­වක් පැහැ­ර­ගත් බවට මෙතෙක් කළ විම­ර්ශ­න­ව­ලින් තොර­තුරු කිසි­වක් හෙළි කර ගැනී­මට නොහැකි වී ඇතැයි ද පැවසේ.

මෙම වෙඩි තැබී­මට සහ පහ­ර­දී­මට පැමිණි යතු­රු­පැ­දියේ පැදි­කරු මෙන්ම යතු­රු­පැ­දි­කරු මෙහෙ­යවූ වාහන කුලී ආය­ත­න­යක හිමි­ක­රු­වකු ද මේ වන විට පොලිස් අත්අ­ඩං­ගු­වට පත්ව සිටී.

ඔවු­න්ගෙන් කළ ප්‍රශ්න කිරී­ම්ව­ලදී පවා ජීප් රථයේ තිබුණු ලිපි­ගො­නු­වක් පැහැර ගැනී­මක් ගැන තොර­තුරු අනා­ව­ර­ණය නොවන බවද පැවැසේ.

“ජීප් එකේ ඉන්න අයට කිසිදු හානි­යක් වෙන්නැති වෙන්න පහ­ර­දී­මක් කරන්න කිය­ලයි කිව්වේ. අපි ඒ විදි­හට කළා. ලිපි­ගො­නු­වක් ගැන නම් මම කිසි දෙයක් දන්නේ නැහැ“ යැයි අත්අ­ඩං­ගුවේ සිටින යතු­රු­පැ­දි­කරු පොලිස් ප්‍රශ්න කිරීම් හමුවේ පවසා ඇතැයි වාර්තා වේ.

මෙම යතු­රු­පැ­දි­කරු වත්තල හුනු­පි­ටියේ පදිං­චි­ක­රු­වකු වන අතර වාහන කුලි­යට සප­යන ආයත­නයේ මැකෑ­නි­ක්ව­ර­යකු ලෙස කට­යුතු කර ඇති බව ද අනා­ව­ර­ණය වී ඇත. වාහන කුලි­යට සප­යන ආය­ත­නය පිහිටා ඇත්තේ කිරු­ළ­පන ප්‍රදේ­ශ­යේය. 

එහි හිමි­කරු කලක් වත්තල හුනු­පි­ටියේ පදිං­චිව සිට ඇති බවත් යතු­රු­පැ­දි­ක­රුගේ නිවෙ­සට යාබද නිවෙ­සක වාහන කුලි­යට දෙන ආය­ත­නයේ හිමි­කරු පදිං­චිව සිට ඇති බවත් විම­ර්ශ­න­යේදී හෙළිවී තිබේ.

වෙඩි­ක්කරු සහ යතු­රු­පැ­දි­කරු පසු­ගිය 17 වැනිදා නාරා­හේ­න්පි­ටදී අදාළ වෙඩි තැබී­මට ගොස් ඇත්තේ ද කිරු­ල­පන පිහිටි වාහන කුලි­යට සප­යන ආය­ත­නයේ සිට බවට ද තොර­තුරු අනා­ව­ර­ණය වී ඇත.

යතු­රු­පැ­දි­ක­රුව මෙම සිදු­වී­මට සම්බන්ධ කර­ගෙන ඇත්තේ වාහන කුලි­යට සප­යන ආය­ත­නයේ හිමි­කරු විසින් බවත් ඔහුව සහ වෙඩි­ක්ක­රුව මෙහෙ­යවා ඇත්තේ ඩුබා­යිහි රැඳී සිටින මත්කුඩු ජාවා­ර­මට සම්බන්ධ පාතාල අපරාධකරු විසිනි.

වෙඩි­ක්කරු උස්වැ­ට­කෙ­යි­යාවේ පදිං­චි­ක­රු­වකු බවත් ඔහු පාතාල අප­රා­ධ­ක­රු­වකු හෝ වෘත්ති­යෙන් ඝාත­ක­යකු නොවන බවත් පොලිස් විම­ර්ශ­න­ව­ලින් අනා­ව­ර­ණය වී ඇත. 

එම පුද්ග­ලයා සුළු සොර­ක­ම්ව­ලට සම්බන්ධ අයකු බව ද අනා­ව­ර­ණය වී තිබේ. 

වෙඩි­ක්කරු හමු­දාවේ සිටි පුද්ග­ල­යකු බවට සැක කළත් ඔහු හමුදා සේවයේ සිටි අයකු බවට පැහැ­දිලි තොර­තුරු මෙතෙක් අනා­ව­ර­ණය වී නැති බවත් පැවැසේ.

යතු­රු­පැ­දි­කරු, ඔහුව මෙහෙ­යවූ වාහන කුලී ආය­ත­නයේ හිමි­කරු, වෙඩි තැබී­මෙන් පසු යතු­රු­පැ­දිය සැඟ­වී­මට සහාය දැක්වූ දෙදෙ­නකු, යතු­රු­පැ­දි­ක­රුගේ බිරිය සහ යතු­රු­පැ­දි­කරු මහ­ර­ගම තාව­කා­ලි­කව පදිං­චිව සිටි නිවාස සංකී­ර්ණයේ ආර­ක්ෂක නිල­ධා­රියා මේ වන විට අත්අ­ඩං­ගු­වට ගෙන සිටින බව කොළඹ අප­රාධ කොට්ඨා­සයේ තොර­තුරු සඳ­හන් කළේය.

මේ අත­රින් යතු­රු­පැ­දි­කරු සහ යතු­රු­පැ­දිය සැඟ­වී­මට සම්බන්ධ වූ පුද්ග­ල­යන් දෙදෙනා අත්අ­ඩං­ගු­වට ගෙන ඇත්තේ පෙරේදා (27)ය. 

යතු­රු­පැ­දිය සැඟ­වී­මට සහාය වූ දෙදෙනා වත්තල හා ග්‍රෑන්ඩ්පාස්හි පදිං­චි­ක­රු­වන්ය.

වෙඩි­ක්කරු අහ­සට වෙඩි තබා ජීප් රථයේ විදුලි පහ­න්ව­ලට වෙඩි­ල්ලක් තබන විට යතු­රු­පැ­දි­කරු කෙටේ­රි­යක් රැගෙන ජීප් රථයේ ඉදි­රි­පස වීදු­රු­වට පහර කිහි­ප­යක් එල්ල කර ඇති බව ද ප්‍රශ්න කිරීම් හමුවේ අනා­ව­ර­ණය වී ඇත. 

කෙටේ­රිය රැගෙ­න­විත් ඇත්තේ වෙඩි­ක්කරු බව සඳ­හන්ය.

තුසිත හල්ලො­ලුව සහ ඔහුගේ නීතිඥ දිනේෂ් දොඩං­ගොඩ යන මහ­ත්ව­රුන් නීති උප­දෙස් ගැනී­මට මෙරට ප්‍රසිද්ධ නීති­ඥ­ව­ර­ය­කුගේ නිවෙ­සට ගොස් පිට­තට පැමි­ණෙන විට මෙම ප්‍රහා­රය එල්ල වී තිබිණි. 

ඔවුන් දෙදෙනා එම නිවෙ­සට යන බව මෙන්ම එම නිවෙස පිහිටි ප්‍රදේ­ශය ගැනත් ජීප් රථය ගමන් ගන්නා මාර්ගය ගැනත් ප්‍රහා­රය එල්ල කළ යුතු ස්ථානය ගැනත් කල්ති­යාම වෙඩි­ක්කරු සහ යතු­රු­පැ­දි­කරු දැනු­වත් කර තිබී ඇති බව ද විම­ර්ශ­න­යේදී අනා­ව­ර­ණය වී ඇත.

යතු­රු­පැ­දි­කරු සහ යතු­රු­පැ­දිය සැඟ­වී­මට සම්බන්ධ වූ සැක­ක­රු­වන් දෙදෙනා රැඳ­වුම් නියෝග මත රඳ­වා­ගෙන විම­ර්ශන පැවැ­ත්වී­මට කොළඹ දිසා අප­රාධ කොට්ඨා­සයේ නිල­ධා­රීන්ගේ අව­ධා­නය යොමුවී තිබේ.

මෙම සැක­ක­රු­වන් තිදෙනා පැය 24ක් රඳවා තබා­ගෙන ප්‍රශ්න කිරී­මට කොළඹ අති­රේක මහේ­ස්ත්‍රාත් පසාන් අම­ර­සේන මහ­තා­ගෙන් කොළඹ දිසා අප­රාධ කොට්ඨා­සයේ නිල­ධා­රීහු ඊයේ (28) අධි­ක­ර­ණ­යෙන් අව­සර ද ඉල්ලා සිටි­යේය.

සැක­ක­රු­වන් කොළඹ අති­රේක මහේ­ස්ත්‍රාත් අධි­ක­ර­ණ­යට කොළඹ අප­රාධ කොට්ඨා­සය මඟින් ඉදි­රි­පත් කරනු ලැබුවේ ඊයේ පස්ව­රු­වේ­දීය.

මෙම සිද්ධි­යට අදා­ළව තමාට ප්‍රකා­ශ­යක් දීමට අවශ්‍ය බව ද අත්අ­ඩං­ගු­වට ගත් සැක­ක­රු­වකු කළ ඉල්ලී­ම­කට අධි­ක­ර­ණ­යෙන් අව­ස­රය හිමි­විය.

මෙම සිද්ධි­යට අදා­ළව මීට පෙර ආධාර අනු­බල දීමේ චෝද­නාව මත අත්අ­ඩං­ගු­වට ගෙන රක්ෂිත බන්ධ­නා­ගා­ර­ගත කර සිටින කාන්තාව ඇතුළු අනෙක් සැක­ක­රු­වන් තිදෙනා අද (29) පස්වරු දෙකට අධි­ක­ර­ණ­යට ඉදි­රි­පත් කරන ලෙසට ද බන්ධ­නා­ගාර අධි­කා­රි­ව­ර­යාට නියෝග කළේය.

මූලාශ්‍රය – අරුණ