පුවත්
වාරිමාර්ග දෙපාර්තමේන්තුවේ ගෙවීම් පටිපාටිය COPA අවධානයට
වාරිමාර්ග දෙපාර්තමේන්තුව විසින් අනුගමනය කරන ගෙවීම් පටිපාටිය රජයේ මුදල් රෙගුලාසි වලට අනුකුල නොවන බැවින් එම පටිපාටිය නිවැරදි කිරීමට පෙර පැවති රජයේ ගිණුම් පිළිබඳ කාරක සභාවේ දුන් නිර්දේශ ක්‍රියාත්මක නොකිරීම පිළිබඳව කාරක සභා සභාපතිවරයාගේ අවධානය යොමු විය.
මේ පිළිබඳ අවධානය යොමු වූයේ රජයේ ගිණුම් පිළිබඳ කාරක සභාව රාජ්‍ය අමාත්‍ය ලසන්ත අලගියවන්න මහතාගේ සභාපතිත්වයෙන් පසුගියදා (07) පාර්ලිමේන්තුවේදී රැස් වූ අවස්ථාවේදීය.
තවද, 2022 වර්ෂයේදී රු. 352,420,052ක් වටිනා චෙක්පත් 1177 ක් ප්‍රාදේශීය වාරිමාර්ග ඉංජිනේරු නමට නිකුත් කර රේඛනය අවලංගු කර ගෙවීම් සහතික කල කොට්ඨාශ සහකාර විසින්ම මුදල් කරගෙන තිබීම පිළිබඳවත් මෙහිදී සාකච්ඡාවට බඳුන් විය.
මේ අනුව මේ සම්බන්ධයෙන් නිසි ක්‍රියාමාර්ගයක් ගැනීමට කටයුතු කරන ලෙස කෝපා කාරක සභාව මෙහිදී නිලධාරීන්ට නිර්දේශ කළේය.
බස්නාගොඩ ජලාශය ඉදික්රීමේ ව්‍යාපෘතිය සඳහා කොන්ත්‍රාත්කරු විසින් ඉදිරිපත් කරන ලද රු.මි. 2,093 ක ලංසුව තාක්ෂණික ඇගයීම් කමිටුවේ නිර්දේශ මත රු. මි. 254 කින් වැඩි කර රු. මි. 2,347 ක වටිනාකමකට ප්‍රදානය කර තිබීම පිළිබඳව කෝපා කාරක සභාව විසින් පැමිණ සිටි නිලධාරීන්ගෙන් විමසා සිටින ලදී.
එහිදී පැමිණ සිටි නිලධාරීන් පවසා සිටියේ ගණනයේ යම් අත්වැරදීමක් සිදුව ඇති බවත්, එය නිවැරදි කිරීමට මේ වන විට සියලු කටයුතු යොදා ඇති බවත් ය.
මෙහිදී ගිං නිල්වලා ව්‍යාපෘතියේ ඇස්තමේන්තුවෙන් 4.35% ක වැඩ ආරම්භ කිරීමේ අත්තිකාරම් ගෙවා තිබුනද එම ව්‍යාපෘතිය ආරම්භ නොකිරීම පිළිබඳවද සාකච්ඡා විය.
මෙම කාරක සභාව සඳහා රාජ්‍ය අමාත්‍ය මොහාන් ප්‍රියදර්ශන ද සිල්වා මහතා පාර්ලිමේන්තු මන්ත්‍රී (වෛද්‍ය) උපුල් ගලප්පත්ති මහතා, ජේ. සී. අලවතුවල මහතා, ජයන්ත කැටගොඩ මහතා සහභාගී විය.
ගතවූ මාස 06ට රිය අනතුරුවලින් 2000කට ආසන්න පිරිසක් මරුට
වාහන ආනයනයෙන් රුපියල් බිලියන 165ක රේගු ආදායමක්
පාර්ලිමේන්තු සභාවාරය ඇරඹේ (සජීවි විකාශය)
-
පුවත්7 days agoශ්රේෂ්ඨාධිකරණ විනිසුරු තනතුර පුරප්පාඩු වෙන්න කලින්ම විනිසුරු ලෆාර්ගේ නම ජනපති ව්යවස්ථා සභාවට යවලා
-
පුවත්1 week agoහිටපු බන්ධනාගාර කොමසාරිස් රෝහලට, කොමසාරිස් මෙහෙයුම් ගාමිණී CIDයට
-
පුවත්22 hours agoදේශපාලනඥයන් ඇතුළු 26 කගේ අයථා වත්කම් රජයට පවරා ගැනීමට විමර්ශන
-
පුවත්4 days agoකොළඹ නගරාධිපති පුටුව මාලිමාවට (UPDATE)
-
පුවත්1 week agoරනිල් CIDයට කළ ප්රකාශය (Update)