දැනට මරණ දඬුවම නියමව සිටින නියෝජ්‍ය පොලිස්පති වාස් ගුණවර්ධන මහතාගේ නඩුවට ව්‍යාජ සාක්ෂි නිර්මාණය කරන ලදැයි චෝදනා මත රහස් පොලිසියේ හිටපු පොලිස් පරීක්ෂක සුගත් මෙන්ඩිස් මහතා අත් අඩංගුවට ගැනීමෙන් ඔහුගේ මූලික අයිතිවාසිකම් කඩවී ඇතැයි ශ්‍රේෂ්ඨාධිකරණය තීරණය කර තිබේ.
ඒ, තමන්ව අත්අඩංගුවට ගෙන වැඩ තහනමකට ලක් කිරීමට එරෙහිව මෙන්ඩිස් මහතා විසින් ගොනුකර තිබූ මූලික අයිතිවාසිකම් පෙත්සම ශ්‍රේෂ්ඨාධිකරණය හමුවේ සළකා බැලූ අවස්ථාවේය..
ඒ අනුව පෙත්සම්කරුට රුපියල් මිලියනයක වන්දියක් ගෙවන ලෙස පොලිස්පතිවරයාට නියෝග කළ ශ්‍රේෂ්ඨාධිකරණය, එය මාස තුනක් ඇතුළත ගෙවා අවසන් කළ යුතු බවට සඳහන් කර තිබේ.
මෙම පෙත්සම ප්‍රියන්ත ජයවර්ධන, මහින්ද සමයවර්ධන සහ එස්.තුරේරාජා යන මහත්වරුන්ගෙන් යුත් ත්‍රිපුද්ගල ශ්‍රේෂ්ඨාධිකරණ විනිසුරු මඩුල්ල හමුවේ සළකා බැලිණි.
