වත්මන් රජය ගෙනඒමට නියමිත විකාශන අධිකාරි පනතට විරුද්ධ වීමට සහ එය පරාජය කිරීමට ගතයුතු උපරිම ක්‍රියාමාර්ග පාර්ලිමේන්තුව තුළත් ඉන් පිටතත් අධිකරණයේදීත් ගැනීමට සමගි ජන බලවේගය ප්‍රමුඛ විපක්ෂයේ විධායක සභාව විසින් ඒකමතිකව තීරණය කර තිබේ.
විපක්ෂ නායක සජිත් ප්‍රේමදාස මහතා විශේෂ ප්‍රකාශයක් සිදු කරමින් අද (05) ඒ බව පැවසීය.
මෙම පනත හරහා රටේ ප්‍රජාතන්ත්‍රවාදයේ ඉතිරිවී ඇති කොටසත් විනාශ වීම සිදුවෙන බව ඔහු සඳහන් කර සිටියේය.
ප්‍රජාතන්ත්‍රවාදී ක්‍රමවේදය තුළ සිව්වැනි කුලුන වන්නේ නිදහස් මාධ්‍ය බවද සජිත් ප්‍රේමදාස මහතා තව දුරටත් කියා සිටියේය.
