විපක්ෂයේ දේශපාලන පක්ෂ නායකයෙක් විසින් ආණ්ඩුවෙන් මත්පැන් බලපත්‍රයක් ලබාගෙන තිබේ.
ඒ මහියංගනය රිදීමාලියද්ද නගරයේ මත්පැන් අලෙවිසලක් විවෘත කිරීම වෙනුවෙනි.
විස්වසනීය ආරංචි මාර්ග තවදුරටත් අනාවරණය කරන්නේ ඔහු මේ බලපත්‍රය ලබාගෙන ඇත්තේ තම පෞද්ගලික ආරක්ෂක නිලධාරියාගේ බිරියගේ නමට බව ය.
එමෙන්ම ඇය බිබිල ප්‍රාදේශීය සභා අපේක්ෂිකාවක් බවද වාර්තා වේ.
මේ සම්බන්ධයෙන් රිදීමාලියද්ද ශාසනාරක්ෂක බල මණ්ඩලයේ සභාපති අලුකැටියාවේ සීලවංශ නාහිමියන්ගෙන් කළ විමසුමකදී උන්වහන්සේ පැවැසුවේ, ප්‍රදේශයේ ප්‍රබල දේශපාලනඥයකුගේ මැදිහත්වීමෙන් මෙම මත්පැන් බලපත්‍රය ලබාදී ඇති බවට තොරතුරු අනාවරණයවී ඇති බවයි.
එමෙන්ම මේ ගැන උන්වහන්සේ විසින් ජනාධිපතිවරයාට සහ අගමැතිවරයාට දැනටමත් පැමිණිලි කර ඇති බවද සඳහන් කරන ලදී.
වැඩිදුරටත් අදහස් දැක්වූ සීලවංශ නාහිමියන් පෙන්වා දුන්නේ, රිදීමාලියද්ද යනු ලංකාවේ දෙවැනියට දුප්පත්ම නගරය බවත් මෙවැනි නගරයකට අවශ්‍ය වන්නේ ජනතාව දුප්පත්කමින් ගොඩදාන මාර්ගයක් මිස මත්පැන් අලෙවිසල් නොවන බවත් ය.
