සෞඛ්‍ය අමාත්‍යාංශයේ කාර්ය සාධනය ඉහළ මට්ටමක පවතින බව රාජ්‍ය අමාත්‍ය සීතා අරඹේපොල මහත්මිය ප්‍රකාශ කර සිටී.
එතුමිය විසින් පෙන්වා දෙනු ලබන්නේ, මහජන නියෝජිතයන් ඇතුළු විද්වතුන්ට සමස්ත ලෝකය ඉදිරියේ කරුණු දැක්වීමට හැකියාව ලැබී ඇත්තේ සෞඛ්‍ය කාර්ය මණ්ඩලවල කැපවීම නිසා බව ය.
සෞඛ්‍ය අමාත්‍යාංශ කාර්ය මණ්ඩලය නව වසරේ රාජකාරී ආරම්භ කිරීම වෙනුවෙන් පැවති උත්සවයක් එම අමාත්‍යාංශ පරිශ්‍රයේදී පැවැත් වූ අතර එහිදී මෙම අදහස් පල කිරීම සිදුවිය.
එහිදී සෞඛ්‍ය අභියෝග ජයගැනීම සඳහා කාර්ය මණ්ඩල සවිබල ගැන්වීම / සේවාවන් ඇගයීම හා කාර්ය මණ්ඩල පිලිගැනීම මෙහිදී සිදු විය.
රාජ්‍ය අමාත්‍ය සීතා අරඹේපොල මහත්මිය හා අමාත්‍යාංශ ලේකම් විශේෂඥ වෛද්‍ය පාලිත මහීපාල මහතා ඇතුළු පිරිසක් මේ අවස්ථාව සඳහා එක්වූහ.
