තමා උපදෙස් දුන් ආකාරයට විපක්ෂයේ පක්ෂ ඒකාබද්ධ වී පළාත් පාලන ආයතන පනහකට සීයකට පමණ තරඟ කළා නම් එම සන්ධානයට මන්ත්‍රී ධුර සැලකිය යුතු ගණනක් ගන්නට ඉඩ තිබූ බව හිටපු ජනාධිපති රනිල් වික්‍රමසිංහ මහතා පළාත් පාලන මැතිවරණ ප්‍රතිඵලය සම්බන්ධයෙන් මාධ්‍යයට ප්‍රකාශයක් කරමින් සඳහන් කළේය.

විශේෂයෙන් කොළඹට පමණක්වත් එවැනි දෙයක් කරන්නට තිබු බව කී රනිල් වික්‍රමසිංහ මහතා තමා කී පරිදි විපක්ෂය එකතු නොවූ නිසා ජනතාව දෙපැත්තකට ටොකු ඇන්න බව පැවසීය.

කොළඹදී මාධ්‍යයට ප්‍රකාශයක් කරමින් රනිල් වික්‍රමසිංහ මහතා මෙසේද කීය.

“අවුරුදු පහකට පසුව අප අලියා ලකුණ යටතේ තරඟ කළා.මෙය යම් ඇරැඹුමක් ලෙස සැලකිය හැකියි.සමහර ප්‍රදේශ වල අපේ ප්‍රතිඵල හොඳයි. සෑහීමකට පත්විය හැකියි.දැන් අලුතින් එක්සත් ජාතික පක්ෂය වැඩ කළ යුතුව තිබෙනවා. දැන් විපක්ෂය එකතු වී ජනතාවට යම් වැඩපිළිවෙළක් හඳුන්වා දිය යුතුයි.

මා මැතිවරණ ප්‍රචාරක වැඩවලට සහභාගී වූයේත් නැහැ. තරුණ නායකයන්ට මෙය කරගෙන යන්න බාර දුන්නා. මෙය යම් පරීක්ෂණයක්.හොඳ තැන් මෙන්ම අසාර්ථක තැන්ද තිබෙනවා.අප දැනට තිබෙන ශක්තියෙන් ඉදිරියට යන්නේ කෙසේදැයි සිතිය යුතුයි.

අලියා ලකුණින් ඉදිරිපත් වූ විට ජනතාව ඡන්දය දෙන්නට එන බව සමහරුන් කිව්වා.අලියාගෙන් ඉදිරිපත් වූවා කියා පමණක් ඡන්දය දාන්නට එන්නේ නැති බව දැන් පෙනෙන්නට තිබෙනවා. දැන් පක්ෂයේ අලුත් අය හඳුන්වා දිය යුතුයි. මේ පක්ෂය ගොඩනැගිය යුත්තේ අවුරුදු පනහේ- හතළිහේ අයයි.මෙතනින් පසු තරුණ පරපුර වගකීම් බාරගෙන ඉදිරියට යා යුතුයි. සජබෙටත් ගියපාර ලැබුන ඡන්ද ලැබුණේ නැහැ.”

මූලාශය  – ලංකාදීප

කිසිදු පළාත් පාලන ආයතනයක බලය පිහිටුවීම සඳහා, පරාජිත දේශපාලන පක්ෂ සමග එකතු නොවන බව ජාතික ජන බලවේගය පවසයි.

ජාතික ජන බලවේගය විසින් අද (07) පවත්වන ලද විශේෂ මාධ්‍ය හමුවක් අමතමින් ජනතා විමුක්ති පෙරමුණේ ප්‍රධාන ලේකම් ටිල්වින් සිල්වා මහතා මේ බව ප්‍රකාශ කලේය.

වැඩිදුරටත් අදහස් දැක්වූ ඔහු,

“සභාවක වැඩි බලය ලැබුනොත් කිසියම් පක්ෂයකට එම පක්ෂයට තමා සභාව පිහිටුවීමේ සදාචාරාත්මක බලය හා බලය තියෙන්නේ. දැන් ඔය කතාව යන්නේ පැරදිච්ච කට්ටිය එකතු වෙලා සභාව පිහිටුවනවා කියන එකනේ…

සභාව පිහිටුවන්නේ දිනපු අය. පැරදිච්ච අය නෙවේනේ. ඒ අයව පරද්දලා තියෙන්නේ ජනතාව විසින්. ඒ නිසා අපි සභාව පිහිටුවනවා.

සමහරවිට අපි සභාව පිහිටුවද්දී, තනි තනිව, ස්වාධීනව ආව පුද්ගලයින් ඉන්නවා. ඒ ගොල්ලෝ කැමති නම් අපිට උදව් කරන්න ඒ ගොල්ලන්ට අපිට උදව් කරන්න පුළුවන් කම තියෙනවා.

ඒ වුනාට අපි ඉන්නේ, අපිට ජනතාව වරමක් දීලා තියෙනවා සභාව පිහිටුවන්න. ඒකට අපි සභාව පිහිටුවනවා.

…විශේෂයෙන් කියන්න ඕනේ ජනතාව ප්‍රතික්ෂේප කරපු පක්ෂ ටිකක් තියෙනවනේ, සමගි ජන බලවේගය, පොදුජන පෙරමුණ, එක්සත් ජාතික පක්ෂය අපි කිසිසේත්ම ඒ පක්ෂත් එක්ක එකතු වෙලා හවුල් ගහලා මේ සභා පිහිටුවන්න යන්නේ නැහැ….”

හිටපු රාජ්‍ය අමාත්‍ය ප්‍රසන්න රණවීර මහර මහේස්ත්‍රාත් අධිකරණයට භාර වී තිබේ.

කිරිබත්ගොඩ ප්‍රදේශයේ රජයට අයත් ඉඩමක් ව්‍යාජ ඔප්පු සකස් කර විකිණීමේ සිද්ධියකට අදාළව ඔහුව අත්අඩංගුවට ගැනීමට විවෘත වරෙන්තු නිකුත් කර ඇති පසුබිමකය.

මෙම සිද්ධියට අදාලව හිටපු අමාත්‍යවරයෙකු වන මර්වින් සිල්වා ද රිමාන්ඩ් බන්ධනාගාර ගත කර ඇත.