හිටපු ජනාධිපති රනිල් වික්‍රමසිංහ මහතා අල්ලස් කොමිසමට කැඳවීමේ සිද්ධිය සම්බන්ධයෙන් කැබිනට් ප්‍රකාශක අමාත්‍ය නලින්ද ජයතිස්ස මහතා අද (29) කැබිනට් මාධ්‍ය හමුවේදී සඳහන් කළ කරුණු අසත්‍ය බව පවසමින් ඒ මහතාගේ කාර්යාලය විසින් නිවේදනය නිකුත් කර තිබේ.

එම මාධ්‍ය හමුවේ දී අමාත්‍යවරයා කියා සිටියේ “රනිල් වික්‍රමසිංහ මහතා අල්ලස් කොමිසමට කැඳවීමෙන් පසුව අප්‍රේල් 11 දා ඔහු තමන්ගේ සමාජ මාධ්‍ය වල 11 වැනිදා එන්න විදියක් නැ” යනුවෙන් බව එම නිවේදනයේ සඳහන් වේ.

11 වනදා එන්න විදියක් නැති බවත් 17 වනදා කොමිසමට එන බවත් රනිල් වික්‍රමසිංහ මහතා ප්‍රකාශ කළැයි නලින්ද ජයතිස්ස මහතා කැබිනට් මාධ්‍ය හමුවේදී සඳහන් කර තිබූ බවද පවසයි.

කෙසේවෙතත් අප්‍රේල් 12 වනදා මඩකලපුවේ පැවති රැස්වීමකදී ජනාධිපති අනුර කුමාර දිසානයක මහතා” ලියුමක් දුටු බව සඳහන් කර කියා සිටියේ හිටපු ජනාධිපතිවරයා 17 එන්න විදිහක් නැ අවුරුදු කනවලු” සඳහන් කරමින් බව ද එම නිවේදනයේ සඳහන් වේ.

නමුත් හිටපු ජනාධිපති රනිල් වික්‍රමසිංහ මහතා කිසිම අවස්ථාවක අල්ලස් හෝ දුෂණ චෝදනා විමර්ෂණ කොමිසම වෙත ලිපියක් මගින් දැනුම් දීමක් කර නොමැති බව රනිල් වික්‍රමසිංහ මහතාගේ කාර්යාලය පවසයි.

කොමිසම වෙත පැමිණිමේ දිනය කල් දමන ලෙස ඉල්ලා ලිපියක් යොමු කළේ ජනාධිපති නීතිඥ රොනල්ඩ් පෙර්රා මහතා විසින් බවත් ඒ මහාතා එහිදි ඉල්ලා සිටියේ අප්‍රෙල් 17 වන දා දිනය වෙනුවට අප්‍රෙල් 28 වනදා යින් පසු දිනයක ලබා දෙන ලෙස බව පවසයි.

ජනාධිපති අනුර කුමාර දිසානායක මහතාගේ ප්‍රකාශයෙන් අනතුරුව අප්‍රෙල් 11 වනදා ලිපිය ට අනුව සාක්කි දිමට පැමිණන ලෙස සඳහන් කලත් අප්‍රේල් 21 වනදා අල්ලස් කොමිසම මගින් හිටපු ජනාධිපතිවරයා වෙත යොමු කළ ලිපිය මගින් 2023 අංක 09 දරණ දුෂණ විරෝධී පනතේ ප්‍රකාරව චෝදනාවක් ද එල්ල කර තිබු බව සඳහන් වේ.

ඉන් පසුව අප්‍රේල් 25 වැනිදා අල්ලස් කොමිසමෙන් එවා තිබූ ලිපියේ තවදුරටත් සදහන් කර තිබුණේ හිටපු ජනාධිපතිවරයා අනවශ්‍ය ලෙස මැදිහත් වීමක් කර ඇති බවයි.

මීට අමතරව හිටපු ජනාධිපති රනිල් වික්‍රමසිංහ මහතා වෙත අප්‍රේල් 11 වනදා ලිපිය යොමු කර තිබුණේ අල්ලස් කොමිසමේ නියෝජ්‍ය අධ්‍යක්ෂ ජනරාල් අසිත ඇන්තනි මහතා වන අතර ඉන් පසුව ලැබුණු ලිපි දෙකම යොමු කර තිබුනේ කොමිසමේ අධ්‍යාකෂ ජනරාල් අර්.එස්.ඒ . දිසානායක මහතා වීම ද විශේෂත්වයක් බව එම නිවේදනයේ වැඩිදුරටත් සඳහන් වේ.

රජයේ ප්‍රවෘත්ති දෙපාර්තමේන්තුවේ පැවැත්වෙන කැබිනට් තීරණ දැනුම් දීමේ මාධ්‍ය හමුව සඳහා මින් ඉදිරියට සහභාගී විය හැක්කේ රජයේ ප්‍රවෘත්ති දෙපාර්තමේන්තුව මෙම වසර සඳහා නිකුත් කර ඇති හැදුම්පත සහිත මාධ්‍යවේදින්ට පමණක් බව කැබිනට් මාධ්‍ය ප්‍රකාශක, සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතා පවසයි.

අමාත්‍යවරයා මේ බව සඳහන් කළේ, රජයේ ප්‍රවෘත්ති දෙපාර්තමේන්තුවේ පැවති කැබිනට් තීරණ දැනුම් දීමේ මාධ්‍ය හමුව අතරතුරය.

වඩාත් විධිමත් ආකාරයෙන් කැබිනට් මාධ්‍ය හමුව පවතාවාගෙන යාමේ අරමුණින් මෙම පියවර ගන්නා බව ඔහු කියා සිටියේය.

ඔහු එහිදී කියා සිටියේ, කැබිනට් මණ්ඩල තීරණ දැනුම් දීමටත් කැබිනට් පත්‍රිකා මත පදනම් වූ ප්‍රශ්න සහ අත්‍යවශ්‍ය ප්‍රශ්ණ කිහිපයක් සඳහා පමණක් පිළිතුරු දීමට පමණක් කැබිනට් මාධ්‍ය ප්‍රකාශකවරයා ලෙස තමන් මාධ්‍ය හමුව සඳහා පැමිණි බව‍ය.

ඔහු එහිදී වැඩිදුරටත් සඳහන් කළේ,

” පොදු සමාජයෙන් සහ මාධ්‍ය ක්ෂේත්‍රයෙනුත් විවේචනයක් එල්ල වෙනවා. මේක අයාල යන්න ගියොත් මම හිතනවා ප්‍රශ්න අහන අයත් හැමෝටම ප්‍රශ්න අහන්න හැමදාම බැරිවෙයි. නමුත් අපි ඒක යම් සංයමයකින් සිදු කරමු. ඒක එහෙම වෙන එක මේ කැබිනට් මාධ්‍ය හමුව සම්බන්ධව මමද කවුද ඉන්නේ කියන එක නෙවෙයි වැදගත් වෙන්නේ. ඔබද කවුද එන්නේ කියන එකත් නෙවෙයි වැදගත් වෙන්නේ. ඒක ඉදිරි අනාගතය වෙනුවෙන් වැදගත් වේවි. ගොඩක් එනවා බොහොම ස්තූතියි ඔබලා ගොඩක් ඇවිල්ලා ඉන්න එක ගැන. අද අපි සූම් එකෙන් ප්‍රශ්න අහන්න දුන්නෙත් නෑ.

අපි බලාපොරොත්තු වෙනවා ඉදිරියේදී ඇත්තටම මේක මෙහෙමයි. පැයකට වඩා යන්න ගියාට පස්සේ මේක ඇදි ඇදි යනවා සහ සතියකට සැරයක් මේක පැවැත්වෙනවා. ඊට අමතරව තවත් ඔබට නිෂ්චිත ප්‍රශ්න ඒකට අදාළ අමාත්‍යංශයට ඉදිරිපත් කරලා ඒ අමාත්‍යවරුන්ගෙන් තොරතුරු ගන්නත් පුලුවන්කම තියෙනවා…

මම හිතනවා අපි මේක තව විධිමත් කරගත යුතුයි කියලා. විශේෂයෙන්ම මාධ්‍යවේදීන්ට අපි හැදුනුම්පත් නිකුත් කරලා තියෙන්නේ. ඒ නිසා ඉදිරියේදී ඒ මාධ්‍යවේදී හැදුනුම්පත සහිත මාධ්‍යවේදීන් එක්ක තමයි අපි කටයුතු කරන්න බලාපොරොත්තු වෙන්නේ.”

පසුගිය දා පාර්ලිමේන්තුවේ සභාගත කරන ලද “බටලන්ද නිවාස සංකීර්ණයේ නීති විරෝධී ලෙස රඳවා ගැනීමේ ස්ථාන සහ වධකාගාර පිහිටු වීම සහ පවත්වා ගෙන යාම පිළිබඳ පරීක්ෂණ කොමිෂන් සභාවේ වාර්තාව” ජනාධිපතිවරයාගේ උපදෙස් පරිදි, ජනාධිපති කාර්යාලය විසින් නීතිපතිවරයා වෙත යොමු කරනු ලැබ ඇත.

වසර 25කට පසුව පාර්ලිමේන්තුවට ඉදිරිපත් කෙරුණු මෙම වාර්තාව පිළිබඳව ඉදිරි කටයුතු  සිදු කිරීමට රජය තීරණය කර ඇති අතර අදාළ වාර්තාව අද (29) නීතිපති දෙපාර්තමේන්තුව වෙත යොමු කිරීමට කටයුතු කර ඇත්තේ ඒ අනුවය.

(ජනාධිපති මාධ්‍ය අංශය)