මේ දිනවල ඕස්ට්‍රේලියාවේ T20 ලෝක කුසලාන තරගාවලිය සඳහා ශ්‍රී ලංකා පිල සමග එහි විශේෂඥ පුහුණුකරු ලෙස ගොස් සිටින මහේල ජයවර්ධන එහිදී තම ව්‍යාපාරික කටයුත්තක් ද ඊයේ (14) ආරම්භ කළේය.
ඒ ඔහු හා කුමාර් සංගක්කාර එක්ව පවත්වාගෙන යන මිනිස්ට්‍රි ඔෆ් ක්‍රෑබ් ( Ministry of Crab ) නම් අවන්හල් ජාලයේ ඕස්ට්‍රේලියානු ශාඛාවක් මෙල්බර්න් නුවරදී විවෘත කරමිණි.
මීට පෙර ඉන්දියාවේදීද එහි ශාඛාවක් පිහිටවනු ලැබීය.
ශ්‍රී ලංකා කණ්ඩායම සමග කණ්ඩායම් නිලධාරියකු ලෙස එහි ගිය මහේල ඒ අතර තුර තම ව්‍යාපාරික කටයුතු වලද නිරත වීම විශේෂ සිද්ධියකි.
T20 ලෝක කුසලාන තරගාවලියේ ශ්‍රී ලංකාව සහභාගි වන ප්‍රථම තරගය නැමීබියාව සමග මෙල්බර්න් ජීලෝන්ග් පිටියේදී පැවැත්වේ.
