Connect with us

පුවත්

2024 දී නව ක්‍රීඩා විශ්වවිද්‍යාලයක් අරඹන්න යයි!

Published

on

ජනාධිපති රනිල් වික්‍රමසිංහ මහතාගේ මඟපෙන්වීම යටතේ නව ක්‍රීඩා විශ්වවිද්‍යාලයක් 2024 වසරේ දී ඇරඹීමට රජය සැලසුම් කර ඇති බව  ක්‍රීඩා හා යෞවන කටයුතු රාජ්‍ය අමාත්‍ය රෝහණ දිසානායක මහතා පැවසීය.

ක්‍රීඩා සම්මේලනවල පැන නගින ගැටළුවලට කල්තියා විසඳුම් සෙවීම සඳහා අදාළ නිලධාරීන් ක්‍රීඩා අමාත්‍යාංශ පිළිබඳ පාර්ලිමේන්තු කාරක සභාවට කැඳවා සාකච්ඡා කිරීමට තීරණය තිබෙන බව ද අමාත්‍යවරයා සඳහන් කළේය.

ක්‍රීඩා හා යෞවන කටයුතු රාජ්‍ය අමාත්‍ය රෝහණ දිසානායක මහතා මේ බව සඳහන් කළේ ‘ස්ථාවර රටකට සැවොම එක මඟකට’ මැයෙන් අද (10) ජනාධිපති මාධ්‍ය කේන්ද්‍රයේ පැවති ප්‍රවෘත්ති සාකච්ඡාවට එක්වෙමිනි.

එහිදී වැඩිදුරටත් අදහස් දැක්වූ ක්‍රීඩා හා යෞවන කටයුතු රාජ්‍ය අමාත්‍ය රෝහණ දිසානායක මහතා ‍මෙසේද පැවසීය.

මෙරට ක්‍රීඩා සම්මේලන 72ක් තිබෙනවා. ඒ අතරින් සක්‍රීයව තිබෙන ක්‍රීඩා සම්මේලන 66ක් 2024 වසරට පෙර ඒකාබද්ධ කිරීම වෙනුවෙන් සාකච්ඡා ආරම්භ කළා. එමඟින් අප බලාපොරොත්තු වන්නේ, ඔවුන්ගේ වගකීම්, කාර්ය භාර්ය, වගකීම් සහ ප්‍රතිපත්ති පිළිබඳව එක ස්ථාවරයකට ගෙන ඒමයි.

ක්‍රීඩා සම්මේලනවල නිලධාරීන්ව ක්‍රීඩා අමාත්‍යාංශ පිළිබඳ පාර්ලිමේන්තු කාරක සභාවට කැඳවා සාකච්ඡා කිරීමට ද අප තීරණය කළා. ඒ සම්මේලනවල පැන නගින ප්‍රශ්නවලට කල්තියා විසඳුම් සෙවීම එහි අරමුණයි. එමෙන්ම ක්‍රිඩාව සංවර්ධනය කිරීමේ දී පැනගින ගැටළුවක්ව තිබෙන ලිපිගොනුවට පමණක් සීමා වූ ක්‍රිඩා සංගම් ක්‍රියාත්මක තත්ත්වයට ගෙන ඒමට ද අප මේ වන විට පියවර ගෙන තිබෙනවා. 2024 දී ක්‍රීඩාව ගමට ගෙන යෑම සඳහා විශේෂ වැඩපිළිවෙලකට අනුව ගමේ ක්‍රිඩාව දියුණු කිරීම එහි අරමුණයි. 

අප විසින් යෝජනා කර ඇති වැඩසටහන් වෙනුවෙන් ක්‍රිඩා සංවර්ධන දෙපාර්තමේන්තුවට මෙවර වෙන්වී ඇත්තේ රුපියල් මිලියන 125ක් පමණයි. මෙම සියලූම කටයුතු සඳහා අවම මුදල් ප්‍රමාණයකින් කටයුතු කිරීමට සිදුව තිබෙනවා.

ඒ වගේම නව ක්‍රීඩා විශ්වවිද්‍යාලයක් 2024 වසරේ දී ඇරඹීමට ද රජය සැලසුම් කර තිබෙනවා. ඒ සඳහා ඇමෙරිකානු ඩොලර් බිලියනක් පමණ වැය වෙතැයි අප විශ්වාස කරනවා. එම ක්‍රීඩා විශ්වවිද්‍යාලයේ වැඩකටයුතු ජනාධිපති රනිල් වික්‍රමසිංහ මහතාගේ මඟපෙන්වීම යටතේ සිදු කිරීමට නියමිතයි. එහි අන්තර්ගත වන කරුණු වන්නේ, අධ්‍යාපනවේදී උපාධිය, විද්‍යාවේදී උපාධිය, ඒකාබද්ධ වාර්ෂික වර්ධන අනුපාතය සහ පාරිසරික බලපෑම් තක්සේරුව පිළිබඳව අධ්‍යයනය කිරීමයි. විශ්වවිද්‍යාල ප්‍රතිපාදන කොමිෂන් සභාව ඇතුළු ආයතන කිහිපයක අනුමැතිය ලබාගැනීමෙන් පසුව 2024 වර්ෂයේ පළමුවන කාර්තුව තුළ එහි වැඩකටයුතු ආරම්භ කිරීමට සැළසුම් කර තිබෙනවා.  

එමෙන්ම ඉන්දියාව, නේපාලය සහ ලංකාව ඒකාබද්ධව යුද්ධ හමුදාවේ කර්නල් තනතුරින් ඉහළ මට්ටමේ සිටින නිලදාරීන් එක්ව  මෝටර් සයිකල් 15කින් සමන්විත රැළියක් පැවැත්වීමට ද කටයුතු සූදානම් කර තිබෙනවා. එය දෙසැම්බර් 29 වනදා නේපාලයෙන් ආරම්භ කර ඉන්දියාව හරහා ජනවාරි 14 වනදා ශ්‍රී ලංකාවට පැමිණීමට නියමිතයි. අනතුරුව තෛපොංගල් දිනයේ (15) යාපනය කන්කසන්තුරෙන් ආරම්භ කරන මෙම රැළිය ගාලු මුවදොර දී, සංස්කෘතික සංදර්ශනයක් ද පවත්වා අවසන් කිරීමට නියමිතයි.

ඒ වගේම යොවුන් පාර්ලිමේන්තුවේ සිටින මන්ත්‍රීවරුන්ට ප්‍රාදේශීය සම්බන්ධීකරණ කමිටු සඳහා සහභාගීවීමේ අවස්ථාව ලබාදීමට අප කටයුතු යොදා තිබෙනවා. ප්‍රාදේශීය මට්ටමේ කටයුතු සිදුවන ආකාරය සහ ඔවුන්ගේ කාර්ය භාර්ය පිළිබඳව අවබෝධයක් ලබාදීම එහි අරමුණයි. ඉන් පසුව ඔවුන් දිස්ත්‍රික් සම්බන්ධීකරණ කමිටුව නියෝජනය කිරීමට ද නියමිතයි. එම සභභාගීත්වය මගින් තරුණ ගැළුවලට විසඳුම් ලැබෙනු ඇතැයි අප විශ්වාස කරනවා.

(ජනාධිපති මාධ්‍ය අංශය)

පුවත්

ග්‍රාමීය සංවර්ධනයට රජයෙන් බිලියන 20 ක්

Published

on

By

ග්‍රාමීය ජනතාවට අවශ්‍ය පහසුකම් සැලසීමට මෙන්ම අඩු ආදායම්ලාභී පවුල්වල ජීවන තත්ත්වයන් නංවාලීමේ ව්‍යාපෘති රැසක් ඉදිරි මාස කිහිපය තුළ ක්‍රියාත්මක කිරීමට රජය සැලසුම් කර ඇත.

කෘෂිකර්ම හා වැවිලි කර්මාන්ත අමාත්‍ය මහින්ද අමරවීර මහතා පවසන්නේ, එම වැඩ කටයුතු සඳහා රජය විසින් රුපියල් බිලියන 20.6ක මුදලක් වැය කිරීමට පියවර ගන්නා බවට ජනාධිපති රනිල් වික්‍රමසිංහ මහතා අමාත්‍ය මණ්ඩලය දැනුම්වත් කළ බවය.

මේ හේතුවෙන්, හැකි තරම් නව කෘෂිකාර්මික ව්‍යාපෘති සකසන්නැයි අමාත්‍යවරයා විසින්  නිලධාරීන්ට උපදෙස් ලබා දී තිබේ.

එම කෘෂිකාර්මික ව්‍යාපෘති ගම්මානවල ගොවි ජනතාවගේ ආදායම් තත්ත්වයන් ඉහළ නැංවීම, ඔවුන්ගේ යටිතලපහසුකම් සංවර්ධනය සහ නව කෘෂි තාක්ෂණය ඉලක්ක කර ගනිමින් සකසන ලෙසද මෙහිදී මහින්ද අමරවීර අමාත්‍යවරයා උපදෙස් දී ඇති බව සඳහන්ය.

කෘෂිකර්ම හා වැවිලි කර්මාන්ත අමාත්‍යාංශයේදී පැවති සාකච්ඡාවක් අමතමින් අමාත්‍යවරයා මෙම උපදෙස් ලබා දී ඇත.

Continue Reading

පුවත්

“ආර්ථික පරිවර්තන පනත ඉතා භයානකයි”

Published

on

By

ආණ්ඩුව පාර්ලිමේන්තුවට ඉදිරිපත් කර ඇති ආර්ථික පරිවර්තන පනත ඉතා භයානක ප්‍රතිඵල ගෙන දෙන පනතක් යයි පාර්ලිමේන්තු මන්ත්‍රී මහාචාර්ය ජී.එල් පීරිස් මහතා කොළඹ අද (27) පැවති මාධ්‍ය හමුවකදී පැවසීය.

මේ වන විට පවතින්නේ ජනවරමක් රහිත පාර්ලිමේන්තුවක් බැවින් එමගින් මෙවැනි පනතක් සම්මත කර ගැනීම ඉතා භයානක බවද මහාචාර්යවරයා කීය. 

මන්ත්‍රීවරයා වැඩිදුරටත් කියා සිටියේ රජය ලාභ ලබන ආයතන ලහි ලහියේ විකුණා දැමීමට අවශ්‍යය පිඹුරුපත් කඩිනමින් සකස් කරන බව දැනගන්නට ලැබී ඇති බවය

ජනතා ගැටලු විසඳීම සඳහා අභිනව පාර්ලිමේන්තුවක අවශ්‍යතාවය  වර්තමාන සමාජය තුළින් පිළිබිඹු වන බව කී ඒ මහතා තරුණ පරපුර ඇමතීම සියලු පක්ෂ නායකයින්ගේ යුතුකම බවත් අනාගතයේ ජීවනාලිය  ඔවුන් බවඅමතක නොකළ යුතු යයිද සඳහන් කළේය

වත්මන් ආණ්ඩුව  මැතිවරණවලට දක්වන බිය සුළු බව හේතුවෙන් මුදල් නොමැති යැයි පවසා මැතිවරණ කල් දැමීමට අර  අඳිමින් සිටින බව පැවසූ මහාචාර්යවරයා ඒ සඳහා නොයෙකුත් උපක්‍රම යොදමින් සිටින බවද පැවසීය

පළමුව පැවැත්වෙන්නේ පාර්ලිමේන්තු මැතිවරණයද ජනාධිපතිවරණයද යන්න ගැන ජනතාව කිසියම් කුතුහලයකින් පෙළෙන බව පැවසූ මන්ත්‍රීවරයා ආණ්ඩුක්‍රම ව්‍යවස්ථාවට අනුව ජනාධිපතිවරණය අනිවාර්යයෙන්ම පැවැත්විය යුතු බව සඳහන් කළේය

Continue Reading

පුවත්

මුදවාගැනීමේ මෙහෙයුමකට මන්ත්‍රීවරු 3ක් තායිලන්තයට

Published

on

By

විපක්ෂයේ මන්ත්‍රීවරුන් තිදෙනෙක් අද (27) අලුයම තායිලන්තය බලා පිටත්ව ගියහ.

ඒ, මියන්මාරයේ සයිබර් අපරාධ කලාපයේ ත්‍රස්ත ග්‍රහණයේ සිටින ශ්‍රී ලාංකිකයින් සහ රුසියානු – යුක්‍රේන යුද්ධයට මැදිවී රුසියාවේ සිටින ශ්‍රී ලාංකික රණවිරුවන් බේරාගෙන යළි ශ්‍රී ලංකාව වෙත රැගෙන ඒමේ රාජ්‍යතාන්ත්‍රික මෙහෙයුම සඳහා එම රටවල රාජ්‍යතාන්ත්‍රික නිලධාරීන් සහ තෙවන පාර්ශ්වයන් සමග සාකච්ඡා කර වැඩපිළිවෙළක් සකස් කිරීම සඳහාය.

මෙම විපක්ෂ මන්ත්‍රී කණ්ඩායමට නීතීඥ වසන්ත යාපා බණ්ඩාර, ජේ.සී. අලවතුවල සහ සුජිත් සංජය පෙරේරා යන මන්ත්‍රීවරුන් ඇතුළත් වේ.

ඔවුන් මියන්මාරයේ සහ රුසියාවේ දින 05 බැගින් ගත කරමින් මෙම මෙහෙයුම දියත් කිරීමට නියමිතය.

මන්ත්‍රීවරුන් පිරිස ත්‍රෛනිකායික මහනාහිමිවරුන්ගේ සහ විපක්ෂ නායකවරයාගේ ඉල්ලීම් රැගත් ලිපි, මියන්මාරය සහ රුසියාව බලා පිටත්ව ගොස් තායිලන්තයේ සහ මියන්මාරයේ සංඝනායක හිමිවරුන් සහ රුසියාවේ රාජ්‍යතාන්ත්‍රික නිලධාරීන් හමුවී භාරදීමට ද නියමිත බවට වාර්තා වේ.

පිරිස අද අලුයම 01.10ට පමණ ශ්‍රී ලන්කන් ගුවන් සේවයේ UL – 402 දරන ගුවන්යානයෙන් තායිලන්තයේ බැංකොක් නුවර බලා පිටත්ව ගොස් ඇත.

Continue Reading
Advertisement

Trending

Copyright © 2023 Sri Lanka Mirror. All Rights Reserved