ATM යන්ත්ර පවතින ප්රදේශවල මුර සංචාර ඉහළ නැංවීමට පියවර ගෙන ඇතැයි පොලීසිය පවසයි.
පොලිස් මාධ්ය ප්රකාශක, ජ්යෙෂ්ඨ පොලිස් අධිකාරි නීතිඥ නිහාල් තල්දුව මහතා පැවසුවේ, පසුගිය කාලය පුරා ATM යන්ත්ර මංකොල්ලකෑම්වලට සම්බන්ධ සැකකරුවන්ට එරෙහිව නීතිමය පියවර ද ගෙන ඇති බවයි.
මේ අතර, කුරුණෑගල ගැට්ටුවාන හන්දියේ රාජ්ය බැංකුවකට අයත් ඒ.ටී.එම්. යන්ත්රය අලුත්වැඩියා කිරීමේ මුවාවෙන් එම යන්ත්රය ග්රයින්ඩරයකින් කපා රුපියල් ලක්ෂ 90ක මුදලක් පෙරේදා (06) සොරාගෙන පලා ගිය අපරාධකරු බන්ධනාගාරයෙන් පලා විත් සිටින්නෙක් බව හෙළි වී තිබේ.
මෙම අපරාධකරු විදූෂ ඉන්ද්රජිත් අධිකාරි නමැති අයෙක් බවත් ඔහු පලා ගොස් ඇත්තේද මින්නේරිය යුද හමුදා කඳවුර ආසන්නයේ පිහිටි රථ ගාලේ තිබුණු රාජ්ය බැංකුවක ඒ.ටී.එම්. යන්ත්රයක් මේ ආකාරයටම 2021 වසරේ නොවැම්බර් 26 වෙනිදා ග්රයින්ඩර්වලින් කපා රුපියල් ලක්ෂ 76ක මුදලක් සොරා ගැනීමක් සම්බන්ධයෙන් පොලිස් අත්අඩංගුවට පත්ව බන්ධනාගාරගතව සිටියදී බවත් පැවසේ.
30 හැවිරිදි වියේ පසුවන මෙම සැකකරු එප්පාවල පදිංචිකරුවෙකි.
ඒ.ටී.එම්. යන්ත්රය පිහිටි කුටියේ ඉදිරිපස ඔහු අලුත්වැඩියා කටයුත්තක් සිදුවන බව සඳහන් කරමින් පුවරුවක්ද එල්ලා තිබී ඇත.
ඒ නිසා තුටිය තුළ ග්රයින්ඩරය ක්රියාත්මක වන හඬ පිටතට ඇසුණද කිසිවෙකුගේත් සැකයට එය ලක්ව නැත.
පොලිසිය පවසනුයේ පැය තුනහමාරක පමණ කාලයක් ඒ.ටී.එම්. යන්ත්රය පිහිටි කුටිය තුළ ඔහු රැඳී සිට ඇති බවය.
