පුවත්

CIA ප්‍රධානියාගේ රහස් ගමන ගැන හෙළිදරව්වක්! (වීඩියෝ)

Published

2 years ago

March 4, 2023

editor

හොර රහසේ මෙරටට පැමිණ පැය කිහිපයක් ඇතුළත යළිත් පිටවී ගොස් ඇත්තේ අමෙරිකානු CIA ප්‍රධානියා බව පාර්ලිමේන්තු මන්ත්‍රී උදය ගම්මන්පිල මහතා පවසයි.

උදය ගම්මන්පිල මහතා පෙන්වා දෙන්නේ ඔහු විසින් ශ්‍රී ලංකාවට භයානක යෝජනා 04ක් ඉදිරිපත් කර ඇති බවය.

“අපිට තිබෙන නොනිල තොරතුරු අනුව අමෙරිකාවේ රහස් ඔත්තු සේවය වන CIA ප්‍රධානියා තමයි මේ අභිරහස් ලෙස ශ්‍රී ලංකාවට ඇවිත් පැය කිහිපයක් ගත කරලා ගිහින් තියෙන්නේ.”

“අපේ රටේ ජාතික ආරක්ෂාව දැවැන්ත අනතුරකට හෙළන භයානක යෝජනා 4ක් මේ දූත පිරිස ආණ්ඩුවට ඉදිරිපත් කරලා තියෙනවා.”

“පළමු එක තමයි ශ්‍රී ලංකාවට ලැබෙන සියලුම බුද්ධි තොරතුරු අමෙරිකාව සමග බෙදා ගන්න බුද්ධි තොරතුරු විශ්ලේෂණ මධ්‍යස්ථානයක් පිහිටුවන්න.”

“දෙවන එක තමයි ජීව දත්ත මත ආගමන පාලක පද්ධතියක් අපේ ගුවන්තොටුපොළවලට අමෙරිකාවෙන් තෑගි කිරීම. දත්ත බැංකුවට අමෙරිකාවට ප්‍රවේශ වෙන්න ඉඩ දෙන්න ඕනේ. ඇඟිලි සලකුණු, ඇස්වල රටාව සහ කෙස් රටාව… මේවා පිළිබඳ දත්තවලට අමෙරිකාවට ප්‍රවේශය දිය යුතුයි කියලා යෝජනාව කරලා තියෙනවා.

මෙවැනි පද්ධතියක් ලංකාවේ අමෙරිකාවෙන් දුන් තැග්ගත් ලෙස සවි කCIAළොත් ශ්‍රී ලංකාවට තමන්ගේ පුරවැසියන් එනවට රුසියාව, චීනය, ඉන්දියාව වැනි ලොව අනෙකුන් බලවතුන්ගේ අකමැත්ත පළ වෙන්න පුළුවන්.”

“ශ්‍රී ලංකාව ලෝකයේ අන් රටවල් සමග ජාත්‍යන්තර දුරකථන ඇමතුම් සහ දත්ත හුවමාරුව සිදුකරන්නේ ද මුහුද යටින් ගමන් කරන විදුලි සංදේශ රැහැන් හරහා. මේ රැහැන හරහා යන දත්ත ලබා ගන්නත් දුරකථන ඇමතුම්වලට රහසේ සවන් දෙන්නත් අමෙරිකාවට අවශ්‍ය පහසුකම් සපයන්න කියලා ඉල්ලා තියෙනවා.”

“ඒ වෙනුවෙන් ශ්‍රී ලංකාවට අනාගතයේ එල්ලවිය හැකි ත්‍රස්ත ප්‍රහාර ගැන කලින් අනතුරු ඇඟවීමේ වගකීම අමෙරිකාව බාර ගන්නවා කියලා.”

“සිව්වන යෝජනාව තමයි සෝෆා ගිවිසුම යළි අත්සන් කිරීම. අමෙරිකාවේ මේ යෝජනාවට නම් ජනාධිපතිතුමා ස්ථිර වචනයක් දීලා නැහැ.. කියලා තමයි අපට ආරංචි. 2017දී කරන්න ගිහිල්ලා වින්ඳ දුක් ගැහැට එතුමට සිහිපත් වෙන්න ඇති.”

පුවත්

සෑම පාසල් සිසුවෙකුටම දත්ත ගොනුවක්

Published

10 minutes ago

June 4, 2025

editor

පාසල් පද්ධතියට ඇතුළත් වන සෑම සිසුවෙකු සඳහා ම අනන්‍ය වූ දත්ත ගොනුවක් සකස් කිරීම සහ අද්විතීය හැඳුනුම්පතක් (Unique Identity Card) මෙමගින් හඳුන්වාදීමට නියමිත බව උසස් අධ්‍යාපන හා වෘත්තීය අධ්‍යාපන අමාත්‍යංශය පවසයි.

2026 වසරේ ක්‍රියාත්මක කිරීමට නියමිත අධ්‍යාපන පරිවර්තය යටතේ අධ්‍යාපන ක්ෂේත්‍රයේ අධ්‍යයන, අනධ්‍යන සේවකයින්, දරුවන් සහ පාසල් ඇතුළු සමස්ත තොරතුරු ඇතුළත් ජාතික අධ්‍යාපන දත්ත කළමනාකරණ පද්ධතියක් නිර්මාණය කිරීම සම්බන්ධයෙන් උසස් අධ්‍යාපන හා වෘත්තීය අධ්‍යාපන අමාත්‍ය, අග්‍රාමාත්‍ය ආචාර්ය හරිනි අමරසූරියගේ ප්‍රධානත්වයෙන් පෙරේදා (02) අමාත්‍යාංශයේ දී පැවති සාකච්ඡාවකදී මේ බව තීරණය කර තිබේ.

ජාතික උප්පැන්න සහතිකය, විභාග ප්‍රතිඵල, කුසලතා, නිපුණතා ඇතුළු දරුවන්ගේ සියලු දත්ත මෙම පද්ධතියට ඇතුළත් කිරීමට මෙහි දී යෝජනා කළ බව පැවසේ.

2026 වර්ෂයේ දී සිදුකරන අධ්‍යාපන පරිවර්තයට සමගාමීව දරුවන් පාසලට ඇතුළත් කර ගැනීමේ කටයුතු පහසු කර ගැනීම, ගුරු සහ විදුහල්පති පුරප්පාඩු හදුනාගැනීම, පත්වීම් ලබාදීම, උසස් කිරීම, ස්ථානමාරු සිදු කිරීම, අඛණ්ඩ ඇගයීම් ක්‍රමවේදය ක්‍රියාත්මක කිරීම, පාසල්වල භෞතික සම්පත් සංවර්ධනය ඇතුළු පාසල් පද්ධතියේ සියලු කාර්යයන් කාර්යක්ෂමව සහ ඵලදායීව ක්‍රියාත්මක කිරීම සඳහා මෙම දත්ත පද්ධතිය මගින් හැකි වන බව අග්‍රාමාත්‍යවරිය මෙහිදී පවසා තිබේ.

ලබන වසරේ සිට පළමු වසරට සහ හයවන වසරට ඇතුළත්වන දරුවන් මූලික කර ගනිමින් මෙම දත්ත පද්ධතිය ආරම්භ කිරීමටද මෙහි දී සාකච්ඡා කර ඇත.

ජාතික අධ්‍යාපන දත්ත කළමනාකරණ පද්ධතිය සැකසීම සඳහා අවශ්‍ය සහාය ශ්‍රී ලංකා ගුවන් හමුදාවේ තොරතුරු තාක්ෂණ අංශය මගින් ලබා දෙනු ඇත.

පුවත්

හිටපු ඇමති ඩලස්ගේ WhatsApp හැක් වේ

Published

59 minutes ago

June 4, 2025

editor

හිටපු අමාත්‍ය ඩලස් අලහප්පෙරුම මහතාගේ වට්ස්ඇප් ගිණුම අනවසර පුද්ගලයින් විසින් හැක් කර ගෙන ඇති බව වාර්තා වේ.

හිටපු අමාත්‍යවරයා ද සිය ෆේස්බුක් සමාජ මාධ්‍ය ඔස්සේ සටහනක් තබමින් සිය වට්ස් ඇප් අංකයෙන් ලැබෙන පණිවුඩ සඳහා ප්‍රතිචාර නොදක්වන ලෙස ඉල්ලීමක් සිදුකර තිබේ.

මෙම ගිණුම භාවිතා කරමින් වංචනික පණිවිඩ හරහා මුදල් ඉල්ලීම් සිදුවෙමින් පවතී. පැතිරෙන පණිවිඩයේ අන්තර්ගතය මෙසේය:

“මම මිතුරෙකුට මුදල් යැවීමට උත්සාහ කළනවා, නමුත් එය යැවිය නොහැකියි. මගේ විස්තරවල ගැටලුවක් ඇති බව පෙනෙනවා. ඔබට හැකි නම්, එම පුද්ගලයාගේ විස්තරවලට රු.100,000ක් යැවීමට උපකාර කරන්න. මම හෙට උදේම එම මුදල ආපසු ගෙවනවා.”