හිටපු සෞඛ්‍ය අමාත්‍ය කෙහෙළිය රඹුක්වැල්ල මහතා බාල ඖෂධ ආනයනයට අදාළ යැයි කියන ලියකියවිලි කිහිපයක් අපරාධ පරීක්ෂණ දෙපාර්තමේන්තුවට අද (26) බාරදී ඇතැයි වාර්තා වේ.
ඔහු මේ සම්බන්ධයෙන් මාධ්‍යට පවසා ඇත්තේ පරීක්ෂණයට සහයක් ලෙස තමා එම ලියකියවිලි බාර දුන් බවයි.
අපරාධ පරීක්ෂණ දෙපාර්තමේන්තුව මෙම පරීක්ෂණය ආරම්භ කළේ තමා කළ පැමිණිල්ලක් අනුව බවද ඔහු සඳහන් එහිදී අවධාරණය කර ඇත.
අද පෙරවරුවේ හිටපු සෞඛ්‍ය අමාත්‍ය කෙහෙළිය රඹුක්වැල්ල මහතාගේ නිවසට ගිය අපරාධ පරීක්ෂණ දෙපාර්තමේන්තුවේ නිලධාරීන් පැය 3කට අධික කාලයක් ප්‍රකාශ සටහන් කරගෙන ඇති බව වාර්තා වේ.
(පෙර පුවත 2022 දෙසැම්බර් 26, ප.ව.04:22)
CIDය කෙහෙළියගෙන් ප්‍රකාශයක් ගනියි
අපරාධ පරීක්ෂණ දෙපාර්තමේන්තුව විසින් හිටපු සෞඛ්‍ය අමාත්‍ය කෙහෙළිය රඹුක්වැල්ල මහතාගෙන් ප්‍රකාශයක් සටහන් කරගෙන ඇත.
මේ සඳහා (CID) නිලධාරීන් පිරිසක් අද (26) පෙරවරුවේ රඹුක්වැල්ල මහතාගේ කොළඹ පිහිටි නිවසට ගොස් ඇත.
මෙම ප්‍රකාශය ලබාගෙන ඇත්තේ ආන්දෝලානාත්මක ප්‍රමිතියෙන් තොර ප්‍රතිදේහ එන්නත් මෙරටට ආනයනය කිරීමේ ක්‍රියාවලිය සම්බන්ධයෙන් සිදුකෙරෙන විමර්ශනවලට අදාළව බව පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී නීතිඥ නිහාල් තල්දූව මහතා මාධ්‍ය වෙත පවසා තිබේ.
මෙම අවස්ථාවට රඹුක්වැල්ල මහතා වෙනුවෙන් වෙනුවෙන් නීතිඥවරු කණ්ඩායමක්ද පෙනී සිටි බවද වාර්තා වේ.
සබැඳි පුවත්:
ටිරාන් කෙහෙළියව අත්අඩංගුවට ගනියි?
ඉමියුනොග්ලොබියුලින් මිලදී ගන්න කලින් හිටපු ඇමති හා ලේකම් සාකච්ඡා කරලා
,
