Connect with us

පුවත්

“Crisis bonds ගත් අයට සුපිරි ලාභයක් දී EPF වෙත පමණක් බර පැටවීම අසාධාරණයි”

Published

on

පසුගිය කාලයේදී අඩු මිලට බැඳුම්කර මිලදීගත් බැංකු ඇතුළු පාර්ශවයන්ගේ ප්‍රාග්ධන ලාභ මත ප්‍රමාණවත් බදු පනවන්නේ නැතිව සේවක අර්ථසාධක අරමුදලේ සාමාජිකයින් මත පමණක් දේශීය ණය ප්‍රශස්තකරණයේදී බදු පැනවීම අසාධාරණ යැයි ආචාර්ය හර්ෂ ද සිල්වා මහතා පාර්ලිමේන්තුවේදී අවධාරණය කළේය.

ඔහු පැවසුවේ ඉදිරියේදී සේවක අර්ථ සාධක අරමුදල් පනතට සංශෝධනයක් ගෙන එමින් මෙම වරද නිවැරදි කිරීමට කටයුතු කරන බවයි.

“අර්ථ සාධක අරමුදලේ රුපියල් බිලියන 3400 ක් පමණ තියනවා. දේශීය ණය ප්‍රශස්තකරණයේදී කළ යෝජනාව තමයි අර්ථ සාධක අරමුදල බැඳුම්කරවල ආයෝජනය කිරීමෙන් ලබන පොලිය 14% ක සිට 30% ක් දක්වා වැඩිකිරීම. ස්වකැමැත්තෙන් තමයි මේ බදු වැඩි කිරීම කරන්නේ කියල කිව්වට මේක බලහත්කාරයෙන් තමයි දැන් කරන්නේ.“

දේශීය ණය ප්‍රශස්තකරණයේදී සේවක අර්ථ සාධක අරමුදලේ සාමාජිකයින්ට 9% ක ප්‍රතිලාභයක් ලබාදීම නීත්‍යාණුකූලව සහතික කර නොමැති බවත් ඒ තත්ත්වය තුළ crisis bonds (අර්බුද කාලයේ මිලදීගත් බැඳුම්කර) මිලදීගත් පාර්ශවයන්ට දැවැන්ත ප්‍රතිලාභයක් ලබාදීම සාධාරණ නොවන බවත් මන්ත්‍රීවරයා මෙහිදී අවධාරණය කළේය.

“දේශීය ණය ප්‍රශස්තකරණයේදී අර්ථ සාධක අරමුදලේ සාමාජිකයින්ට සැලකිය යුතු අලාභයක් සිදුවෙනවා. සමහරු කියනවා මේ නිසා අර්ථ සාධකයෙන් 50% ක් කැපෙනවා කියලා. ඒක බොරු කතාවක්. නමුත්, 4% ත් 21% ත් අතර අලාභයක් තෝරාගන්නා විකල්ප අවස්ථා අනුව ලැබෙන්න පුළුවන්.“

මේ නිසා, අර්ථ සාධක අරමුදලේ සාමාජිකයින්ට අවම සහ උද්ධමනයට සාපේක්ෂව ධන මූර්ත පොලියක් ලැබෙන ලෙස නීතිය වෙනස් කිරීමට ඉදිරියේදී කටයුතු කරන බව ආචාර්ය හර්ෂ ද සිල්වා මහතා වැඩිදුරටත් පැවසීය. එසේම, තරුණයින් ගැන කතා කරන ආණ්ඩුව මෙහිදී වැඩිම හානිය සිදුකර තිබෙන්නේ සේවක අර්ථ සාධක අරමුදලේ අවුරුදු 40 ගණන්වල සිටින සාමාජිකයින්ට බවත් මන්ත්‍රීවරයා මෙහිදී පෙන්වා දුන්නේය.

පුවත්

වෙසක් වෙනුවෙන් බඩු මිල පහලට

Published

on

By

එළඹෙන වෙසක් උත්සවය අරමුණු කරගනිමින් ලංකා සතොස ආයතනය භාණ්ඩ කිහිපයක මිල අඩු කර තිබේ.

Continue Reading

පුවත්

“ග්‍රාම නිලධාරීන්ගේ ප්‍රශ්නය ගැන බලන්න”

Published

on

By

ග්‍රාම නිලධාරීන්ගේ ප්‍රශ්න විසඳුවේ නැතොත් ඔවුන්ගේ වෘත්තිය ක්‍රියාමාර්ග දැඩි කරන බව පවසා ඇතැයි ජාතික ජන බලවේගයේ මන්ත්‍රී අනුර දිසානායක මහතා පාර්ලිමේන්තුවේ දී පැවසීය.

ග්‍රාම නිලධාරී සේවය ස්ථාපිත නොවීම, අනන්‍ය වැටුප් නොලැබීම මෙන්ම රාජකාරී සදහා අයුතු බලපෑම් එල්ලවීම ආදී ගැටලු ග්‍රාම නිලධාරීන්ට මතුව තිබෙන්නේ යැයිද පසුගිය දිනවල ඔවුන් රාජකාරී නිවාඩු සහ අකුරට වැඩ කිරීමේ ක්‍රියාමාර්ග ගෙන තිබෙන්නේ යැයිද දිසානායක මහතා කීය.

ග්‍රාමීය මට්ටමේ රාජ්‍ය පරිපාලන නියෝජිතයා වන ග්‍රාම නිලධාරී සේවය පැය අටකට සීමා වන්නේ නැතැයි ද ඔවුන්ගේ වෘත්තීය ගැටලු දිගු කාලයක් තිස්සේ විසඳී නැතැයි ද දිසානායක මහතා පැවසීය.

Continue Reading

පුවත්

ධීවරයින්ට හදිසි දැනුම්දීමක්

Published

on

By

අද (22)  දින සිට ක්‍රියාත්මක වන පරිදි නැවත දැනුම්දෙනතුරු බහුදින ධීවර යාත්‍රා ඇතුළුව සියලුම ධීවර යාත්‍රා සඳහා රැකියාවට පිටත්වීම සඳහා අවසර ලබා නොදෙන බව ධීවර හා ජලජ සම්පත් දෙපාර්තමේන්තුව පවසයි.

අද මාධ්‍ය වෙත අදහස් දක්වමින් එම දෙපාර්තමේන්තුවේ අධ්‍යක්ෂ ජනරාල් සුසන්ත කහවත්ත මහතා මේ බව පැවසීය.

දිවයින වටා මුහුදු ප්‍රදේශවල ඉදිරි දින කිහිපයේදී දැඩි වර්ශාපතනයත් දැඩි සුළං තත්ත්වයක් ඇතිවිය හැකි බවට වාර්තාවීමත් සමග එම දෙපාර්තමේන්තුව මෙම තීරණය ගෙන ඇත.

එසේම මේ වනවිට රැකියාවේ නිරතව සිටින බහුදින ධීවර යාත්‍රා වෙත ද ආරක්‍ෂිත ප්‍රදේශ හරහා ගමන්කරන ලෙසට දැනුම්දී ඇති බව එහි අධ්‍යක්ෂවරයා වැඩිදුරටත් සඳහන් කළේය.

Continue Reading
Advertisement

Trending

Copyright © 2023 Sri Lanka Mirror. All Rights Reserved