Connect with us

පුවත්

DIG වෙස් ගෙන පේරේ පීඨාධිපතිව අන්දන්න හදලා!

Published

on

පේරාදෙණිය විශ්ව විද්‍යාලයේ ශාස්ත්‍ර පීඨයේ පීඨාධිපතිවරයාට ව්‍යාජ දුරකථන ඇමතුම් ලබා දුන් බව පවසමින් ශිෂ්‍ය සංගම් සභාපතිවරයකුට එරෙහිව එම පීඨාධිපතිවරයා විසින් පැමිණිල්ලක් සිදුකර ඇතැයි පේරාදෙණිය පොලිසිය පවසයි.

මෙම පුද්ගලයා විසින් පසුගිය 20දා තමා පොලිස් මූලස්ථානයේ නියෝජ්‍ය පොලිස්පතිවරයකු බව පවසමින් පේරාදෙණිය පොලීසියට දුරකථන ඇමතුමක් ලබාදී එහි සිටි පොලිස් කොස්තාපල්වරියකගෙන් විශ්ව විද්‍යාලයේ ශාස්ත්‍ර පීඨයේ පීඨාධිපතිවරයාගේ දුරකථන අංකය ඉල්ලා ගෙන ඇතැයි “ලංකාදීප” වාර්තා කරයි.

පසුදිනකදී මොහු විසින් පීඨාධිපතිවරයාගේ ජංගම දුරකථනයට ඇමතුම් පහක් ලබාගෙන ඇති බවත්, පීඨාධිපතිවරයාට ඒ අවස්ථාවේ එම ඇමතුම් වලට ප්‍රතිචාර දැක්වීමට නොහැකි වූයෙන්, පසුව එම අංකයට කතා කර ඇත. එහිදී මෙම පුද්ගලයා පොලිස් මූලස්ථානයේ රාජකාරි කරන නියෝජ්‍ය පොලිස්පතිවරයකුගේ නමක් සඳහන් කර ඇතැයි පොලීසිය පැවසීය.

පේරාදෙණිය විශ්ව විද්‍යාලයේ සිසුන්ට බැන වැදීම නිසා සිසුන් කලබලයට පත්වී කොළඹ උද්ඝෝෂණයක් සංවිධානය කර ජනාධිපති ලේකම් කාර්යාලයට ඇතුළුවීමට සැලසුම් කර ඇති බවත්, ඒ සඳහා වරෙන්තුවක් ලබාගෙන ඇති බවත් නියෝජ්‍ය පොලිස්පතිවරයා ලෙස කතා කළ පුද්ගලයා දැනුම් දුන් බව පීඨාධිපතිවරයා පොලීසියට පවසා ඇත.

තවද, විශ්ව විද්‍යාලයේ ඇති සියළුම ලිපි ලේඛන 21දා කුලපතිවරයාට භාරදී පරීක්ෂණයක් සඳහා පොලිස් මූලස්ථානයට පැමිණෙන ලෙසද මොහු තමාට පැවසූ බව පීඨාධිපතිවරයාගේ පැමිණිල්ලේ වැඩිදුරටත් දැක්වේ.

පුවත්

කොළඹ – පුත්තලම ගමනාගමනයට බාධා

Published

on

By

ලුණුඔය පිටාර ගැලිමෙන් කොළඹ පුත්තලම මාර්ගයේ මහඔය ප්‍රදේශය ජලයෙන් යටවීමෙන් ගමනාගමනයට බාධා එල්ලවී ඇති බව පුත්තලම ආපදා කළමණාකරන ඒකකය අද (21 ) පැවසිය.

පාරු ඔයේ ජලය ගලාවිත් ලුණූඔය පාලමින් කොළඹ පුත්තලම මාර්ගය අසලින් මෙසේ ජලයෙන් සම්පුර්ණයෙන් යටවී ඇති බව පැවසේ.

ආපදා කළමණාකරන ඒකකයේ නිළධාරීන් පවසා සිටියේ මෙම ජල මට්ටම දහවල් වන විට වැඩිවිමේ අවදානමක් මතුව ඇති බවයි.

ඒ හේතුවෙන් මාර්ගයේ ගමන් කිරීමේදි ඒ පිළිබදව සැලකිලිමත් වන ලෙස දිස්ත්‍රික් ආපදා කළනාකරණ ඒකකය ජනතාවගෙන් ඉල්ලා සිටී.

Continue Reading

ක්‍රීඩා

LPL ක්‍රීඩක වෙන්දේසිය අද පස්වරුවේ

Published

on

By

2024 ලංකා ප්‍රිමියර් ලීග්, LPL ක්‍රිකට් තරඟාවලියේ ක්‍රීඩක වෙන්දේසිය අද (21) පැවැත්වේ.

කොළඹදී පැවැත්වෙන මෙම ක්‍රීඩක වෙන්දේසියට ඉදිරිපත් කෙරෙන දේශීය හා විදේශීය ක්‍රිඩකයින් ගණන 420කි.

ඒ අතරට ශ්‍රී ලාංකික ක්‍රීඩකයින් 154 දෙනෙකු ඇතුළත්ය.  

ප්‍රකට ඉන්දීය වෙන්දේසිකරුවෙකු වන චාරු ශර්මා විසින් මෙම වෙන්දේසිය මෙහෙයවනු ලැබේ.

මෙවර ලංකා ප්‍රිමියර් ලීග්, LPL  ක්‍රිකට් තරඟාවලිය ජූලි 01වනදා ආරම්භ වීමට නියමිත අතර තරඟාවලිය සඳහා කණ්ඩායම් 05ක් එක්වීමට නියමිතය.

පල්ලේකැලේ, දඹුල්ල සහ ආර් ප්‍රේමදාස යන ක්‍රීඩාංගණවල තරඟ පැවැත්වීමට සැලසුම් කර ඇත

තරඟාවලිය ජූලි 21වනදා තෙක් පැවැත්වීමට නියමිතය.

Continue Reading

පුවත්

රුසියාවට සෙබළු යැවූ අයෙක් දෙහිවලදී අත්අඩංගුවට

Published

on

By

විශ්‍රාමලත් ත්‍රිවිධ හමුදා සෙබළු සංචාරක වීසා මත රුසියාව සහ යුක්රේනය වෙත රැගෙන ගොස් කුලී හේවායන් ලෙස යෙදවීමේ මිනිස් ජාවාරමට සම්බන්ධ තවත් පුද්ගලයකු දෙහිවල ප්‍රදේශයේදී ඊයේ (මැයි 20) අත්අඩංගුවට ගත් බව පොලිසිය නිවේදනය කළේ ය.

මේ සම්බන්ධයෙන් සැකපිට අත්අඩංගුවට ගත් පුද්ගලයා සංචාරක වීසා මත රුසියාවට පුද්ගලයන් 120 දෙනෙකු පමණ යැවූ බවට තොරතුරු අනාවරණය වී ඇති බවත් ඒ අනුව ඊට සැකපිට අදාළ පුද්ගලයා මෙලෙස අත්අඩංගුවට ගෙන ඇති බවත් පොලිස් මාධ්‍ය කොට්ඨාසය සඳහන් කළේය.

සැකකාර පුද්ගලයා රුසියානු තානාපති කාර්යාලය ඉදිරිපිට සිට සංචාරක වීසා මත රුසියාව සඳහා යාමට පුද්ගලයන්ට ආධාර අනුබල දී ඇති බව විමර්ශනවලදී අනාවරණය වී ඇති අතර අපරාධ පරීක්ෂණ දෙපාර්තමේන්තුවේ “තැනැත්තන් වෙළෙඳාම සහ සමුද්‍රීය අපරාධ විමර්ශන අංශය” විසින් එම සැකකරු අත්අඩංගුවට ගන්නා ලදී.

අත්අඩංගුවට ගත් සැකකරුගෙන් වැඩිදුර ප්‍රශ්න කිරීමෙන් අනතුරුව අද දිනයේ (21) අධිකරණය වෙත ඉදිරිපත් කිරීමට නියමිත බව අපරාධ පරීක්ෂණ දෙපාර්තමේන්තුවේ ආරංචි මාර්ග සඳහන් කරයි.

අපරාධ පරීක්ෂණ දෙපාර්තමේන්තුවේ ජ්‍යෙෂ්ඨ නියෝජ්‍ය පොලිස්පති රොහාන් ප්‍රේමරත්න මහතාගේ උපදෙස් මත “තැනැත්තන් වෙළෙඳාම සහ සමුද්‍රීය අපරාධ විමර්ශන අංශයේ” අධ්‍යක්ෂ ජ්‍යෙෂ්ඨ පොලිස් අධිකාරි සමරකෝන් බණ්ඩා මහතාගේ අධීක්ෂණය යටතේ වැඩිදුර පරීක්ෂණ පවත්වන බව පොලිසිය පැවසීය.

Continue Reading
Advertisement

Trending

Copyright © 2023 Sri Lanka Mirror. All Rights Reserved