Connect with us

පුවත්

e – Grama Niladari සඳහා ගත් දෙකෝටියක පෑන්-බෑග් අහක දාලා

Published

on

ස්වදේශ කටයුතු අමාත්‍යාංශයෙන් ක්‍රියාත්මක කරන ඉ – ග්‍රාම නිලධාරී (e – Grama Niladari) ව්‍යාපෘතිය සඳහා 2021 වසරේදී මිලදී ගත් රුපියල් දෙකෝටි විසිඑක් ලක්ෂ අසූ දහස් අටසියයක් (22,180,800.00) ක් වටිනා ජෙල් පෑන්, විශේෂිත ෆයිල් කවර සහ බෑග් තොගය බෙදා නොදී අනාරක්ෂිත ලෙස ගොඩ ගසා ඇතැයි අනාවරණය වේ.

මහ බැංකුවේ මුදල් යොදාගෙන මෙම ඉ. ග්‍රාම නිලධාරී ව්‍යාපෘතිය ක්‍රියාත්මක කෙරේ.

මෙම ව්‍යාපෘතිය සඳහා 2021 වසරේදී මිලදී ගත් කළු ජෙල් පෑන් ලක්ෂ හතරක් සහ විශේෂිත ෆයිල් කවර විසි එක් දහසක් සහ හා හම් වලින් සකස් කරන ලද බෑග් විසි එක් දහසක් මෙලෙස බෙදා නොහැර ගොඩ ගසා ඇතැයි හෙළිදරව්වී ඇත.

මෙම කළු ජෙල් පෑන් මිලඳී ගැනීමට වැයකර තිබෙන මුදල රුපියල් පනස් තුන් ලක්ෂයකට අධිකය. විශේෂිත ෆයිල් කවර සහ බෑග් සඳහා වැයකර තිබෙන මුදල රුපියල් එක් කෝටි හැට අට ලක්ෂයකට අධිකය. මෙම පෑන්,ෆයිල් කවර සහ බෑග් ග්‍රාම නිලධාරීන්ට බෙදාදීම සඳහා මිලදී ගෙන තිබේ.

මෙම ජෙල් පෑන් විශාල තොගයක් දැනට භාවිතයට ගත නොහැකි තත්ත්වයේ පවතින බවද අනාවරණය වේ.

ඉ – ග්‍රාම නිලධාරී ව්‍යාපෘතියට අදාළව අතින් දත්ත එකතු කිරීම සඳහා දිස්ත්‍රික්ක පහකට අදාළව රජයේ මුද්‍රණාලයෙන් රුපියල් මිලියන 167 ක කොළ මිලදී ගෙන ඇති අතර, එම කොළ පිරවීමට මෙම ජෙල් පෑන් මිලදී ගෙන තිබේ. මෙම කොළවල පුරවන දත්ත ස්කෑන් කිරීමට අදාළ ටෙන්ඩරය රුපියල් මිලියන 254 ක් බවද අනාවරණය වේ.

මෙම ඉ – ග්‍රාම නිලධාරී ව්‍යාපෘතිය ඉකුත් 2021 වසරේ සිට ක්‍රියාත්මක කිරීමට නියමිතව තිබිණි.

(අරුණ)

පුවත්

ආයෝජන මණ්ඩල සේවකයෝ පාරට බසිති

Published

on

By

‘ආර්ථික පරිවර්තන මුවාවෙන් ආයෝජන කලාප ගජ මිතුරන්ට විකිණීම නවතනු’ යන මැයෙන් ශ්‍රී ලංකා ආයෝජන මණ්ඩල සේවකයින් විරෝධතාවයක් ආරම්භ කර තිබේ.

අද (21) දහවල් 12.00 ට පමණ මහබැංකුව ආසන්නයේ ඇති කොළඹ ලෝක වෙළඳ මධ්‍යස්ථානය ඉදිරිපිටදී ඔවුන් මෙම විරෝධතාව පැවැත්වූහ.

දැඩි වර්ෂාව මධ්‍යයේ වුවද ආයෝජන මණ්ඩල සේවකයින් මෙම විරෝධතාවය අඛණ්ඩව පවත්වනු ලැබේ.

Continue Reading

පුවත්

වෙසක් උත්සව ආරක්ෂාව වෙනුවෙන් පොලීසිය සූදානමින්

Published

on

By

මෙවර වෙසක් උත්සවය වෙනුවෙන් ආරක්ෂාව සඳහා පොලිස් නිලධාරීන් 18,000කට වැඩි සංඛ්‍යාවක් දිවයින පුරා යෙදවීමට කටයුතු සූදානම් කර ඇති බව පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරි නීතිඥ නිහාල් තල්දූව මහතා පවසයි.

අවශ්‍යතාවය අනුව පොලිස් විශේෂ කාර්ය බලකා නිලධාරීන් 275කට ආසන්න සංඛ්‍යාවක් යෙදවීමට කටයුතු කරන බවයි මාධ්‍ය ප්‍රකාශකවරයා වැඩිදුරටත් පැවසීය.

පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරි නීතිඥ නිහාල් තල්දූව මහතා සඳහන් කළේ, දිවයින පුරා වෙසක් කලාප 419ක් සංවිධානය කර ඇති අතර,එමෙන්ම තොරණ 321ක් දිවයින පුරා ඉදිවෙන බවය.

ඊට අමතරව දන්සැල් 4726ක් සංවිධානය කර ඇති බවට තොරතුරු ලැබී ඇති බවද  පොලිස් මාධ්‍ය ප්‍රකාශකවරයා වැඩිදුරටත් සඳහන් කර සිටියේය.

Continue Reading

පුවත්

විදුලි සැර වැදී පුද්ගලයෙක් මරුට

Published

on

By

මුන්දලම – බරලන්කට්ටුව ප්‍රදේශයේ සිය සත්ත්ව ගොවිපලේ විදුලි අළුත්වැඩියා කටයුත්තක් කරමින් සිටි ව්‍යාපාරිකයෙකු විදුලිය සැර වැදීමෙන් මිය ගොස් ඇති බව මුන්දලම පොලීසිය පවසයි.

මිය ගොස් ඇත්තේ ගම්පහ – ඉඹුල්ගොඩෙ පදිංචිව සිටි මොනර පිටිකුඹුරමුල්ලගේ සනත් කුමාර නම් අයෙකි.

මිය ගොස් ඇති පුද්ගලයා ඉකුත් 20 වැනිදා සවස තමන් විසින් ප්‍රදේශයේ පවත්වා ගෙන යන සත්ත්ව ගොවිපලක දොරක් අළුත්වැඩියා කරමින් සිට ඇත.

එම අවස්ථාවේ ඇති වූ විදුලිය කාන්දුවීමකින් ඔහු අනතුරට පත්ව ඇතැයි පොලීසිය ප්‍රකාශ කලේය.

Continue Reading
Advertisement

Trending

Copyright © 2023 Sri Lanka Mirror. All Rights Reserved