Connect with us

පුවත්

E-Visa  ගැන VFS Global සමාගමෙන් නිවේදනයක්

Published

on

බණ්ඩාරනායක ගුවන්තොටුපොළේ  E-Visa ක්‍රමවේදය ක්‍රියාත්මක කිරීමත් සමග ඇතිවී තිබෙන කතාබහ සම්බන්ධයෙන් ඊට අදාළ බව සඳහන් කෙරුණු VFS Global සමාගම විසින් නිවේදනයක් නිකුත් කර තිබේ.

අදාළ නිවේදනය මගින් VFS Global සමාගම පෙන්වාදෙන්නේ 2004 සිට සිය සමාගම ශ්‍රී ලංකාවේ මෙහෙයුම් ක්‍රියාත්මක කරන බවය.

තම සමාගම එංගලන්තය, ඔස්ට්‍රේලියාව, කැනඩාව නවසීලන්තය ප්‍රංශය ජර්මනිය ඉතාලිය ස්විට්සර්ලන්තය, නෝර්වේ, ඔස්ට්‍රියා, ලැට්වියා, හංගේරියාව, ක්‍රොඒෂියාව, මෝල්ටාව සහ ග්‍රීසිය ඇතුළු රටවල් 23කට අදාළ වීසා අයදුම්පත් සකස් කිරීමේ කාර්යය සිදුකරන බවද පවසයි.

ශ්‍රී ලංකාවේ කොළඹ සහ යාපනයේ ක්‍රියාත්මක කෙරෙන වීසා මධ්‍යස්ථාන 6ක මෙහෙයුම් කටයුතු පවත්වාගෙන යන බවද එම නිවේදනයේ දැක්වෙයි.

එහි වැඩිදුරටත් සඳහන් වන්නේ එම මධ්‍යස්ථාන තුළ ශ්‍රී ලාංකිකයින් 123ක් සේවයේ නිරතව සිටින බවය.

එසේම 2004 වසරේ සිට සිය මෙහෙයුම් ආරම්භ කර මේ වනවිට වීසා අයදුම්පත්‍ර මිලියන 3.2කට අධික ප්‍රමාණයක් සඳහා සේවා සැපයීමේ කටයුතු ඔවුන් සිදුකර ඇති බවද එම නිවේදනයේ දැක්වෙයි.

ශ්‍රී ලංකාවේ රජය විසින් ක්‍රියාත්මක කිරීම ආරම්භ කළ නව E-Visa ක්‍රමවේදය සඳහා ආගමන විගමන දෙපාර්තමේන්තුව තම VFS Global සමාගමට අමතරව GBS Technology Services සහ IVS Global FZCO සමාගම් සමග ත්‍රෛපාර්ශ්වික ගිවිසුමකට එළැඹුණු බවද එම සමාගම සිය නිවේදනයෙන් වැඩිදුරටත් පෙන්වා දී තිබේ.

ඔවුන්ගේ කාර්යය වනුයේ වීසා අයදුම් කිරීමේ ක්‍රියාවලියේ පරිපාලනමය සහ විනිශ්චයන් නොවන කාර්යයන් කළමනාකරණය කිරීම පමණක් බවත් සිය නිවේදනය මගින් VFS Global සමාගම පෙන්වාදී ඇත.

එසේම වීසා ලබාදීම හෝ ප්‍රතික්ෂේප කිරීමේ අවසන් තීරණය ආගමන විගමන දෙපාර්තමේන්තුව පමණක්ම හිමිවන බවද සිය නිවේදනය මගින් VFS Global සමාගම වැඩිදුරටත් පවසයි.

එම නිවේදනයේ අවසාන වශයෙන් දැක්වෙන්නේ මෙම නව E-Visa ක්‍රමවේදය තායිලන්තය, ඩුබායි, අසර්බයිජානය, ඉක්වටෝරියල් ගිනී සහ සුරිනාම් ඇතුළු රාජ්‍යන් 12ක VFS Global සමාගම හරහා ක්‍රියාත්මක වන බවය.

පුවත්

උතුරු – නැගෙනහිරට සංවර්ධනයේ ප්‍රතිලාභ දෙන බව ජනපති කියයි

Published

on

By

යුද්ධය නිසා උතුරු නැගෙනහිරට බලපෑ ප්‍රශ්න කඩිනමින් අවසන් කර එම ජනතාවට ද සංවර්ධනයේ ප්‍රතිලාභ ලබා දෙන බව ජනාධිපති රනිල් වික්‍රමසිංහ මහතා පවසයි.

උතුරු පළාත තුළ උසස් මට්ටමේ සෞඛ්‍ය සේවාවක් සහතික කිරීම වෙනුවෙන් යාපනය රෝහල නුදුරේදීම ජාතික රෝහලක් බවට පත් කිරීමට කටයුතු කරන බවත් දකුණු පළාත තුළ පැවති දීර්ඝකාලීන අවශ්‍යතාවයක් ඉටු කරමින් කරාපිටිය රෝහල ජාතික රෝහලක් බවට පත් කිරීමට අදාළ කැබිනට් අනුමැතිය හිමිවී ඇති බවද ජනාධිපතිවරයා සඳහන් කළේය.

ජනපතිවරයා යාපනය විශ්වවිද්‍යාලයේ වෛද්‍ය පීඨයේ ඉදිකළ සායනික පුහුණු සහ පර්යේෂණ අංශ ගොඩනැගිල්ල විවෘත කිරීමේ අවස්ථාවට අද (24) පෙරවරුවේ මේ බව පැවසීය.

මේ අතර “උරුමය ”  වැඩසටහන යටතේ යාපනය දිස්ත්‍රික්කයේ ප්‍රාදේශීය ලේකම් කාර්යාල 15ම ආවරණය වන පරිදි සින්නක්කර ඔප්පු 1,286ක් ජනාධිපති රනිල් වික්‍රමසිංහ මහතා අතින් ජනතාවට ලබාදීම අද යාපනයේදී සිදුකෙරිණි.

එමෙන්ම උතුරු පළාතට අයත් මුලතිව්, කිලිනොච්චිය, වවුනියාව හා මන්නාරම දිස්ත්‍රික්කවලට අදාළව “උරුමය” වැඩසටහන යටතේ සින්නක්කර ඔප්පු 13,858ක් ඉදිරියේදී ලබා දීමට නියමිතව තිබේ.


Continue Reading

පුවත්

පැපුවා නිව් ගිනියාවේ දරුණු  නායයාමක්

Published

on

By

පැපුවා නිව් ගිනියාවේ දුෂ්කර ගම්මාන හයකට බලපෑම් එල්ල කරමින් ඇති වූ නායයෑමෙන් ජීවිත රැසක් අහිමි වී ඇතැයි විදෙස් මාධ්‍ය වාර්තා කර තිබේ.

ඊයේ (23) සිදු වූ මෙම නායයෑමෙන් නිවාස 100කට වැඩි ගණනක් පස්වලින් සම්පූර්ණයෙන්ම යට වී ඇති බව විදෙස් වාර්තාවල දැක්වේ.

මෙහිදී සිදු වී ඇති ජීවිත හානි ගණන හෝ සුන්බුන් අතර කොපමණ පිරිසක් සිරවී ඇති ද යන්න නිශ්චිතවම තවමත් ප්‍රකාශ කළ නොහැකි බවද පැවසේ.

මෙම නායයෑම සිදු වූ  Enga නම් ප්‍රදේශයේ ආණ්ඩුකාරවරයා මාධ්‍යයට පවසා ඇත්තේ මෙය මීට පෙර සිදුනොවූ ස්වභාවික ව්‍යවසනයක් බවය.

එමෙන්ම පැපුවා නිව් ගිනියාවේ අග්‍රාමාත්‍ය James Marape පවසා ඇත්තේ, මළ සිරුරු ගොඩගැනීම සඳහා අවශ්‍ය සහන සේවා සැපයීමට සහ යටිතල පහසුකම් සඳහා අදාළ ස්ථානයට ආපදා නිලධාරීන් යොමු කර ඇති බවය.

Continue Reading

පුවත්

හලාවත ගොල්ෆ් පිටියක් හදන්න සැලසුම් කරයි

Published

on

By

හලාවත ගොල්ෆ් පිටියක් ඉදිකිරීමට සැලසුම් කරන බව කැබිනට් ප්‍රකාශක බන්දුල ගුණවර්ධන මහතා  නිවේදනය කළේය.

ඒ ඉරණවිල හා හලාවත ප්‍රදේශය සංචාරක කේන්ද්‍රස්ථානයක් ලෙස සංවර්ධනය කිරීමේ සමස්ත උපාය මාර්ගයේ කොටසක් ලෙස බවද ඔහු කීය.

මේවන විට ශ්‍රී ලංකාව තුළ දැනටමත් කොළඹ, මහනුවර සහ නුවරඑළියේ ගොල්ෆ් පිටි කිහිපයක් තිබේ.

සිදුරු 18කින් යුත් ගොල්ෆ් පිටි පහක් සහ සිදුරු 9කින් යුත් ‍ගොල්ෆ ක්‍රීඩාංගණ කිහිපයක් ද ශ්‍රී ලංකාව සතුවේ.

ගොල්ෆ් පිටියට අමතරව හලාවත සහ බිංගිරිය අතර සම්බන්ධක මාර්ගයක් ඉදිකෙරෙන අතර ඉන් අපනයන කලාපයක් පුළුල් කරන බව ද අමාත්‍ය ගුණවර්ධන මහතා පවසයි.

හලාවත – ඉරණවිල සංචාරක මධ්‍යස්ථානයේ සංවර්ධන කටයුතු බිංගිරිය ඒකාබද්ධ සංවර්ධන සැලැස්මට සම්බන්ධ කාර්ය සාධක බලකායක් මගින් අධීක්ෂණය කිරීමට නියමිත බවද පැවසේ.

Continue Reading
Advertisement

Trending

Copyright © 2023 Sri Lanka Mirror. All Rights Reserved