Connect with us

පුවත්

GMOA පළාත් මට්ටමෙන් දිගටම වර්ජනයේ

Published

on

හෙට (02) සිට දිවයින පුරා රජයේ රෝහල් ආවරණය කරමින් පළාත් මට්ටමින් පැය 24ක සංකේත වැඩ පෙළක් ආරම්භ කරන බව රජයේ වෛද්‍ය නිලධාරීන්ගේ සංගමය පවසයි.

රජයේ වෛද්‍ය නිලධාරීන්ගේ සංගමයේ ලේකම් වෛද්‍ය හරිත අලුත්ගේ මහතා අද (01) පැවති මාධ්‍ය හමුවකට එක්වෙමින් මේ බව පැවසීය.

මෙම සංකේත වැඩ වර්ජනය සඳහා හෙට (02) දිනයේ ඌව පළාතේ සියලුම රජයේ රෝහල්වල වෛද්‍යවරුන් එක්වන බව ඒ මහතා පැවසීය. 

ඉන් අනතුරුව එළඹෙන 03දා උතුරු පළාතේත්, 06දා වයඹ පළාතේත්, 07දා සබරගමුව පළාතේත් සියලුම රජයේ රෝහල්වල මෙම වැඩ වර්ජනය ක්‍රියාත්මක වනු ඇතැයි එම සංගමය පවසයි.

එමෙන්ම 08දා මධ්‍යම පළාතේ සහ නැගෙනහිර පළාතේත්, 09දා දකුණු පළාතේ සහ උතුරු මැද පළාතේ සියලුම රජයේ රෝහල්වල වෛද්‍යවරු මෙම වැඩවර්ජනයට එක්වීමට නියමිතය.

රජයේ වෛද්‍ය නිලධාරීන් පවසන්නේ 10දා බස්නාහිර පළාතේ රජයේ රෝහල්වල වෛද්‍යවරු මෙම වැඩ වර්ජනයට එක්වීමට නියමිත බවය.

අදාල දිනයේ පෙ.ව. 8.00ට ඇරඹෙන මෙම සංකේත වැඩ වර්ජන පසුදින පෙ.ව. 8.00 දක්වා ක්‍රියාත්මක වීමට නියමිතයි.

කෙසේ වෙතත්, මාතෘ, පිළිකා, ළමා හා වකුගඩු රෝග රෝහල්වල මෙන්ම ත්‍රිවිධ හමුදා රෝහල්වල කටයුතුවලට මෙම වෘත්තීය සමිති ක්‍රියාමාර්ගය බලනොපාන බව රජයේ වෛද්‍ය නිලධාරීන්ගේ සංගමය කියා සිටියි.

පුවත්

පළාත් පාලන ආයතන විශේෂ විධිවිධාන පනත් කෙටුම්පත විශේෂ බහුතර ඡන්දයෙන් සම්මතයි

Published

on

By

පළාත් පාලන ආයතන ඡන්ද විමසීම් (විශේෂ විධිවිධාන) පනත් කෙටුම්පත දෙවනවර කියවීම අද (17) පාර්ලිමේන්තුවේදී විශේෂ බහුතර ඡන්දයෙන් සම්මත විය.

එහිදී පනත් කෙටුම්පතට පක්ෂව ඡන්ද 187ක් ලැබුණු අතර විරුද්ධව කිසිදු ඡන්දයක් භාවිත කර නොතිබීම මෙහිදී දක්නට ලැබුණු විශේෂ සිදුවීමකි.

Continue Reading

පුවත්

අධික රස්නය ගැන අවවාදාත්මක නිවේදනයක්!

Published

on

By

උණුසුම් කාලගුණ තත්ත්වය පිළිබඳ අවවාදාත්මක නිවේදනයක් කාලගුණවිද්‍යා දෙපාර්තමේන්තුව විසින් නිකුත් කර තිබේ.

අද (17) ප.ව 4:00 නිකුත්කළ එම නිවේදනය හෙට (18) දිනය සඳහා වලංගු වන පරිදි කාලගුණ විද්‍යා දෙපාර්තමේන්තුව විසින් නිකුත් කර ඇත.

ඒ අනුව උතුරු, උතුරු මැද, වයඹ, බස්නාහිර සහ දකුණු පළාත් සහ රත්නපුර දිස්ත්‍රික්කයේ ඇතැම් ස්ථානවල උණුසුම් දර්ශකය, එනම් මිනිස් සිරුරට දැනෙන උණුසුම “අවධානය යොමුකළ යුතු” මට්ටමක පවතියි යැයි අපේක්ෂා කෙරේ.

මෙම තත්ත්වය තුළ ප්‍රමාණවත් පරිදි ජලය පානය කිරීම, හැකිතාක් සෙවන ඇති ස්ථානවල රැඳී සිටීම සිදුකළ යුතු අතර කුඩා ළමුන්, වැඩිහිටි හා රෝගී පුද්ගලයින් සම්බන්ධයෙන් විශේෂ අවධානය යොමු කළ යුතු බව කාලගුණවිද්‍යා දෙපාර්තමේන්තුව ජනතාවට දැනුම්දෙයි.

Continue Reading

පුවත්

“රට අනුරට” නෙවෙයි, රට IMF එකට ගිය වගනම් පේනවා – විපක්ෂ නායක 

Published

on

By

අයවැයෙන් “රට අනුරට” නොව රට අයි එම් එෆ් එකට ගිය වගනම් පෙනෙන්නට ඇතැයි විපක්ෂ නායක සජිත් ප්‍රේමදාස මහතා කියයි.

අද ඉදිරිපත් කළ අයවැය කතාව සහ එදා ජනාධිපතිවරණ වේදිකාවේ ඉදිරිපත් කළ පොහොසත් රටක් ලස්සන ජීවිතයක් කියන ප්‍රතිපත්ති මාලාව සංසදනය කළ යුතු බවත්, මේ තුළ අඩංගු පොරොන්දු මේ අයවැයේ කොපමණ ක්‍රියාත්මක කර ඇත්ද කියා සොයා බැලිය යුතු බවත් විපක්ෂ නායකවරයා අයවැය සම්බන්ධයෙන් මාධ්‍ය වෙත අදහස් දක්වමින් පැවසීය.

මේ අයවැයට අනුව ප්‍රාථමික ශේෂය 2.5ක් නඩත්තු කළ යුතු බවත්, ප්‍රාථමික වියදම් දළ දේශීය නිෂ්පාදනයේ වියදමක් ලෙස 13%ක් කළ යුතු බවත්, 2024 රාජ්‍ය මූල්‍ය කළමනාකරන පනතේ ඇති 13%ක සීමාව අයි එම් එෆ් න්‍යාය පත්‍රයක් බවත් බවත් ඔහු කීය.

ප්‍රාථමික ශේෂය 2.5ක් පවත්වාගෙන යාම අයි එම් එෆ් නිර්දේශයක් බවත්, පැහැදිලිවම ඉතාමත්ම සීමාසහිත සම්පත් ප්‍රමාණයක් ආයෝජනය වෙනුවෙන් වෙන් කර ඇති බවත් විපක්ෂ නායකවරයා පැවසීය.

විසදුම් නැති අයවැයක්

මේ අයවැය තුළ ක්ෂුද්‍ර කුඩා මධ්‍ය පරිමාණ කර්මාන්තකරුවන්ගේ ණය උගුලට, දුප්පත්කම තුරන් කරන්න විසදුම් නොවන බවත්, ඉහළ ආර්ථික වර්ධනයක් ව්‍යවසායකත්වය හරහා නඩත්තු කිරීමක් මේ තුළින් සිදුනොවන බවත් ඔහු කියා සිටියේය.

වැවිලි කර්මාත්නය කෘෂිකර්මාතය හා ධීවර ක්ෂේත්‍රයට අදාළව දුන් පොරොන්දු ඉටු කරන්න නොහැකි වී ඇති බවත් විපක්ෂ නායකවරයා වැඩිදුරටත් පෙන්වා දුන්නේය.

ඔහු මෙසේද කීය.

Continue Reading
Advertisement

Trending

Copyright © 2023 Sri Lanka Mirror. All Rights Reserved