කුඩා ළමයින් 100ක් පමණ ජීවිතක්ෂයට පත්වීමත් සමග සිරප් සහ ඖෂධ දියර වර්ග තහනම් කිරීමට ඉන්දුනීසියාවේ පියවර ගෙන තිබේ.
මේ මෙම සිද්ධිය වාර්තා වන්නේ ගැම්බියාවේ ළමයින් 70 දෙනෙකු කැස්ස සඳහා ලබාදෙන සිරප් හේතුවෙන් මියගිය බවට වාර්තා වී සති කිහිපයකට පසුවයි.
ඉන්දුනීසියාවේ ළමා මරණ සම්බන්ධයෙන් ඉන්දුනීසියානු බලධාරීන් සිදුකළ පරීක්ෂණ වලදී හෙළිවී ඇත්තේ ඇතැම් සිරප් වර්ග වල වකුගඩුවලට දරුණු තුවාල ඇතිකරන රසායනික ද්‍රව්‍යයක් අඩංගු බවය.
එම ඖෂධ දේශීය නිෂ්පාදනයක්ද නැතහොත් විදේශීය නිෂ්පාදනයක්ද යන්න පිළිබඳව තවමත් හෙළිදරව් වී නැත.
මෙවැනි වකගඩු ගැටළු ඇති වී ඇති දරුවන් 200ක් පමණ ඉන්දුනීසියාවෙන් වාර්තා වී ඇති බවත්, ඉන් බහුතරයක වයස අවුරුදු 5ට අඩු බවත් විදෙස් වාර්තා සඳහන් කරයි.
