Connect with us

පුවත්

Mr.කොත්තුට එරෙහිව මහරගම පොලිසියට පැමිණිල්ලක්

Published

on

කෝට්ටේ මහ නගර සභාවේ ශ්‍රී ලංකා පොදුජන පෙරමුණේ (පොහොට්ටුව) හිටපු මන්ත්‍රීවරයකු වන ව්‍යාපාරික විරාජ් වික්‍රමනායක (Mr.කොත්තු) විසින් තමාට එරෙහිව ව්‍යාජ පැමිණිල්ලක් කර අපහසුතාවයට පත් කළ බව කියමින් සමාජ  ක්‍රියාකාරියකු බව පැවසෙන විමුක්ති රණසිංහ නැමැත්තා විසින් මහරගම පොලිසියට ඊයේ (13) පැමිණිල්ලක් කර තිබේ.

විරාජ් වික්‍රමනායක (Mr.කොත්තු) බොරු රඟපෑමක් සිදුකරමින් තමන් විසින් රුපියල් ලක්ෂ 5ක කප්පමක් ඉල්ලූ බවට සඳහන් කරමින් පොලිසියට බොරු පැමිණිල්ලක් කර තමාව පොලිස් අත්අඩංගුවට පත්කර අපහසුතාවයට පත් කළ බව කියමින් විමුක්ති රණසිංහ මේ පැමිණිල්ල කර තිබේ.

පැමිණිලි රිසිට්පත පහත දැක්වේ.

විමුක්ති සිය පැමිණිල්ල මගින් වැඩිදුරටත් පවසා ඇත්තේ විරාජ් නම් තැනැත්තාගේ දේශපාලනික ක්‍රියාකාරකම් වලට අදාලව යම් හෙලිදරව් කිරීමක් සමාජ මාධ්‍ය ඔස්සේ සිදු කළ බවයි.

ඉන් පසුව අගෝස්තු 11 දින සවස 4 ට පමණ විරාජ් නමැත්තා විමුක්ති පදිංචිව සිටින ග්‍රාමසේක වසම භාර ග්‍රාම නිලධාරියා සමඟ ඔහුගේ නිවසට පැමිණ අදාල සිදුවීම සමතයකට පත් කරගත් බවයි.

කෙසේවුවද, එසේ සිද්ධිය සමතයකට පත්කරගෙන සුළු වෙලාවකට පසුව විරාජ් නමැත්තා විමුක්තිට දුරකතන ඇමතුමක් ලබාදෙමින් “අනේ මල්ලි සල්ලි දෙන්නම් අයින් කරන්න” යැයි කියමින් ඔහුට කිසිවක් ප්‍රකාශ කිරීමට අවස්ථාවක් ලබා නොදී එම දුරකථන ඇමතුම තප්පර 23 කදී විසන්ධි කළ බවයි.

පසුව ඉකුත් 12 වැනිදා දහවල් සිය නිවසේදී මහරගම පොලිසිය මගින් තමාව අත් අඩංගුවට ගෙන සාපරාධී , කප්පම් ඉල්ලීම යන චෝදනා මත ඊයේ (13) අධිකරණයට ඉදිරිපත් ‍‍‍‍කළ බවත්, පසුව සිය නීතීඥයින් විසින් අධිකරණයේදී මෙය ව්‍යාජ පැමිණිල්ලක් බව දක්වමින් තමන්ට ඇප ලබාගත් බවයි.

මේ අතර, පසුගිය 10 වැනිදා ජාතික රූපවාහිනිිියේ නුග සෙවණ වැඩසටහන ඔස්සේ සේරාජ් වික්‍රමනායකගේ (Mr.කොත්තු) නිවසට ගොස් පැය 2ක සජීව වැඩසටහනක් කර තිබිණි.

සිද්ධියට අදාළව සාමාජ මාධ්‍යයේ පළව තිබූ සටහන් කිහිපයක් පහත දැක්වේ.

පුවත්

විදුලිය බිඳ වැටීම් ගැන දැනුම්දෙන්න

Published

on

By

අයහපත් කාලගුණයත් සමඟ දිවයින පුරා සිදුව ඇති විදුලිය බිඳවැටීම් ඉතා ඉක්මනින් දැනුම්දිය හැකි නව ක්‍රමවේදයක් ලංකා විදුලිබල මණ්ඩලය විසින් හඳුන්වා දී තිබේ.

ඒ, මීට පෙර විදුලිය බිඳ වැටීම් සම්බන්ධයෙන් දැනුම්දීමට තිබූ 1987 ක්ෂණික දුරකථන අංකයේ ඇතිව තිබෙන කාර්ය බහුලත්වය හේතුවෙන්.

ඒ අනුව, පහත ක්‍රමවේදයන් අනුගමනය ලෙස ලංකා විදුලිබල මණ්ඩලය පාරිභෝගිකයින්ගෙන් ඉල්ලා සිටී.

සබැඳි පුවත්:

දවස් 03ට ලක්ෂ 03කට කරන්ට් එක ගිහින්

Continue Reading

පුවත්

ගාල්ලට ජාතික රෝහලක්

Published

on

By

ගාල්ල ජාතික රෝහල ස්ථාපිත කිරීම සඳහා කැබිනට් අනුමැතිය ලැබී තිබේ.

ඒ අනුව කරාපිටිය ශික්ෂණ රෝහල මෙරට තෙවැනි ජාතික රෝහල බවට පත්කිරීමට අනුමැතිය ලැබී ඇත.

කරාපිටිය ශික්ෂණ රෝහල දකුණු පළාතෙහි සහ යාබද පළාත්වල රෝගීන් හට මාතෘ සත්කාර සේවා හැර තෘතීයක සේවා සපයන ප්‍රධානතම සෞඛ්‍ය මධ්‍යස්ථානයක් ලෙස ක්‍රියාත්මක වන අතර එකී පළාත්වල ප්‍රාථමික හා ද්විතීයක සෞඛ්‍ය සත්කාරක සේවා ආයතන මගින් විශේෂඥ සේවාවන් සඳහා මෙම රෝහල වෙත රෝගීන් යොමු කරනු ලබයි.

රුහුණු විශ්ව විද්‍යාලයේ වෛද්‍ය පීඨයේ සහ සම සෞඛ්‍ය විද්‍යා පීඨයේ ඉගැන්වීම් කටයුතු සඳහා කරාපිටිය ශික්ෂණ රෝහලේ මහාචාර්ය ඒකකය ස්ථාපිත කර ඇත.

මෙම වසර අවසන් වන විට රෝහලෙහි ඇඳන් ධාරිතාවය 2858ක් දක්වා වැඩි කිරීම මත එය කොළඹ ශ්‍රී ලංකා ජාතික රෝහලට පමණක් දෙවැනි වන තෘතීයක සේවා සෞඛ්‍ය මධ්‍යස්ථානයක් බවට පත්වනු ඇතැයි රජය කියයි.

ඒ අනුව කොළඹ ජාතික රෝහලට සහ මහනුවර ජාතික රෝහලට අමතරව කරාපිටිය ශික්ෂණ රෝහල ජාතික රෝහලක් ලෙස කාණ්ඩ ගත කරමින් ගාල්ල ජාතික රෝහල ලෙස නම් කිරීම පිණිස සෞඛ්‍ය අමාත්‍යවරයා ඉදිරිපත් කළ යෝජනාව අමාත්‍ය මණ්ඩලය විසින් අනුමත කර ඇත.

Continue Reading

පුවත්

කතට අතවර කළ සැරයන්ගේ වැඩ තහනම්

Published

on

By

බිංගිරිය පොලිස් ස්ථානයේ ආපනශාලාවක් තුළදී එහි ආපනශාලාවේ සේවය කළ කාන්තාවකට ලිංගික අතවර කළ බව කියන සැරයන්වරයාගේ වැඩ තහනම් කළ බව කුලියාපිටිය ජ්‍යෙෂ්ඨ පොලිස් අධිකාරී කාර්යාලය පවසයි.

මෙසේ වැඩ තහනමට ලක්කර ඇත්තේ, බිංගිරිය පොලිසියේ සේවයේ කළ පොලිස් සැරයන්වරයෙකි.

බිංගිරිය පොලිස් ස්ථානයේ ආපනශාලාව පවත්වාගෙන ගිය වීරපොකුණ ප්‍රදේශයේ කාන්තාවකට ලිංගික අතරවර කළ බවට පොලිස්පතිවරයාට යොමු කළ පෙත්සමකට අනුව එහි විමර්ශන කටයුතු සිදුකරන ලෙස කුලියාපිටිය ජ්‍යෙෂ්ඨ පොලිස් අධිකාරිවරයාට පොලිස්පති විසින් නියෝග කරන ලදී.

ඒ අනුව, බිංගිරිය පොලිසියේ ස්ථානාධිපතිවරයාගේ ප්‍රධානත්වයෙන් ඒ පිළිබඳ විමර්ශනයක් සිදුකර සැකකාර සැරයන්වරයා අත්අඩංගුවට ගෙන හෙට්ටිපොළ මහේස්ත්‍රාත් අධිකරණයට ඉදිරිපත් කිරීම සිදුවිය.

කෙසේ වෙතත්, එම සැරයන්වරයා විසින් සිදුකරන ලද විෂමාචාර ක්‍රියාව හේතුවෙන් ඔහුගේ වැඩතහනම් කරන ලෙස ජ්‍යෙෂ්ඨ පොලිස් අධිකාරීවරයා විසින් දැනුම් දී ඇත.

Continue Reading
Advertisement

Trending

Copyright © 2023 Sri Lanka Mirror. All Rights Reserved