මිනුවන්ගොඩ නගරයේ පිහිටි රූපලාවණ්‍යාගාරයකදී කාන්තාවකගේ හිස කෙස් සකස් කිරීම සඳහා ගල්වන ලද ආලේපනයක් හේතුවෙන් එම කාන්තාවගේ හිස කෙස් ගැලවී යාමේ සිද්ධිය සම්බන්ධයෙන් අධිකරණය හා පොලිසිය මගහැර සිටි රූපලාවණ්‍යාගාරයේ සේවිකායක ලබන 18 වැනි දා තෙක් රිමාන්ඩ් බාරයේ තබන්නැයි මිනුවන්ගොඩ මහේස්ත්‍රාත්  ලලනී එම්. බුලත්සිංහල මහත්මිය නියෝග කළාය.

සිද්ධිය සම්බන්ධයෙන් එක් සේවිකාවක පොලිසිය බාර වීමෙන් පසු අද දින අධිකරණයට ඉදිරිපත් කළ පසු එසේ රිමාන්ඩ් බාරයට පත්කරනු ලැබුවාය.

මෙසේ රක්ෂිත බන්ධනාගාර ගත කරනු ලැබුවේ මිනුවන්ගොඩ  පදිංචි සඳුනි හංසිකා පියුමාලි (22) නමැති එම රූපලාවන්‍ය ආයතනයේ සේවය කළ සේවිකාවක්ය.

එම රූපලාවන්‍යාගාරයේ හිමිකාරිය සහ සේවිකාවක තවමත් සැඟව සිටින බැවින් ඔවුන් හට විදේශගතවීම තහනම් කරන නියෝගයක් නිකුත් කරන ලෙසත් ඔවුන් දෙදෙනාගේ දුරකථන විශ්ලේෂණ වාර්තා ලබා ගැනීමට නියෝගයක් නිකුත් කරන ලෙසත් එහිදී ඉල්ලා සිටියේය .

ඒ අනුව එම කරුණු සැලකිල්ලට ගත් වැඩ බලන මහේස්ත්‍රාත්වරිය රූපලාවන්‍යාගාරයේ හිමිකාරියට සහ අනෙක් සේවිකාවට විදේශ ගතවීම තහනම් කරමින් නියෝග නිකුත් කළ අතර ඊට අමතරව ඔවුන්ගේ දෙදෙනාගේ දුරකථන විශ්ලේෂණ වාර්තා ලබා ගැනීමට හා ඡායාරූප ජන මාධ්‍ය ඔස්සේ පළ කරන ලෙසට පොලිසියට නියෝග කෙරිණ .

මෙම අවස්ථාවේදී අගතියට පත් පැමිණිලිකාර කාන්තාව වෙනුවෙන් පෙනී සිටි නීතිඥවරුන් වන රංජිත් දිසානායක සහ අෂාන් ලක්මාල් මහත්වරුන් මෙම රූපලාවණ්‍යාගාරය තුළ දී පැමිණිලිකාර කාන්තාවගේ හිස කෙස් සැකසීම සඳහා ගල්වන ලද ආලේපන සහ අනෙකුත් ද්‍රව්‍ය රජයේ රස පරීක්ෂකවරයාට යොමු කර වාර්තාවක් කැඳවන ලෙස නියෝගයක් ලබා දෙන ලෙසද අධිකරණයෙන් ඉල්ලා සිටියේය .

රුපියල් කෝටි 29,000ක භාණ්ඩාගාර බැඳුම්කර වෙන්දේසියක් 18 වෙනිදා බදාදා සිදු කරනු ලබන බව ශ්‍රී ලංකා මහ බැංකුව පවසයි.

පසුගිය 12 වෙනිදා පවත්වන ලද භාණ්ඩාගාර බැදුම්කර නිකුතුවේදී 2028 පෙබරවාරි 15 දින කල්පිරීම සඳහා රුපියල් කෝටි 10,000ක් වෙනුවෙන් ලංසු රුපියල් කෝටි 17875.1ක් ලැබී තිබුණු අතර 2029 ජූනි 15 දින කල්පිරීම වෙනුවෙන් වූ කෝටි 150,000 වෙනුවෙන් ලංසු රුපියල් කෝටි 34568.7ක් ලැබී තිබුණි. 2034 වසරේ සැප්තැම්බර් 15 දින කල්පිරීම වෙනුවෙන් වූ කෝටි 4000ක් වෙනුවෙන් රුපියල් 8078ක් ලැබී තිබුණි.

2028 පෙබරවාරි 15 කල්පිරෙන බැඳුම්කර වෙනුවෙන් 10.75%ක පොලියක්ද 2028 ජූනි 15 දින කල්පිරෙන බැඳුම්කර වෙනුවෙන් 11.75ක පොලියක්ද ශ්‍රී ලංකා මහ බැංකුව විසින් නියම කර ඇත.

(සිළුමිණ)

භාරත ලක්ෂ්මන් ප්‍රේමචන්ද්‍ර ඝාතන නඩුවේ 17 වැනි චෝදනාවෙන් හිටපු පාර්ලිමේන්තු මන්ත්‍රී ආර්. දුමින්ද සිල්වා හා චමින්ද රවී ජයනාත් ඇතුළු විත්තිකරුවන් සියලුදෙනා නිදොස් කොට නිදහස් කර ඇතැයි කොළඹ මහාධිකරණ විනිසුරු සුජීව නිශ්ශංඛ මහතා විත්තිකරුවන්ට දැනුම් දුන්නේ ය.

17 වැනි චෝදනාව ගොනුකර තිබුණේ, නීතිවිරෝධී T56 ගිනි අවියක් සන්තකයේ තබා ගැනීම, ඒ සඳහා ආධාර අනුබල දීම හා කුමන්ත්‍රණය සම්බන්ධයෙනි.

2018 ඔක්තෝබර් 11 වැනිදා නිකුත් කළ ශ්‍රේෂ්ඨාධිකරණ තීන්දුව අනුව, මහාධිකරණය විසින් ආර්.දුමින්ද සිල්වා මහතා ඇතුළු විත්තිකරුවන්ට 2016 වසරේ සැප්තැම්බර් 08 වැනිදා අදාළ චෝදනාවට නියම කළ ජීවිතාන්තය දක්වා වූ සිර දඬුවම බල ශුන්‍ය වන බව, විනිසුරුවරයා පැහැදිලි කළේ ය.

වැලිකඩ බන්ධනාගාර රෝහලේ ප්‍රතිකාර ලබන ආර්.දුමින්ද සිල්වා මහතා, අධිකරණයට ඉදිරිපත් කළේ නැත.

එහෙත්, බන්ධනාගාර නිලධාරීන් ඔහුගේ රෝගී තත්ත්වය පිළිබඳව අධිකරණයට වෛද්‍ය වාර්තාවක් ඉදිරිපත් කරන ලදි.

ශ්‍රේෂ්ඨාධිකරණ තීන්දුව විත්තිකාර ආර්.දුමින්ද සිල්වා මහතාට දැනුම් දෙන ලෙස කරුණු සළකා බැලූ විනිසුරුවරයා නියෝග කළේ ය.