Connect with us

පුවත්

Onmax DT ටීම් එක එළියේ ඉන්න ඩීල් එක; සල්ලි ජෝර්ජියාවේ ගිනුමකට මාරුකරලා

Published

on

ඇමරිකානු ඩ‌ොලර් කෝටි 10කට ආසන්න මුදලක් පිරමීඩාකාර ගනුදෙනුවල යෙදවූ  බවට චෝද​නා එල්ලවී ඇමෙරිකාවේ පිහිටි මූල්‍ය සමාගමක ගිණුම් 08ක් අත්හිටුවන ලෙස දන්වමින් කොළඹ ප්‍රධාන මහේස්ත්‍රාත් ප්‍රසන්න අල්විස් මහතා නියෝග නිකුත් කරන ලද ‘ඔන්මැක්ස් DT’ (Onmax DT) ආයතනය තවමත් එහි ප්‍රචාරක කටයුතු සිදුකරමින් සිටී.

ලංකාවේ ලියාපදිංචි කර​න ලද මේ ආයතනය වැඩිදුරටත් ප්‍රචාරය කරමින් සිටින්​නේ ඔවුන් තවමත් එහි මුදල් ආයෝජනය කළ පිරිසට නොකඩවා මුදල් ගෙවන බවයි.

ඔවුන් මේ ජාවාරමේ ප්‍රචාරක කටයුතු සදහා මුලින් යොදාගත් මාධ්‍ය වන සමාජ මාධ්‍යම යොදා ගනිමින් මේ ප්‍රචාරක කටයුතු සිදුකරමින් සිටී.

එසේ​ම අදාළ ප්‍රචාරක කටයුතු හේතුවෙන් මේ වන විට මෙරට අධිකරණ පද්ධතිය හා මහ බැංකුවද, හෑල්ලුවට ලක්වී ඇත.

‘ඔන්මැක්ස් DT’ (Onmax DT) එසේ සමාජ මාධ්‍යට මුදාහැර ඇති ප්‍රචාරක සටහනක්

මේ ආයතනය ඇතුළු තවත් ආයතන තුනක් සම්බන්ධයෙන් මහ බැංකුව විසින් පරීක්ෂණයක් සිදු කර ඉන් අනතුරුව එහි අධ්‍යක්ෂවරු, ප්‍රවර්ධකයන් හා නිර්මාතෘවරුන් බැංකු පනතේ 83 ඇ වගන්තියට පටහැනි ලෙස ක්‍රියා කර තිබීම නිසා මොවුන්ට එරෙහිව මහ බැංකුව විසින් නඩු පැවරීම සිදුකර තිබිණි.

මහ බැංකුව විසින් එලෙස නඩු පවරනු ලැබුවේ ප්‍රසිද්ධ නිවේදනයක්ද ජනමාධ්‍ය හරහා මුදාහරිමිනි.

මහ බැංකුව නිකුත් කරන ලද නිවේදනය

ශ්‍රී ලංකා මහ බැංකුවේ මුල්‍ය බුද්ධි ඒකකයේ අධ්‍යක්ෂවරයා සඳහන් කළ අන්දමට ඇමෙරිකාවේ මූල්‍ය ආයතනයකට මෙරටින් නියෝගයක් නිකුත් කළ පළමු අවස්ථාව මෙය බව අපරාධ පරීක්ෂණ දෙපාර්තමේන්තුව මෙහිදී අධිකරණයට දැනුම් දුන්නේය.

ඇමෙරිකාවේ  ‘බයිනෑන්ස් ඩොට්කොම්’ මුල්‍ය සමාගමේ ගිණුම් අටක අත්‍යන්ත මුදල් මුදල් (Crypto Currency) වශයෙන් රුපියල් කෝටි 43කට අධික මුදලක්  තැන්පත් වී ඇති බවට මෙම විමර්ශනයේ දී හෙළිවූ අතර, ඒ අනුව  එම ගිණුම් අටේ ගනුදෙනු ඊයේ (19) සිට මාස හයක කාලයක් අත්හිටු වීම සඳහා නියෝගයක් නිකුත් කරන්නැයි අපරාධ පරීක්ෂණ දෙපාර්තමේන්තුව කළ ඉල්ලීමක් සැලකිල්ලට ගත් මහේස්ත්‍රාත්වරයා එලෙස නියෝග කළේය. 

ඒ අනුව මෙලෙස අත්හිටු වූ ගිණුම් අට වන්නේ, ඔන්මැක්ස් ඩීටී පුද්ගලික සමාගම (ශ්‍රී ලංකාව), ඔන්මැක්ස් පී.ටී. වයි.එල්.ටී.ඩී. සමාගම (ඔස්ට්‍රේලියාව), ශ්‍රී ලාංකිකයින් වන ධනංජය ගයාන්, සම්පත් සඳරුවන් ලේනදූවගේ, සාරංග රන්දික ජයතිස්ස (ගිණුම් දෙකක්), වික්‍රමපේලි ගෙදර චන්ද්‍රකාන්ති සහ කහදව ආරච්චිගේ අතුල ඉන්දික සම්පත් යන අයවලුන්ගේ නමින් පිහිටුවා ඇති ගිණුම්ය.

මෙම ගිණුම් හිමි අය අතර, මෙරට පිහිටි ‘ඔන්මැක්ස් ඩීටී’ පුද්ගලික සමාගමේ අධ්‍යක්ෂවරුන් සිවු දෙනකු වන සම්පත් සඳරුවන්, කහදව ආරච්චිගේ අතුල ඉන්දික සම්පත්, සාරංග රන්දික ජයතිස්ස සහ ධනංජය ගයාන් යන අයවලුන් ද ඇතුළතව සිටිති.

එම පුද්ගලයන් සිවු දෙනා ඇතුළු එම සමාගමේ අධ්‍යක්ෂවරුන් හය දෙනකුගේ විදෙස් ගමන් තහනම් කිරීමේ නියෝගයක් ද අධිකරණයෙන් ඉකුත්දා නිකුත් කෙරිණි. 

මෙම ඔන්මැක්ස් පුද්ගලික සමාගමේ  ගිණුම් දෙකක් සම්බන්ධයෙන් පුද්ගලයන් දෙදෙනකුගෙන් ප්‍රකාශ සටහන් කර ගත් බව අපරාධ පරීක්ෂණ දෙපාර්තමේන්තුව අධිකරණයට දැනුම් දුන්නේය. 

එම ගිණුම් සම්බන්ධයෙන් පරීක්ෂා කර බැලීම සඳහා එම පුද්ගලයන් දෙදෙනාගේ ජංගම දුරකතන, පරිගණක හදිසි ප්‍රතිචාර සංසදයට ඉදිරිපත් කිරීම සඳහා නියෝගයක් ලබා දෙන ලෙස ද අපරාධ පරීක්ෂණ දෙපාර්තමේන්තුව අධිකරණයෙන් ඉල්ලීය.  

ඒ අනුව මහේස්ත්‍රාත්වරයා එම නියෝගය දුන්නේය.

‘ඔන්මැක්ස් ඩීටී’ පුද්ගලික සමාගම මෙරට ගනුදෙනු සඳහා යොදා ගත් ලංකා බැංකුව, සෙන්ට්‍රල් ෆිනෑන්ස්, නේෂන් ට්‍රස්ට්, සෙලාන් බැංකුව සහ පීපල්ස් ට්‍රස්ට් යන බැංකු හා මුල්‍යායතනවල අදාළ සමාගම නමින් තිබූ බැංකු ගිණුම් 57 ක් ද අත්හිටු වීමට ඉකුත් 28 වැනිදා අධිකරණයෙන් නියෝග නිකුත් කෙරිණි.

​ඒ ශ්‍රී ලංකා මහ බැංකුවේ මුල්‍ය බුද්ධි ඒකකයේ අධ්‍යක්ෂවරයා විසින්  කරන ලද පැමිණිල්ලකට අනුවය.

මෙම සිද්ධිය සම්බන්ධයෙන් අධිකරණයට කරුණු වාර්තා කරනු ලැබුවේ අපරාධ පරීක්ෂණ දෙපාර්තමේන්තුවේ මුල්‍ය වාණිජ අපරාධ විමර්ශන ඒකකය විසිනි.

 ‘ඔන්මැක්ස් ඩීටී’ පුද්ගලික සමාගම ලෙසින් සමාගමක් ලියාපදිංචි කරමින් එම සමාගම හරහා නීති විරෝධී පිරමීඩාකාර ගනුදෙනු කරමින් අතත්‍ය මුදල් වොලට්ටුවල (Crypto Currency Wallent) ඇමරිකානු ඩොලර් කෝටි 10කට අධික මුදලක් ගනුදෙනු කර ඇති බව අපරාධ පරීක්ෂණ දෙපාර්තමේන්තුව අධිකරණයට දැනුම් දී තිබිණි.  

බැංකු පනතේ 83 අ (1) වගන්තියට අනුව සහ 2011 අංක 40 දරන පනතේ 2006 අංක 5 මුදල් විශුද්ධිකරණය වැළැක්වීමේ පනතේ 3 වන වගන්තියට අනුව මෙම අයවලුන් සිදුකර ඇත්තේ දඬුවම් ලැබිය හැකි වරදක් බවට ද අපරාධ පරීක්ෂණ දෙපාර්තමේන්තුව අධිකරණයට කරුණු වාර්තා කර ඇත.

අධ්‍යක්ෂවරු ඇයි නිදැල්​ලේ

මේ අතර, මෙහි අධ්‍යක්ෂවරුන් ලෙස කටයුතු කරනු ලබන පුද්ගලයින් තවමත් නිදැල්ලේ සිටීම අති භයානක එම පිරමීඩ ගනුදෙනු වල මුදල් යෙදවූ අය කියති.

එසේ​ම මෙහි මුදල් ආයෝජනය කළ ඇතැම් අයට තවමත් මුදල් ලැබෙන්නේ මෙහි අධ්‍යක්ෂවරුන් විසින් අදාළ මුදල් ජෝර්ජියාවේ ගිනුමක් වෙත මාරු කර තිබීම නිසා බවත් රහස් පොලිස් ආරංචි මාර්ගවලින් වාර්තා වේ.

තවත් තොරතුරු ඉදිරියේදී…

සබැදි පුවත්:

නාමල්ගේ කී Onmax DT ඇතුළු පිරමීඩ ජාවාරම් 3කට අපරාධ නඩු!

පුවත්

පොසොන් උත්සවයට විශේෂ ප්‍රවාහන පහසුකම්

Published

on

By

පොසොන්  සමයේ අනුරාධපුරයට හා මිහින්තලයට පැමිණෙන සැදැහැවතුන් වෙනුවෙන් විශේෂ ලංගම බස්රථ සේවාවක් ක්‍රියාත්මක කරන බව අමාත්‍ය ආචාර්ය බන්දුල ගුණවර්ධන මහතා පවසයි.

අමාත්‍යවරයා වැඩිදුරටත් පවසා සිටියේ, උතුරු දුම්රිය මාර්ගයේ ප්‍රතිසංස්කරණ පොසොන් පොහොයට පෙර නිම කිරීමට නොහැකි බැවින් මෙම පියවර ගන්නා බවයි.

හෝමාගම,   පිටිපන පාසල් හන්දියේ සිට සිංහ අරන දක්වා මාර්ගය කාපට් අතුරා සංවර්ධනය කිරීම ආරම්භ කෙරුණේ අමාත්‍ය බන්දුල ගුණවර්ධන මහතාගේ ප්‍රධානත්වයෙනි.

මීටර් 800ක දුරක් මාර්ගය සංවර්ධනය කෙරෙන අතර ඒ සදහා වෙන් කෙරෙන මුදල රුපියල් මිලියන 13කි.

Continue Reading

පුවත්

උතුරු දුම්රිය මාර්ගයේ සංවර්ධන කටයුතු නිමවීමට තව කල් යයි

Published

on

By

උතුරු දුම්රිය මාර්ගයේ සංවර්ධන කටයුතු එළඹෙන පොසොන් පොහොයට පෙර නිම කිරීමට හැකියාවක් නොමැති බව කැබිනට් මාධ්‍ය ප්‍රකාශක ප්‍රවාහන අමාත්‍ය බන්දුල ගුණවර්ධන මහතා පවසයි.

අද (28) පැවැති කැබිනට් තීරණ දැනුම්දීමේ මාධ්‍ය හමුවේදී මාධ්‍යවේදියෙකු විසින් යොමුකළ ප්‍රශ්නයකට පිළිතුරු දෙමින් අමාත්‍යවරයා ඒ බව සඳහන් කළේය.

අමාත්‍යවරයා මෙහිදී පවසා සිටියේ, උතුරු දුම්රිය මාර්ගයේ සංවර්ධන කටයුතු අගෝස්තු මාසය වනවිට නිමකළ හැකි බවය.

Continue Reading

පුවත්

වතු ගැන ජනපති ගෙනා විශේෂ යෝජනාවට අනුමැතිය

Published

on

By

ශ්‍රී ලංකා රාජ්‍ය වැවිලි සංස්ථාව, ජනතා වතු සංවර්ධන මණ්ඩලය සහ සීමාසහිත ඇල්කඩුව වැවිලි සමාගම යන ආයතනවලට අදාළ හිඟ ව්‍යවස්ථාපිත දීමනා ගෙවීම සඳහා අවශ්‍ය අරමුදල් මහා භාණ්ඩාගාරය වෙතින් සලසා දීමට අමාත්‍ය මණ්ඩල අනුමැතිය හිමිව තිබේ.

ජනාධිපතිවරයා විසින් අදාළ යෝජනාව අමාත්‍ය මණ්ඩලයට ඉදිරිපත් කරන ලදී.

ඒ අනුව අදාළ හිඟ ව්‍යවස්ථාපිත දීමනා නිරවුල් කිරීමෙන් පසුව 1958 අංක 15 දරන සේවක අර්ථසාධක අරමුදලට අනුව ආයතනයන් විසින් ගෙවිය යුතු අධිභාර මුදල්වලින් අඩුකළ හැකි උපරිම ප්‍රමාණය අඩුකිරීමට කම්කරු කොමසාරිස් ජනරාල්වරයාට උපදෙස්දීමට ජනාධිපතිවරයා සිය යෝජනාව මගින් කරුණු ඉදිරිපත් කර තිබේ.

Continue Reading
Advertisement

Trending

Copyright © 2023 Sri Lanka Mirror. All Rights Reserved