Connect with us

පුවත්

PMගේ මීටිමේ සද්දෙ දැමූ ආණ්ඩුපක්ෂ මන්ත්‍රීලා ‌කෙහෙළියට හරහට හිටියි?

Published

on

ඉකුත් සතියේ ආණ්ඩු පක්ෂ පාර්ලිමේන්තු කණ්ඩායම් රැස්වීමේදී ඉදිරි අයවැයේදී අමාත්‍යංශ තුනක වැය ශීර්ෂ පරාජය කිරීමට ඡන්දය භාවිත කරන බවට පැවසූ මන්ත්‍රී නඩේ සෞඛ්‍ය ඇමති ‌කෙහෙළිය රඹුක්වැල්ල මහතාගේ විශ්වාස භංගයට පක්ෂව කටයුතු කරයිද යන සැකයක් ආණ්ඩුව තුළ මතුව ඇතැයි වාර්තා වේ.

ජනාධිපතිවරයා සිංගප්පූරුවට ගොස් සිටි බැවින් එම රැස්වීම පවත්වා තිබුණේ අග්‍රාමාත්‍ය දිනේෂ් ගුණවර්ධන මහතාගේ ප්‍රධානත්වයෙනි.

එහිදී පසුපෙළ මන්ත්‍රීන් සහ රාජ්‍ය ඇමැතිවරුන් ගණනාවක් ආණ්ඩුවේ ප්‍රධාන පෙළේ අමාත්‍යංශ පහක් භාර අමාත්‍යවරුන්ට බරපතළ ලෙස චෝදනා එල්ල කර තිබිණි.

ඒම පිරිස මැති ඇමැතින් 12 දෙනෙක්, ජ්‍යෙෂ්ඨ අමාත්‍යවරුන් පස්දෙනකුට බරපතළ චෝදනා එල්ල එල්ල කර තබිණි.

මධුර විතානගේ, ජානක තිස්සකුට්ටිආරච්චි, ජයන්ත කැටගොඩ, උපුල් මහේන්ද්‍ර රාජපක්ෂ, සමන්ප්‍රිය හේරත්, සුමිත් උඩුකුඹුර, කුමාරසිරි රත්නායක, ජගත් සමරවික්‍රම, පියල් නිශාන්ත, මිලාන් ජයතිලක සහ ගීතා කුමාරසිංහ යන මහත්ම මහත්මීහු මෙලෙස චෝදනා නැගූ මැති ඇමැතිවරු අතර ඉදිරියෙන්ම සිටි අයවෙති.

අමාත්‍යංශ 5කට චෝදනා නැගූ ඔවුන් එයින් අමාත්‍යංශ 3 ක වැය ශීර්ෂ ඉදිරි අයවැයේදී පරාජය කරන බවට සපථ කර ඇත.

දේශීය හා විදේශීය රැකියා ලබාදීමේදී මන්ත්‍රීන් සඳහා කෝටාවක් වෙන්කර ඇති බැවින් ඊට අදාළ ලැයිස්තු ලබාගෙන එම ලැයිස්තුවල නම් සඳහන් එක් තැනැත්තකුට හෝ රැකියා ලබා නොදීම, අසාධාරණ ලෙස ඉඩම් බෙදා දීම, පාසල්වලට දරුවන් ඇතුළත් කිරීමේදී ආණ්ඩු පක්ෂයට වඩා විපක්ෂ මන්ත්‍රීන්ට ප්‍රමුඛතාව ලබාදීම, ප්‍රාදේශීය සංවර්ධන ව්‍යාපෘති සඳහා මුදල් වෙන් කිරීමේදී ආණ්ඩු පක්ෂ මන්ත්‍රීන්ගේ යෝජනා ගණන් නොගැනීම හා ප්‍රවාහන අමාත්‍යංශයේ ඇතැම් කටයුතු සම්බන්ධයෙන් මෙලෙස පසුපෙළ මන්ත්‍රීවරු අමාත්‍යවරුන් ගණනාවකට දැඩි ලෙස එහිදී ච‌ෝදනා කර ඇති බව පැවසේ.

මේ අතර, කුරුණෑගල දිස්ත්‍රික්කයේ ශ්‍රීලනිප මන්ත්‍රී දයාසිරි ජයසේකර සහ තවත් විපක්ෂ දේශපාලනඥයෙක් අධ්‍යාපන අමාත්‍යංශයේ ආශීර්වාදය මත පාසල්වලට දරුවන් ඇතුළත් කරන බවට ද චෝදනාවක් එල්ලවී ඇත.

මීළඟ ‌විශ්වාස භංගය ලංසාගේ ඇමතිකම දුන් නලින්ට

මේ කණ්ඩායම, දයාන් ලංසාග‌ේ ඇමතිකම ලබාදී ඇති වෙළඳ ඇමති නලින් ප්‍රනාන්දුගේ හැසිරීම සම්බන්ධයෙන්ද කළ කිරී ඇති බව පැවසේ.

ඔහු ලන්සා හා හිටපු ඇමති ජොන්ස්ටන්ගේ පදයට නටමින් අක්‍රමිකතා සිදු කරන බවට ද ආදාළ පසු පෙළ මන්ත්‍රීවරු අතර කතා බහක් ඇතැයි පැවසේ.

මේ අතර, සමගි ජනබලවේගය මීළඟ විශ්වාසභංගය ගෙනඒ්මට සැරසෙන්න‌ේ බඩ ඉරිඟු බදු අඩු නොකොට බිත්තර හා කුකුල්මස් ප්‍රශ්නය හත්පොලේ ගාගත් නලින් ප්‍රනාන්දු මහතාට එරෙහිව බවද වාර්තා වේ.

මෙම ප්‍රශ්න සියල්ල ජනාධිපතිවරයා හමුවේ පවත්වන විශේෂ රුස්වීමකදී සාකච්ඡා කළ යුතු බවද මෙසේ කලකිරී සිටින පිරිස් අගමැතිවරයාට යෝජනා කර ඇති බව වාර්තා වේ.

උද්ගතව ඇති තත්ත්වය හේතුවෙන් ඊයේ (28) පැවැති කැබිනට් මණ්ඩල රැස්වීමේදී කෙහෙළිය රඹුක්වැල්ල මහතාගේ විශ්වාසභංග යෝජනාව ගැනෙන ලබන පාර්ලිමේන්තු සතිය යෙදෙන සැප්තැම්බර් 5, 6, 7 සහ 8 යන දිනයන්හිදී විදේස්ගතවීම තහනම් කර තිබේ.

සබැඳි පුවත්
ජනපති මැති ඇමති මන්ත්‍රීලාට රටයාම තහනම් කරයි

පුවත්

හිටපු ජනපති හා ඉන්දීය මහ කොමසාරිස් අතර හමුවක්

Published

on

By

හිටපු ජනාධිපති මහින්ද රාජපක්ෂ මහතා සහ ශ්‍රී ලංකාවේ ඉන්දීය මහ කොමසාරිස් සන්තෝෂ් ජා මහතා අතර ඊයේ (22) හමුවක් සිදුව තිබේ.

ඒ, විජේරාම නිල නිවසේදීය.

වර්තමාන සමාජ දේශපාලන තත්ත්වයන් ගැන මෙන්ම පෞද්ගලික වශයෙන් අදහස් හුවමාරු කරගැනීම එහිදී සිදුව ඇති බව හිටපු ජනාධිපතිවරයාගේ මාධ්‍ය ඒකකය පවසයි.

සමීපතම අසල්වැසි රාජ්‍යන් ලෙසින් අප දෙරට අතර පවතින අන්‍යෝන්‍ය අවබෝධය මත විවිධ ක්ෂේත්‍රයන් ඔස්සේ ගොඩනැගුණු ගැඹුරු මිත්‍රත්වය මේ මොහොතේ තමන් ගෞරවයෙන් සිහිපත් කරන බවද මහින්ද රාජපක්ෂ මහතා විසින් මෙහිදී ප්‍රකාශ කර තිබේ.

Continue Reading

පුවත්

ඩෑන් ප්‍රියසාද්ගේ ඝාතනයට තිදෙනෙකු අත්අඩංගුවට

Published

on

By

සමාජ ක්‍රියාකාරී ඩෑන් ප්‍රියසාද් වෙඩි තබා ඝාතනය කිරීමේ සිද්ධියට සම්බන්ධ සැකකරුවන් තිදෙනෙකු අත්අඩංගුවට ගෙන තිබේ.

මේ අතර ඩෑන් ප්‍රියසාද් වෙඩි තබා ඝාතනය කිරීමේ සිද්ධිය විමර්ශනය කිරීම සඳහා පොලිස් කණ්ඩායම් 6ක් යොදවා ඇති බව වාර්තා වෙයි.

පොලීසිය සැකපළ කරන්නේ එම ඝාතනය සංවිධානාත්මක අපරාධ කල්ලි සාමාජිකයෙකු වන කන්ජිපානේ ඉම්රාන්ගේ පාර්ශවය විසින් සිදුකරන්නට ඇති බවය.

ඊයේ රාත්‍රී වැල්ලම්පිටිය ලක්සඳ සෙවණ මහල් නිවාස සංකීර්ණයේ උඩු මහලකදී සමාජ ක්‍රියාකාරී ඩෑන් ප්‍රියසාද්ට වෙඩිතැබීමක් සිදුකර තිබු‍ණි.

යතුරුපැදියකින් පැමිණි පුද්ගලයින් දෙදෙනෙකු වෙඩි තැබීම සිදුකර පලාගොස් ඇති බවයි පොලීසිය පැවසීය.

සාදයක් අතරතුර මෙම වෙඩි තැබීම සිදුව ඇති බවට පොලීසිය සිදුකළ මූලික විමර්ශනවලදී අනාවරණය වී ඇත.

පිස්තෝල වර්ගයේ ගිනිඅවියක් යොදා ගනමින් මෙම වෙඩි තැබීම සිදුකර ඇති  අතර වෙඩි වැදීමෙන් තුවාල ලැබූ ඩෑන් ප්‍රියසාද් කොළඹ ජාතික රෝහලට ඇතුළත් කෙරුණි.

වෙඩි ප්‍රහාර දෙකක් ඔහුගේ උරහිස ප්‍රදේශයට සහ තවත් වෙඩි ප්‍රහාර දෙකක් ඔහුගේ පපුව ප්‍රදේශයට එල්ල වී තිබූ බව රෝහල් ප්‍රකාශකයෙකු සඳහන් කළේය.

සබැඳි පුවත්

Continue Reading

පුවත්

හලාවත හදිසි ජලගැලීම් තත්ත්වයක්

Published

on

By

වර්ෂාවත් සමග හලාවත නගරයේ හදිසි ජලගැලීම් තත්ත්වයක් හට ගෙන තිබේ.

මේ නිසා හලාවත ආනන්ද ජාතික පාසල සහ හලාවත විජය විද්‍යාල තවකාලිකව වසා දමා ඇති බව වාර්තා වේ.

ජලගැලීම් තත්ත්වය හේතුවෙන් හලාවත නගරයේ ඇති මාර්ග රැසක් සහ නිවාස රැසක් ජයල යටවී ඇති බව සඳහන්ය.

හලාවත නගරයේ ඇති කාණු පද්ධතිය අවහිර වීම හේතුවෙන් මෙම ගංවතුර තත්ත්වය හට ගෙන අති බව ප්‍රදේශවාසීන් සඳහන් පවසයි. 

Continue Reading
Advertisement

Trending

Copyright © 2023 Sri Lanka Mirror. All Rights Reserved