පුවත්

SPC එක පසුගිය කාලේ අවුල් ගනුදෙනු 18ක් කරලා; නීතිමය පියවර ඉබිගමනේ

Published

4 months ago

January 21, 2025

editor

රාජ්‍ය ඖෂධ නීතිගත සංස්ථාව පසුගිය කාලයේදී ඖෂධ මිලදී ගැනීම්වලදී රජයේ අනුමත ප්‍රසම්පාදන නීතිරීති උල්ලංඝනය කරමින් ප්‍රශ්න සහගත ටෙන්ඩර් ගනුදෙනු 18කට ආසන්න ප්‍රමාණයක් සිදු කර ඇති බවත් ඒවා සම්බන්ධව මේ දක්වා නීතිමය පියවර ගැනීමට අසමත්ව ඇති බවත් විගණන වාර්තාකින් හෙළිව තිබේ.

Becacizab, Amisulpride, Prednisolone eye drop, Tropinine I, Bisoprolol, Calcium Gluconate, Triancinolone Lora Para tab, Prednisolone Tab, Cefotaxime iv, Cefuroxime iv, Furrosemide iv, යන ඖෂධ කාණ්ඩ මිලදී ඉගැනීමේ ක්‍රියාවලදී මේ අන්දමට බරපතළ මුල්‍ය ආක්‍රමිකතා සිදුවී ඇතැයි විගණන පරීක්ෂණවලදී හෙළිවී ඇත.

ප්‍රශ්න සහගත සමාගම්වලින් ඖෂධ මිලදී ගැනීම, අධික මිලකට ඖෂධ මිලදී ගැනීම, ලියාපදිංචි නොමැති සමාගම්වලින් ඖෂධ මිලදී ගැනීම, රජයේ ‍ප්‍රසම්පාදනයට අදාළ මූල්‍යමය රෙගුලාසි උල්ලංඝනය කිරීම, අසාදු ලේඛනගත කරන සමාගම්වලින් නියමිත අධිභාරයන් අයකර ගැනීමෙන් තොරව ප්‍රසම්පාදනයට යොමුවීම ඇතුළු කරුණු ගණනාවක් මත මෙම අක්‍රමිකතා සිදුවී ඇති බවද විගණන වාර්තාවේ දැක්වේ.

මෙම ප්‍රශ්න සහගත ටෙන්ඩර් ගනුදෙනු නිසා රජයට අහිමි වී ඇති මුදල රුපියල් මිලියන ගණනක් බවත් ඒවා අය කර ගැනීමට මේ දක්වා එම සංස්ථාවේ පරිපාලනය අසමත් වීම නිසා දිගින් දිගටම එම වැරදි සිදුව ඇති බවද විගණන පරීක්ෂණයේදී තහවුරු කරගෙන ඇත.

මූල්‍යමය වශයෙන් ගනුදෙනු නොකළ යුතු බවට තහවුරු කරන ලද සමාගමකට ටෙන්ඩරයක් ප්‍රධානය කිරීම සම්බන්ධයෙන් පරීක්ෂණයක් පවත්වන ලෙස වෘත්තිය හා සිවිල් සංවිධානද පසුගියදා අපරාධ පරීක්ෂණ දෙපාර්තමේන්තුවට පැමිණිල්ලක්ද ඉදිරිපත් කර තිබුණි.

පුවත්

හෙලිකොප්ටර් අනතුරෙන් මියගිය ගණන 6ක් දක්වා ඉහළට (UPDATE)

Published

51 minutes ago

May 9, 2025

editor

බෙල් 212 හෙලිකොප්ටර් අනතුරෙන් මියගිය ගණන 6ක් දක්වා ඉහළ ගොස් තිබේ.

එහිදී ගුවන් හමුදා හෙලිකොප්ටර් භටයින් දෙදෙනෙකු සහ හමුදා විශේෂ බළකායේ භටයින් 4 දෙනෙකු ජීවිතක්ෂයට පත්වී ඇති බව වාර්තා වෙයි.

(පෙර පුවත 2025 මැයි 09 පෙ.ව.11.26 )

බෙල් 212 අනතුරෙන් හමුදාවේ 5ක් මරුට

අද (09) උදෑසන හදිසි ගොඩබෑමකදී මාදුරුඔය ජලාශයට කඩාවැටුණු ගුවන් හමුදාවට අයත් බෙල් 212 හෙලිකොප්ටර් යානයේ සිටි හමුදා සාමාජිකයින් 5 දෙනෙකු මියගොස් තිබේ.

අදාළ හෙලිකොප්ටර් යානය මාදුරුඔය ජලාශයට කඩාවැටීමෙන් අනතුරු එහි ගමන්ගත් සියලුදෙනා බේරාගෙන රෝහල්ගත කර තිබුණි.

එහිදී ගුවන් හමුදා හෙලිකොප්ටර් භටයින් දෙදෙනෙකු සහ හමුදා විශේෂ බළකායේ භටයින් තිදෙනෙකු ජීවිතක්ෂයට පත්වී ඇති බව වාර්තා වෙයි.

මාදුරුඔය පීරා බෙල් 212 සොයන මෙහෙයුම… #Accident1st #bell212 #Helicopter #crashe #MaduruOya
Posted by Accident 1st on Thursday, May 8, 2025

(වීඩියෝ :Accident 1st)

(පෙර පුවත 2025 මැයි 09 පෙ.ව.10.10 )

හෙලිකොප්ටරයේ සිටි 12දෙනා බේරාගනී

මාදුරුඔය ජලාශයට කඩා වැටුණ ශ්‍රී ලංකා ගුවන් හමුදාවට අයත් බෙල් 212 වර්ගයේ හෙලිකොප්ටර් යානයේ ගමන්කල සියලු දෙනා බේරාගෙන තිබේ.

ගුවන් හමුදා මාධ්‍ය ප්‍රකාශක ගෲප් කැප්ටන් එරන්ද ගීගනගේ මහතා සඳහන් කළේ, හිඟුරක්ගොඩ ගුවන් හමුදා කඳවුරේ සිට මාඳුරු ඔය ප්‍රදේශයේ සංදර්ශනයකට පියසාර කරමින් සිටියදී එය කඩා වැටී ඇති බවය.

එහි ගුවන් නියමුවන් දෙදෙනා ඇතුළු පුද්ගලයින් 12 දෙනෙකු ගමන් කර තිබූ අතර ඔවුන් සියලුදෙනාම බේරාගත් බව ශ්‍රී ලංකා ගුවන් හමුදාව පැවසීය.

(පෙර පුවත 2025 මැයි 09 පෙ.ව.9.12 )

හෙලිකොප්ටර් යානයක් කඩා වැටේ

ශ්‍රී ලංකා ගුවන් හමුදාවට අයත් බෙල් 212 වර්ගයේ හෙලිකොප්ටර් යානයක් කඩාවැටී ඇති බව වාර්තා වේ.

හිඟුරක්ගොඩ ගුවන් හමුදා කඳවුරේ පුහුණු සැසියක් අතරතුර ගුවන් ගත වූ යානයක් මෙසේ කඩා වැටී ඇත.

එම යානය මාදුරුඔය ජලාශයට කඩා වැටී ඇති බවද තවදුරටත් වාර්තා වෙයි.