Connect with us

පුවත්

SPC එක ප්‍රමිතියෙන් තොර ජීවනි පැකට් ලක්ෂ 12ක් හදල විකුණලා

Published

on

ගුණාත්මක නිෂ්පාදන තත්ත්ව සහතික (GMP) නොමැති රජයට අයත් රත්මලානේ පිහිටි ශ්‍රී ලංකා රාජ්‍ය ඖෂධ නීතිගත සංස්ථාවේ කර්මාන්ත ශාලාවක නිෂ්පාදනය කළ ප්‍රතිශක්තිකරණ පානයක් වන ජීවනි පැකට් ලක්ෂ දොළහක් සෞඛ්‍ය අමාත්‍යංශය සහ රාජ්‍ය ඖෂධ නීතිගත සංස්ථාව ලබාගෙන ඇති බවට වෘත්තිය සමිති චෝදනා කරයි.

මෙම ජීවනි පැකට් තොගය ලියාපදිංචිය අත්හැරීමේ (WOR) සහතිකය නිකුත් කර ලබා ගන්නා ලෙස සෞඛ්‍ය අමාත්‍යාංශයේ අතිරේක ලේකම් වෛද්‍ය සුනිල් ද අල්විස් මහතා ජාතික ඖෂධ නියාමන අධිකාරියට 2023 /12/29 දින ලිපියක් යොමුකර ඇත.

ඉන්පසු ඊට පිළිතුරු ලියා ඇති ජාතික ඖෂධ නියාමන අධිකාරියේ සභාපති විශේෂඥ වෛද්‍ය ආනන්ද විජේවික්‍රම මහතා ප්‍රකාශ කර ඇත්තේ දේශීය ඖෂධ සඳහා (WOR) සහතිකයක් ලබා නොදෙන බවයි.

එහෙත් සෞඛ්‍ය ඇමැතිවරයා ප්‍රධානත්වයෙන් 2023 /12/21 පැවැති රැස්වීමකදී ගනු ලැබූ තීරණයකට අනුව ගුණාත්මක නිෂ්පාදන තත්ත්ව සහතික නොමැති වුවත් මෙම ජිවනි පැකට් තොගය ලබා ගැනීමට හැකියාවක් ඇති බවත් ජාතික ඖෂධ නියාමන අධිකාරියේ සභාපතිවරයා විශේෂඥ වෛද්‍ය ආනන්ද විජේවික්‍රම මහතා අතිරේක ලේකම්වරයාට දැනුම්දී ඇත.

ඒ අනුව ජීවනි පැකට් දොළාස් ලක්ෂයක් ලබාදී ඇති අතර එහි මුදල රුපියල් මිලියන හැටකි.

ගුණාත්මක නිෂ්පාදන තත්ත්ව සහතික (GMP) නොමැති කර්මාන්තශාලාවක නිපදවු මෙම ජීවනි තොගය මිලදී ගැනීම සම්බන්ධයෙන් ජාතික ඖෂධ නියාමන අධිකාරියේ සභාපති විශේෂඥ වෛද්‍ය ආනන්ද විජේවික්‍රමගෙන් විමසීමක් කළ අතර එහිදී ඔහු ප්‍රකාශ කළේ මෙම ඖෂධ කර්මාන්තශාලාව ගුණාත්මක නිෂ්පාදන තත්ත්ව සහතික (GMP) නොමැති බවයි.

එහෙත් ජීවනි ඖෂධයක් ලෙස ලියාපදිංචි කර නොමැති බව ඔහු කීවේය.

මෙම කර්මාන්තශාලාවට තත්ත්ව සහතිකය ලබාගන්නා ලෙස අවස්ථා ගණනාවකදී ජාතික ඖෂධ නියාමන අධිකාරිය විසින් දැනුම් දී ඇත.

ඒ අනුව අවශ්‍ය ගුණාත්මක නිෂ්පාදන තත්ත්ව සහතිකය (GMP) ලබාගැනීමට කටයුතු කරන ලෙස එම කර්මාන්තශාලාව තමන්ට ද දැනුම් දී ඇති බවද සභාපතිවරයා පවසා ඇත.

ඉමියුනොගොබියුලින් දුන්නෙත් GMP නැති කොම්පැණියකින්

මේ අතර, සෞඛ්‍ය වෘත්තීයවේදින්ගේ විද්වත් සංගමයේ සභාපති රවි කුමුදේශ් මහතා මාධ්‍යට පවසා ඇත්තේ හියුමන් ඉමියුනොගොබියුලින් එන්නත ද ලබාගෙන ඇත්තේ ගුණාත්මක නිෂ්පාදන තත්ත්ව සහතික (GMP) නොගත් සිදුවේ පිහිටි කර්මාන්තශාලාවකින් බවයි.

ජීවනි පැකට් ලක්ෂ දොළහද ලබාගෙන ඇත්තේද එවැනි කර්මාන්තශාලාවකින් බවද ඔහු කියා සිටී.

මෙරට නිෂ්පාදනයන්ට ලියාපදිංචිය අත්හැරීමේ (WOR) සහතිකයක් ඉල්ලීම අසාමාන්‍ය තත්ත්වයක් බවත් ගුණාත්මක නිෂ්පාදන තත්ත්ව සහතික (GMP) නොමැතිව ඖෂධ ලබා ගැනීමෙන් පිළිඹිඹු වන්නේ මෙරට ඖෂධවල නියාමනයක් නොමැති බවද ඔහු අවධාරණය කර ඇත.

රජයේ ආයතනයක් ඖෂධවල ප්‍රමිතිය සම්බන්ධ ක්‍රමවේදවලින් බැහැරව කටයුතු කරන්නේ නම් මෙහි වගකීම ගැන ඇත්තේ ගැටලුසහගත තත්ත්වයක් බව ද ඔහු වැඩිදුරටත් ප්‍රකාශ කර තිබේ.

මෙම ජීවනි තොගය මිලදී ගැනීමේදී ජාතික ඖෂධ නියාමන අධිකාරිය නියාමනයක් සිදුකරන ආකාරයට පැහැදිලි කිරීමක් සිදුකර නොමැති බවද ඔහු පෙන්වා දී ඇත.

මෙම ජීවනි තොගය රෝගීන්ට ලබා දී ඇති අතර GMP සහතිකය ලබාදෙන තුරු ඖෂධ නිෂ්පාදනය කිරීමට එපා යැයි කියා නියාමන අධිකාරිය දැනුම් දී නොමැති බවද ඔහු සඳහන් කර තිබේ.

මූලාශ්‍රය – අරුණ

පුවත්

ජනාධිපති කාර්යාලයේ  අධි සුඛෝපභෝගී වාහන  වෙන්දේසියේ  දෙවන අදියර ඇරඹේ

Published

on

By

ජනාධිපති කාර්යාලයේ  සුඛෝපභෝගී වාහන සහ භාවිතයෙන්  ඉවත් කර ඇති වාහන 27ක් විකිණීම සඳහා දෙවැනි අදියර යටතේ මිල ගණන් කැඳවා ඇත.

විකිණීමට නියමිත වාහන 1991 සිට 2016 දක්වා වූ විවිධ වර්ෂවල නිෂ්පාදිත වාහන ඇතුළත්ය.

මෙම වාහන අතර බී.එම්.ඩබ්ලිව්. මෝටර් රථ 02ක්, ෆෝර්ඩ් එවරස්ට් ජීප් රථ 02ක්, හුන්ඩායි ටෙරකන් ජීප් රථ 01ක්, ලෑන්ඩ් රෝවර් ජීප් රථ 02ක්, මිට්සුබිෂි මොන්ටේරෝ රථ 01ක්, නිසාන් පෙට්‍රල් රථ 03ක්, නිසාන් වර්ගයේ මෝටර් කාර් 02ක්, පෝර්ෂ් (Porsche) කේයින් මෝටර් රථ 01ක්, ස්සෑන් යං රෙක්ස්ටන් වර්ගයේ ජීප් රථ 05ක්, ලෑන්ඩ් කෘසර් සහරා වර්ගයේ ජීප් රථ 01ක්, වී 08 රථ 06ක්, සහ මිට්සුබිෂි රෝසා වර්ගයේ වායු සමීකරණය කළ බස් රථ 01ක් වේ.

මීට අදාළ ටෙන්ඩර් පත්‍රිකා මැයි 14 වැනිදා දක්වා කාර්යාල දිනයන්හිදී පෙරවරු 9.00 සිට පස්වරු 3.00 දක්වා  ජනාධිපති කාර්යාලයේ, සෙමා ගොඩනැගිල්ලේ, 2වන මහලේ පිහිටි මූල්‍ය අංශයෙන් ලබා ගත හැකිය.

එමෙන්ම මැයි 14 වැනිදා දක්වා අංක 93, ජාවත්ත පාරේ පිහිටි සළුසල ආයතන පරිශ්‍රයේදී එම වාහන පරීක්ෂා කිරීමට ද අවස්ථා සලසා ඇත.

ජනාධිපති කාර්යාලයේ අධි සුඛෝපභෝගී වාහන  වෙන්දේසියේ පළමු අදියර යටතේ
මීට පෙර සුඛෝපභෝගී වාහන 14ක්, භාවිතයෙන් ඉවත් කරන ලද වාහන 6ක් සහ වාහන අමතර කොටස් අලෙවි කිරීමට අදාළ වෙන්දේසියක් පවත්වනු ලැබීය.

රජයේ වියදම් කපා හැරීම සහ මූල්‍ය වගවීම ප්‍රවර්ධනය කිරීම අරමුණු කර ගනිමින් මෙම වාහන විකිණීමට තීරණය කර ඇති අතර, පෙර වෙන්දේසියේදී ඩිෆෙන්ඩර් ජීප් රථ 09ක් ඇතුළු විවිධ වර්ගයේ වාහන 15ක් විකුණා තිබේ.

මෙම වාහන ජනාධිපති ලේකම් කාර්යාලයේ නිත්‍ය කාර්ය මණ්ඩල වෙත ලබා දී තිබූ වාහන නොවන අතර,  හිටපු ජනාධිපතිවරයා විසින් සිය ධූර කාලයේදී ආණ්ඩුක්‍රම ව්‍යවස්ථාවේ  41 (1) වගන්තිය යටතේ පත් කරන ලද උපදේශකවරුන් සහ කාර්ය මණ්ඩලය විසින් භාවිතා කළ වාහන වේ.

මේ පිළිබඳව නිකුත් කර ඇති දැන්වීම මේ සමඟ අමුණා ඇත.

Continue Reading

පුවත්

විශ්වවිද්‍යාල සඳහා Online ලියාපදිංචිය අද සිට

Published

on

By

පසුගිය උසස් පෙළ විභාගයේ ප්‍රතිඵල මත Online ක්‍රමයට විශ්වවිද්‍යාලවල ලියාපදිංචි කිරීම අද (09) සිට ආරම්භ වන බව විශ්වවිද්‍යාල ප්‍රතිපාදන කොමිෂන් සභාව පවසයි.

https://www.ugc.ac.lk/ යන වෙබ් අඩවියට පිවිසීමෙන් ඒ සඳහා පහසුකම් සලසා ගත හැකි බව එම කොමිෂන් සභාව සඳහන් කළේය.

එමෙන්ම ලබන 30වනදා මධ්‍යම රාත්‍රි 12.00 දක්වා ලියාපදිංචී වීම සිදු කිරීමට හැකියාව ඇත.

පසුගිය උසස් පෙළ විභාග ප්‍රතිඵල මත මෙවර විශ්වවිද්‍යාල සඳහා බඳවා ගැනීමට අපේක්ෂිත පිරිස 43,300ක් බවයි වාර්තා වේ.

Continue Reading

පුවත්

පෙරට්ටුවේදී ඩෑන් ඝාතනයේ සැකකරුවන් හඳුනාගනී

Published

on

By

ඩෑන් ප්‍රියසාද් ඝාතන සිද්ධිය සම්බන්ධයෙන් අත්අඩංගුවට ගෙන රක්ෂිත බන්ධනාගාර ගත කර සිටි සැකකරුවන් දෙදෙනෙකු අද (09) කොළඹ මහෙස්ත්‍රාත් අධිකරණයේ පැවති හඳුනා ගැනීමේ පෙරට්ටුවකදී සාක්ෂිකරුවන් විසින් හඳුනාගෙන තිබේ.

කොළඹ අතිරේක මහෙස්ත්‍රාත් හර්ෂණ කැකුණවල මහතාගේ නියෝගයකට අනුවය.

එහිදී සාක්ෂිකරුවන් තුන්දෙනෙකු විසින් මෙම සැකකරුවන් දෙදෙනා හඳුනාගත් බව අධිකරණයට දැනුම් දී ඇත.

සැකකරුවන් වෙනුවෙන් පෙනී සිටි නීතිඥවරයා අධිකරණය හමුවේ කරුණු දක්වමින් මෙම විමර්ශනය වැරදි පාරක යන බව සඳහන් කර සිටියේය.

අත්අඩංගුවේ පසුවන සැකකරුවන් දෙදෙනාම මෙම සිද්ධියට කිසිසේත්ම සම්බන්ධ නොමැති බවත් නියම වෙඩික්කරුවන් නිදැල්ලේ සිටින බවත් ඔහු පැවසීය.

මෙම හඳුනා ගැනීමේ පෙරෙට්ටුව සඳහා ඉදිරිපත් කළ සාක්ෂිකරුවන් දෙදෙනෙකු දෙවන සැකකරුගේ ඥාතීන් බව සඳහන් කළ නීතිඥවරයා සැකකරුවෝ හොඳින් හඳුනන ඥාතීන් දෙදෙනෙකු ඔහු හඳුනා ගැනීම සඳහා පෙරට්ටුවකට ඉදිරිපත් කිරීම නීත්‍යානුකූල නොවන බවත් සඳහන් කරන ලදී.

සාක්ෂිකරුවන්ගේ ප්‍රකාශ සටහන් කර ගැනීමෙන් අනතුරුව සහ CCTV දර්ශනවලින් අනාවරණය කරගත් තොරතුරු මත මෙම සැකකරුවන් අත්අඩංගුවට ගත් බව බස්නාහිර පළාත් දකුණ විශේෂ විමර්ශන ඒකකයේ නිලධාරියා අධිකරණය හමුව සඳහන් කලේය.

සිද්ධියට සම්බන්ධ විමර්ශන තවදුරටත් ක්‍රියාත්මක වන අතර අදාළ සැකකරුවන් ලබන 23 වන දා දක්වා රක්ෂිත බන්ධනාගාර ගත කිරීමටද නියම විය.

සමාජ ක්‍රියාකාරී ඩෑන් ප්‍රියසාද් වැල්ලම්පිටිය ප්‍රදේශයේ දී සිදුවූ වෙඩි තැබීමකින් ඉකුත් අප්‍රේල් (23) මියගියේය.

වැල්ලම්පිටිය පොලිස් වසමේ සාලමුල්ල ප්‍රදේශයේ මහල් නිවාසයක් තුළ මෙම වෙඩි තැබීම සිදුව ඇති බවයි පොලීසිය විසින් පැවසීය.

යතුරුපැදියකින් පැමිණි නාඳුනන පුද්ගලයින් දෙදෙනෙකු විසින් වෙඩි තැබීම සිදුකර පලාගොස් තිබුණි.

වෙඩි වැදීමෙන් තුවාල ලැබූ ඩෑන් ප්‍රියසාද් කොළඹ ජාතික රෝහලට ඇතුළත් කර ප්‍රතිකාර ලබමින් සිටියදී රාත්‍රියේදී ජීවිතක්ෂයට පත් විය.

පිස්තෝල වර්ගයේ ගිනිඅවියක් යොදා ගනමින් මෙම වෙඩි තැබීම සිදුකර ඇති බවයි මූලික විමර්ශනවලදී අනාවරණය විය.

Continue Reading
Advertisement

Trending

Copyright © 2023 Sri Lanka Mirror. All Rights Reserved