Connect with us

පුවත්

පානදුර දකුණ පොලිස් ලොක්කාට එරෙහිව විමර්ශනයක් (වීඩියෝ)

Published

on

පානදුර පල්ලිය මුල්ල ප්‍රදේශයේ විරෝධතාවක් අතරතුර කාන්තාවන් පිරිසක් අත්අඩංගුවට ගැනීමට යාමේදී පානදුර දකුණ මූලාස්ථාන පොලිසියේ ප්‍රධාන පොලිස් පරීක්ෂකවරයාගේ ක්‍රියාකලාපය සම්බන්ධයෙන් විශේෂ විමර්ශනයක් ආරම්භ වී තිබේ.

පොලිස්පතිවරයාගේ නියමයෙන් පොලිස් විශේෂ විමර්ශන ඒකකය විසින් මෙම විමර්ශනය ආරම්භ කර ඇත.

පල්ලියමුල්ල ප්‍රදේශයේ ඊයේ පැවති විරෝධතාවක් අතරතුර කලහකාරි ලෙස හැසිරුණු කාන්තාවකට එරෙහිව නීතිය ක්‍රියාත්මක කිරීමට නිසි ලෙස කටයුතු නොකළ බවට චෝදනා කරමින් කාන්තා පොලිස් නිලධාරිනියකට අයුතු ලෙස සළකන අයුරු දැක්වෙන වීඩියෝවක් සමාජ මාධ්‍යයේ හුවමාරු වූ අතර, මේ සම්බන්ධයෙන් මේ වන විට දැඩි සමාජ විරෝධයක් පළ වී තිබේ.

හැඳුනුම්පත නැතැයි කියා අත්අඩංගුවට ගෙන

මේ අතර, මාධ්‍ය ක්ෂේත්‍රයේ PR වෘත්තිකයෙකු හා සත්ත්ව අයිතීන් පිළිබඳ ක්‍රියාකාරිනියක් වන අනූෂා ඩේවිඩ් මහත්මිය ප්‍රකාශ කරන්නේ ඊයේ (12) රාත්‍රියේදී වීථි සුනඛයන්ට ආහාර ලබාදීමට ගිය සිය සේවක මණ්ඩල සාමාජිකයෙකු පොලිස් අත්අඩංගුවට ගෙන ඇති බවයි.

තලංගම පොලිසිය විසින් ඔහුව අත්අඩංගුවට ගෙන ඇත්තේ සිය හැඳුනුම්පත ළඟ නොතිබීම හේතුවෙනි. ඩේවිඩ් මහත්මිය විසින් විනාඩි කිහිපයක් තුළ ඔහුගේ හැඳුනුම්පත පොලිසියට ඉදිරිපත් කළද ඔහුව නිදහස් කිරීමට පොලිසිය එකඟ වී නැත.

ඇය විසින් සිය නීතිඥවරයා මෙන්ම පාර්ලිමෙන්තු මන්ත්‍රී හර්ෂ ද සිල්වා මන්ත්‍රීවරයා සමගද මේ සම්බන්ධයෙන් පවසා ඇති නමුත් ඔවුන් සමග කතා කිරීමට පොලිසිය ප්‍රතික්ෂේප කළ බවද ඇය වැඩිදුරටත් පවසයි. ඉන්පසුව පොලිස්පතිවරයා හා ශ්‍රී ලංකා නීතිඥ සංගමයේ සභාපති – සාලිය පීරිස් මහතා ද සිද්ධිය සම්බන්ධයෙන් සම්බන්ධ කර ගැනීමට ඔවුන් සමත් වී ඇති අතර, පසුව ඩේවිඩ් මහත්මියගෙන් කටඋත්තරයක්ද ලබාගැනීමෙන් අනතුරුව ඇගේ කාර්ය මණ්ඩල සේවකයාව නිදහස් කර තිබේ.

ලැජ්ජයි!

මෙම සිද්ධීන් කිහිපයම සඳහන් කරමින් ශ්‍රී ලංකා නීතිඥ සංගමයේ සභාපති – සාලිය පීරිස් මහතා ද ෆේස්බුක් සටහනක් එක්කර තිබුණි.

“පොලිස් ම්ලේච්ඡත්වය දිගටම පවතින්නේ ඔවුන් සමඟ කටයුතු කිරීමට බලය ඇති අයගේ අසාර්ථකත්වය සහ උදාසීන ආකල්පය නිසාය. මොනතරම් ලැජ්ජාවක්ද…” යැයි ඔහු පවසා තිබේ.

(වීඩියෝ : නිවුස්ෆස්ට්)

පුවත්

කෑගල්ල උණුසුම් වූ බස් අනතුර

Published

on

By

කෑගල්ල අවිස්සාවේල්ල මාර්ගයේ කොට්ටපොල ප්‍රදේශයේදී පුද්ගලික බස් රථ දෙකක් මුහුණට මුහුණ ගැටී තිබේ.

අද (18) පස්වරු 4.00ට පමණ මෙම අනතුර සිදුව ඇති අතර එම අනතුරින් පුද්ගලයින් 26 දෙදෙනකු තුවාල ලබා ඇති බවත් ඉන් දෙදෙනෙකුගේ තත්ත්වය බරපතළ බවත් වාර්තා වේ.

නුවර සිට අවිස්සාවේල්ල බලා ධාවන වූ පෞද්ගලික බස් රථයක් අධික වේගය සහ අපරික්ෂාකාරී ලෙස වෙනත් වාහනයකට ඉස්සර කිරීමට යාමත් සමග මෙම අනතුර සිදුව ඇතැයි පොලීසිය පවසයි.

තුවාලකරුවන් කෑගල්ල මහරෝහලයට සහ තොරනගහපිටිය ග්‍රාමීය රෝහලට ඇතුළත් කළ බවයි පිංදෙණිය පොලීසිය ප්‍රකාශ කර සිටී.

අනතුරට පත් එක් බස් රථයක රියදුරෙකු බරපතළ තත්ත්වයේ ප්‍රතිකාර ලබන අතර අනෙක් රෝගියා කාන්තාවක් බවයි වාර්තා වේ.

Continue Reading

පුවත්

“මුලින්ම තියන්නේ ජනාධිපතිවරණය නෙමෙයි”

Published

on

By

ස්ථීරයෙන්ම එන්නේ ජනාධිපතිවරණය නොව මහ මැතිවරණය බවත් ලබන 14 හෝ 15 පාර්ලිමේන්තුව අනිවාර්යයෙන්ම විසුරුවන බවත් රුසියාවේ හිටපු ශ්‍රී ලංකා තානාපති උදයංග වීරතුංග මහතා පවසයි.

පෞද්ගලික රූපවාහිනී නාලිකාවක් සමඟ පැවති සාකච්ඡාවකට එක් වෙමින් උදයංග වීරතුංග මහතා මේ බව සඳහන් කලේය.

මේ සම්බන්ධයෙන් ජනාධිපතිවරයා සමග එකඟත්වයට පැමිණ අවසන් බවද ජනාධිපතිවරණයට පෙර මහ මැතිවරණය පැවැත්වීමට ඇති කරගෙන ඇති එකඟතාව පිළිබඳව දන්නේ  ශ්‍රී ලංකා පොදු ජන පෙරමුණේ එක් අයකු පමණක් බවද ඔහු මෙහිදී පවසා ඇත.

“ අගමැති අපේක්ෂකයෙක් නම් කරන්න බලාපොරොත්තුවක් නැහැ. ධම්මික පෙරේරා ඉතා ප්‍රබල අපේක්ෂකයෙක් විදියට ඉදිරිපත් වෙනවා. ඒ තීරණය තියෙන්නේ පොහොට්ටුවේ එක ඔලුවක විතරයි. පාර්ලිමේන්තු මැතිවරණයක් එනවා. පාර්ලිමේන්තුවේ බහුතරය ඒකට විරුද්ධයි. අනුර කුමාරත් විරුද්ධයි. ජාතික ජන බලවේගයට රැල්ලක් ඇවිල්ලා තියෙන්නේ සමාජ මාධ්‍යයෙන් පමණයි. ශ්‍රී ලංකා පොදු ජන පෙරමුණේ අපේක්ශකයා රනිල් වික්‍රමසිංහ නෙමෙයි. ඒක දැන් තීරණය කරල ඉවරයි.”

Continue Reading

පුවත්

ඇල්ල – වැල්ලවාය මාර්ගය යළිත් වැසෙයි

Published

on

By

ඇල්ල – වැල්ලවාය ප්‍රධාන මාර්ගය අද (18) රාත්‍රී 8 සිට හෙට (19) උදෑසන 6 දක්වා ගමනාගමනය සඳහා වසා තැබීමට යළිත් තීරණය කර තිබේ.

අයහපත් කාලගුණික තත්ත්වය හේතුවෙන් එම තීරණය ගත් බව දිස්ත්‍රික් ලේකම්වරයා පවසයි.

Continue Reading

Trending

Copyright © 2023 Sri Lanka Mirror. All Rights Reserved