උසස් අධ්යාපනය සංවර්ධනය කිරීම සඳහා පත්කරන ලද විශේෂ කාරක සභාව විසින් විශ්වවිද්යාල ප්රතිපාදන කොමිෂන් සභාව (UGC) සහ වෘත්තීය පුහුණු අධිකාරිය (VTA) අහෝසි කිරීමට යෝජනා වී ඇතැයි වාර්තා වේ.
කෙසේවුවද, ඒ වෙනුවට ස්වාධීන ‘ජාතික අධ්යාපන කොමිෂන් සභාවක්‘ පිහිටුවා අධ්යාපනය ඉහළ නැංවීම අංශ හතරක් යටතේ ක්රියාත්මක කිරීමට තේරීම් කාරක සභාව විසින් නිර්දේශ ඉදිරිපත් කර ඇති බව එහි සභාපති අධිකරණ ඇමැති ආචාර්ය විජයදාස රාජපක්ෂ මහතා කියයි.
ඒ අනුව, රාජ්ය විශ්වවිද්යාල, රාජ්ය නොවන විශ්වවිද්යාල හා උසස් අධ්යාපන ආයතන, වෘත්තීය අධ්යාපන සහ වෘත්තීය විශ්වවිද්යාල, ගුණාත්මකභාවය තහවුරු කිරීම සඳහා අධීක්ෂණය යන අංශ යටතේ රටේ ඇති සියලුම විශ්වවිද්යාල හා උසස් අධ්යාපන ආයතන එකම ප්රමිතියක් යටතේ අධීක්ෂණය කරමින් ලියාපදිංචිකර පවත්වා ගෙන යාමට කටයුතු කිරීමට නියමිත බවද පැවසේ.
මීට අමතරව අපොස සාමාන්ය පෙළ විභාගය සඳහා අවුරුදු 10දී ඉදිරිපත් වීමටත්, අපොස උසස් පෙළ විභාගය අවුරුදු 12දී අවසන් කිරීමටත්, උසස් පෙළ සඳහා සුදුසුකම් නොලැබූ දරුවන් සඳහා පදනම් පාඨමාලා මගින් උපාධිය දක්වා අධ්යාපනය ලැබීමටත් අවස්ථාව සලසාදීමටත්, ඒ සදහා කොමිෂන් සභාවේ අධීක්ෂණය යටතේ පෞද්ගලික අංශය ද දිරිමත් කර ඔවුන්ටද සහන සැලසීමට යොජනා ඉදිරිපත් කර ඇත.
මෙම ජාතික අධ්යාපන කොමිෂන් සභාව ව්යවස්ථාදායක සභාවෙන් පත්කරනු ලබන අධ්යාපන වෘත්තීය නිපුණතා සහිත දේශපාලන සම්බන්ධතාවක් නොමැති 11කුකුගෙන් සමන්විතය.
මූලාශ්රය – සිළුමිණ
