ජනතා විමුක්ති පෙරමුණු ප්‍රධාන ලේකම් ටිල්වින් සිල්වා මහතා නව පාර්ලිමෙන්තුවට තරග නොකරන බවත්, ආණ්ඩුවේ කිසිඳු තනතුරක් භාර නොගන්නා බවත් පවසයි.

ඔහු මෙම අදහස් පළ කළේ ඊයේ රාත්‍රියේ ස්වර්ණවාහිනී රූපවාහිනී නාලිකාවේ විකාශය වූ අකුණ දේශපාලනමය සංවාදයට එක්වෙමිනි.

තමා ජනතා විමුක්ති පෙරමුණේ ප්‍රධාන ලේකම්වරයාවන බැවින් පක්ෂයේ කටයුතු ඉදිරියට කරගෙන යාමට සහය දෙන බව ඔහු මෙහිදී ප්‍රකාශ කලේය.

එලෙස ආණ්ඩුවේ තනතුරු දැරීම පක්ෂ ව්‍යවස්ථාවට පටහැනි බවයි ඔහු සඳහන් කළේය.

එහිදී වැඩිදුරටත් අදහස් දක්වමින් ටිල්වින් සිල්වා මහතා සඳහන් කළේ, තමන් විසින්ම දේශපාලනයේ නිරතව ලංකා අග්‍රාමාත්‍යවරිය බවට පත්වූ පළමු කාන්තාව ලෙස හරිනී අමරසූරිය අගමැතිවරිය පත්වන බවත් ඇය උගත්කමින් පරිපූර්ණව තම වගකීම් ඉටු කිරීම අගය කරන බවය.

විපක්ෂයේ හිටපු සංවිධායක මෙන්ම සමගි ජන සන්ධානයේ හිටපු පාර්ලිමේන්තු මන්ත්‍රී ලක්ෂ්මන් කිරිඇල්ල මහතා සිය දේශපාලනයෙන් සමුගැනීමට තීරණය කර තිබේ.

ඊයේ (08) මාධ්‍ය වෙත අදහස් පළ කරමින් ඔහු මේ බව ප්‍රකාශ කලේය.

“සාර්ථකව සිද්ධ වෙනවා. විශාල පිරිසක් ඉන්නවා. විශේෂයෙන් තරුණ පිරිස් අතර විශාල උනන්දුවක් තියෙනවා. අපි හිතුවාට වඩා උනන්දුවක් තියෙනවා.

මාධ්‍යවේදීයා – ඔබතුමා නාමයෝජනාවලට අත්සන් තැබුවා ද.?

කිරිඇල්ල – මම අවුරුදු 36ක් හිටියානේ. දැන් විවේක සුවයෙන් ඉන්නත් එපැයි. අවුරුදු 36ක් කියන්නෙත් දීර්ඝ කාලයක්. අපි තරුණ කට්ටියටත් අවස්ථාව දෙන්න එපැයි.

පවුලේ තරුණ අයෙක් මෙවර මහමැතිවරණයට ඉදිරිපත් කරනවා ද යන්න මාධ්‍යවේදීන් ප්‍රශ්න කලේය.

ඊට පිළිතුරු ලබා‌දෙමින් ලක්ෂ්මන් කිරිඇල්ල මහතා කියාසිටියේ, අද දින ඊට පිළිතුරු ලබා දෙන බවය.

ජාතික ලැයිස්තුවෙන් පාර්ලිමේන්තුවට පිවිසීමට බලාපොරොත්තු නොවන බවත් විවේක සුවයෙන් සිටීමට බලාපොරොත්තු වන බවත් ඔහු අනාවරණ කලේය.

ශ්‍රී ලංකා විදේශ සේවා නියුක්ති කාර්යාංශයේ ලියාපදිංචිය ලබාගැනීම සඳහා ලෙබනනයේ සිටින ශ්‍රී ලාංකිකයින්ට විශේෂ සහන කාලයක් ලබා දී තිබේ.

ලෙබනනයේ මේ වන විට පවතින යුදමය තත්වය සැලකිල්ලට ගනිමින් එම තීරණය ගෙන තිබෙන බව පැවසේ.

ශ්‍රී ලංකා විදේශ සේවා නියුක්ති කාර්යාංශයේ ලියාපදිංචි වී ලෙබනනයට පැමිණ ලියාපදිංචි කාලය ඉක්මවු පසු නැවත එකී ලියාපදිංචිය යාවත්කාලීන නොකර දීර්ඝ කාලීනව රැකියාවල නියුතු වන ශ්‍රී ලාංකික ශ්‍රමිකයන්ට මෙම සහන කාලය ලබාදී ඇත.

එම සහන කාලය 2024 ඔක්තෝබර් මස 08 වන දින සිට 2025 ජනවාරි මස 08 වන දින දක්වා එනම් මාස 03ක කාලයක් සඳහා ක්‍රියාත්මකය.

එකී කාලය තුළ තානාපති කාර්යාලයට පැමිණ ලියාපදිංචිය කඩිනමින් සිදුකර ගත හැකි බව ශ්‍රී ලංකා විදේශ සේවා නියුක්ති කාර්යාංශ දැනුම්දෙයි.

ඒ අනුව, ශ්‍රී ලංකා විදේශ සේවා නියුක්ති කාර්යාංශයේ ලියාපදිංචිය ලබා ගැනීමට පැමිණෙන විට පහත ලියකියවිලි රැගෙන නානාපති කාර්යාලය වෙත පැමිණෙන ලෙසට ද දැනුම් දී තිබේ.

01) වලංගු වීසා බලපත්‍රය සහ වලංගු ගමන් බලපත්‍රය(මෙම ලේඛණයන් තිබීම අනිවාර්ය වේ.)

02) දැනට සේවය කරන ස්ථානයට අදාළ වත්මන් රැකියා ගිවිසුම (Current Employment Contract) හෝ සේවායෝජක විසින් නිකුත් කරනු ලබන පිරිනැමීමේ ලිපිය (Job Offer Letter) 03) උක්ත අංක (01) සදහන් ලියකියවිලි සහිත වුවත්, වත්මන් රැකියා ගිවිසුම (Current Employment Contract) හෝ සේවායෝජක විසින් නිකුත් කරනු ලබන පිරිනැමීමේ ලිපිය (Job Offer Letter) නොමැති අය තානාපති කාර්යාලය මඟින් ලබා දෙනු ලබන ප්‍රකාශ පත්‍රිය (Self-Declaration) පිරවිය යුතු අතර, එහිදී ලියාපදිංචිය සිදුකර ගත හැක.

මෙම ලියාපදිංචි කිරීමේ කටයුතු වෙනුවෙන් ඩොලර් 62ක (USD 62/-) රජයේ ගාස්තුවක් අයකරනු ලබන බව සඳහන්ය.

ඒ අනුව, විශේෂයෙන්ම මෙම යුද වාතාවරණය තුළ ලබා දී ඇති මෙම විශේෂ සහන කාලය මහඟු අවස්ථාවක් කර ගනිමින්, කාර්යාංශයේ ලියාපදිංචිය ලබා ලියාපදිංචි විගමණික ශ්‍රමිකයන් හට හිමි වන සුබ සාධන හා රක්ෂණ ප්‍රතිලාභ හිමිකර ගනිමින් රැකියාවේ සුරක්ෂිතභාවය තහවුරු කර ගන්නා ලෙසට ද ශ්‍රී ලංකා විදේශ සේවා නියුක්ති කාර්යාංශය දැනුම්  දෙයි.

2024.10.13 වන ඉරු දින පෙ.ව 9.00 සිට ප.ව 2.00 දක්වා තානාපති කාර්යාලය මේ සඳහා විශේෂයෙන් විවෘතව පවතින අතර, එදිනට පසු ඉදිරි මාස 03ක කාලය තුළ සෑම සතියේ දින පහ තුළදී ම මෙම සේවාව ලබා ගත හැකිය.

වැඩිදුර විමසීම්:

1.00961-81685186/00961-81915603
කෞෂි මෙය / කුමාරි මිය කම්කරු ලිපිකරු

2. 00961-79125589
ක්ෂණික ඇමතුම් අංකය තානාපති කාර්යාලය
ශ්‍රී ලංකා තානාපති කාර්යාලය බේරෑට් – ලෙබනන්