Connect with us

ඡායාරූප සටහන

“විපක්ෂය එතැන ඉන්නේ අභියෝග බාර නොගත් නිසා”

Published

on

ජාත්‍යන්තර මූල්‍ය අරමුදල සමඟ වන එකඟතාවන් කඩකළහොත් නැවත රට ආපස්සට යන බැවින් එම සියලු එකඟතාවන් නීති ගත කරමින් පාර්ලිමේන්තුවට ඉදිරිපත් කර ඇති ආර්ථික පරිවර්තන පනත් කෙටුම්පතට සහාය ලබාදීම සියලුදෙනාගේ වගකීම බව ජනාධිපති රනිල් වික්‍රමසිංහ මහතා පැවසීය.

ජාත්‍යන්තර මූල්‍ය අරමුදල සමඟ වන එකඟතා අනුව රටේ ආර්ථිකය ස්ථාවරව පවත්වාගෙන යාම වෙනුවෙන් සපුරාගත යුතු ආර්ථික ඉලක්ක ගණනාවක් පවතින බව පෙන්වාදුන් ජනාධිපතිවරයා එම ඉලක්ක කඩ කිරීම යනු රටේ ආර්ථිකය විනාශ කිරීමක් බැවින් දේශපාලන අරමුණු වෙනුවෙන් වේදිකාවල ප්‍රකාශ සිදු නොකර පවතින රාමුව තුළ පමණක් කතා කිරීම විපක්ෂයේ වගකීම වන බවද සඳහන් කළේය. 

විපක්ෂය, විපක්ෂයේ සිටින්නේ රට වෙනුවෙන් එදා වගකීම් භාර නොගෙන සාම්ප්‍රදායික දේශපාලනයේ නිරතවූ නිසා බව පැවසූ ජනාධිපතිවරයා එදා නොබියව අභියෝගය බාරගත්  ආණ්ඩුව අද එහි සාර්ථක ප්‍රතිඵල පෙන්වා ඇති බවත් එබැවින් රට වෙනුවෙන් එක් මාර්ගයක ගමන් කරමු යැයි තමා සියලුදෙනාගෙන් ඉල්ලා සිටින බවත් සඳහන් කළේය. 

ජනාධිපති රනිල් වික්‍රමසිංහ මහතා මේ බව කීවෙි  කරවනැල්ල, වැන්දල ශ්‍රී විසුද්දාරාම විහාරස්ථානයේ අද (04) පැවති “උරුමය” සින්නක්කර ඔප්පු ලබාදීම  හා අඩු ආදායම්ලාභීන්ට සහල් බෙදාදීමේ වැඩසටහනට එක්වෙමිනි.

ඡායාරූප සටහන

දස දිනක් පුරා පැවැත්වෙන යෝගා මහෝත්සවය මෙරට ඇරඹේ (ඡායා)

Published

on

By

දස වන ජාත්‍යන්තර යෝගා දිනය සැමරීම සඳහා දින 10ක් පුරා පැවැත්වෙන යෝගා මහෝත්සවය අද දින කොළඹ ජාතික කෞතුකාගාරයේදී ආරම්භ විය. 

මෙම වැඩසටහන මෙම වසරේ ජාත්‍යන්තර යෝගා දින තේමාව වන ‘කාන්තා සවිබල ගැන්වීම සඳහා යෝගා’ යන තේමාව යටතේ කොළඹ විවිධ පාසල්වල සිසුවියන් 200කට අධික සංඛ්‍යාවකගේ සහභාගීත්වයෙන් පැවැත්විණ. 

2024 යෝගා මහෝත්සවය කොළඹ, ඉන්දියානු මහ කොමසාරිස් කාර්යාලයේ සංස්කෘතික අංශය වන ස්වාමි විවේකානන්ද සංස්කෘතික මධ්‍යස්ථානය විසින්  ශ්‍රී ලංකාවේ යෝගා සංවිධාන 30ක් පමණ හා එක්ව සංවිධානය කරනු ලබයි. එය 2024 ජූනි 13 සිට ජූනි 22 වන දින දක්වා පැවැත්වෙනු ඇත. 

යෝගා ‍මහෝත්සවයේ දෙවන දිනය ‘නීරෝගීභාවය උදෙසා යෝගා’ යන්න වෙත අවධානය යොමු කරමින් ජූනි 14 වන දින ත්‍රිකුණාමලය, මැක් හෙයිසර් ක්‍රීඩාංගනයේදී පැවැත්වෙනු ඇති අතර එය නැගෙනහිර පළාත් සංචාරක කාර්යාංශය හා එක්ව සංවිධානය කර තිබේ. යෝගා මහෝත්සවය පවුල උදෙසා යෝගා, ආධ්‍යාත්මිකත්වය සමඟින් යෝගා, මනුෂ්‍යත්වය සඳහා යෝගා, සුවතාවය සඳහා යෝගා, ආයුර්වේද සඳහා යෝගා, සාමය සඳහා යෝගා, එකමුතුබව සඳහා යෝගා යනාදි විවිධ අංශ වෙත අවධානය යොමු කරමින් රට පුරා විවිධ සුවිශේෂී ස්ථානවල පැවැත්වෙනු ඇත. යෝගා මහෝත්සවය ජූනි 22 වන දින කොලඹ, ගාලු මුවදොර පිටියේ පැවැත්වෙන උත්සවයකින් සමාප්ත වනු ඇත.

ජාත්‍යන්තර යෝගා දිනය වෙනුවෙන් ඉන්දියානු මහ කොමසාරිස් කාර්යාලය, මහනුවර සහකාර ඉන්දියානු මහ කොමසාරිස් කාර්යාලය සහ හම්බන්තොට සහ යාපනය ඉන්දියානු කොන්සියුලර් ජෙනරාල් කාර්යාල විසින් යෝගා වැඩසටහන් 100ක් පමණ සංවිධානය කරනු ඇත. මෙම වැඩසටහන් අතරින් බොහෝමයක් ශ්‍රී ලංකා රජයේ සංචාරක සහ ඉඩම් අමාත්‍යාංශය හා සහයෝගයෙන් දිවයින පුරා සුවිශේෂී වැදගත්කමකින් යුත් ස්ථානවල සංවිධානය කරනු ඇත. 
සුවතාවය සඳහා යෝගා ව්‍යායාමයන්හි සාකල්‍ය ප්‍රවේශය සහ යෝගා ව්‍යායාමයන්ට නූතන ජීවිතයේ ආතතියෙන් මිදීමට ලබා දිය හැකි සහය හඳුනාගනිමින් 2014 දෙසැම්බර් මාසයේදී එක්සත් ජාතීන්ගේ සංවිධානය 69/31 ප්‍රඥප්තිය හරහා ජූනි 21 වන දින ජාත්‍යන්තර යෝගා දිනය ලෙස නම් කරන ලදී. එතැන් සිට ලොව පුරා යෝගා ව්‍යායාමයන්හි නිරත වන්නන් විසින් සෑම වසරකම ජූනි 21 වන දින ජාත්‍යන්තර යෝගා දිනය සමරනු ලැබේ. යෝගා යනු කායික ඉරියව්, හුස්ම පාලනය සහ භාවනා යනාදිය හරහා මනස, ශරීරය සහ ආධ්‍යාත්මය එක් කරන පෞරාණික ක්‍රමවේදය කි. ස්වයං සොයාගැනීම, අභ්‍යන්තර සාමය, සමතුලිතතාවය, නම්‍යතාවය, ශක්තිය, මානසික නිරවුල්භාවය, චිත්තවේගීය ස්ථායිතාවය සහ අධ්‍යාත්මිකත්වය අවදි කිරීම යනාදියට යෝගා ව්‍යායාම මනා පිටිවහලක් වේ. 

Continue Reading

ඡායාරූප සටහන

ජනපති රනිල් හා බංග්ලාදේශ අගමැතිනිය හමුවෙයි

Published

on

By

ජනාධිපති රනිල් වික්‍රමසිංහ මහතා අද (10) ඉන්දියාවේ නවදිල්ලි නුවර දී බංග්ලාදේශ අග්‍රාමාත්‍ය ෂෙයික් හසීනා මහත්මිය හමුවූ බව ජනාධිපති මාධ්‍ය අංශය නිවේදනය කළේය.

ඉන්දීය අග්‍රාමාත්‍ය නරේන්ද්‍ර මෝදිගේ දිවුරුම් දීමේ උත්සවයට සහභාගී වීම සඳහා ජනාධිපති රනිල් වික්‍රමසිංහ මහතා පසුගිය සෙනසුරාදා (08) දිනයේ මෙරටින් පිටත්ව ගියේය.

එම සංචාරයේ අතරතුර දී අද (10) දිනයේ මෙම හමුව සිදු වූ බව ජනාධිපති මාධ්‍ය අංශය සඳහන් කළේය.

මෙම හමුවේදී ශ්‍රී ලංකාවේ ක්‍රියාත්මක කෘෂි නවීකරණ වැඩසටහන සඳහා බංගලාදේශයේ සහාය ලබාදෙන බව බංගලාදේශ අගමැතිනී ෂෙයික් හසීනා මහත්මිය විසින් ජනාධිපති රනිල් වික්‍රමසිංහ මහතා වෙත සහතික වූ බවද ජනාධිපති මාධ්‍ය අංශය වැඩිදුරටත් නිවේදනයේ සඳහන් කරයි.

එමෙන්ම ජනාධිපති රනිල් වික්‍රමසිංහ මහතා සහ ඉන්දීය විදේශ කටයුතු අමාත්‍ය ආචාර්ය එස්. ජයශංකර් මහතා අතර හමුවක් මීට සුළු මොහොතකට පෙර නවදිල්ලි නුවරදී පැවැත්විණි.

Continue Reading

ඡායාරූප සටහන

“අලුත් ආර්ථිකයක් සමඟ ඉදිරියට යාමේදී ආකල්ප සංවර්ධනය වූ තරුණ පරපුරක් අවශ්‍යයි”

Published

on

By

අලුත් ආර්ථිකයක් සමඟ ඉදිරියට යාමේ දී ආකල්ප සංවර්ධනය වූ තරුණ පරපුරක් අවශ්‍ය බව ජාතික ආරක්ෂාව පිළිබඳ ජනාධිපති ජ්‍යෙෂ්ඨ උපදේශක හා ජනාධිපති කාර්ය මණ්ඩල ප්‍රධානි සාගල රත්නායක මහතා පවසයි.

සාගල රත්නායක මහතා මේ බව සඳහන් කළේ ශ්‍රී ලංකා පස් වැනි යොවුන් පාර්ලිමේන්තුවේ හය වැනි සැසිවාරයේ දෙවන දින විශේෂ ආරාධිත අමුත්තා ලෙස එක් වෙමිනි.

ශ්‍රී ලංකා පස් වැනි යොවුන් පාර්ලිමේන්තුවේ හය වැනි සැසිවාරය ජූනි 08 සහ 09 දෙදින පුරා ජනාධිපති ලේකම් කාර්යාල ශ්‍රවනාගාරයේදී පැවැත්විණි.
මෙහි පළමු දිනයේ (08) විශේෂ ආරාධිතයන් ලෙස  ක්‍රීඩා හා යෞවන කටයුතු අමාත්‍ය හරීන් ප්‍රනාන්දු, ජාතික තරුණ සේවා සභාවේ සභාපති හා අධ්‍යක්ෂ ජනරාල් පසිඳු ගුණරත්න යන මහත්වරු සහභාගි වූහ.

දෙවන  දිනයේ (09) විශේෂ ආරාධිතයා ලෙස ජාතික ආරක්ෂාව පිළිබඳ ජනාධිපති ජ්‍යෙෂ්ඨ උපදේශක හා ජනාධිපති කාර්ය මණ්ඩල ප්‍රධානි සාගල රත්නායක මහතා සහභාගී වූ අතර ක්‍රීඩා හා තරුණ කටයුතු අමාත්‍යාංශයේ ලේකම් කේ. මහේෂන්,  ජාතික තරුණ සේවා සභාවේ සභාපති හා අධ්‍යක්ෂ ජනරාල් පසිඳු ගුණරත්න යන මහත්වරු ද ඊට එක්ව සිටියහ.

රට තුළ ස්ථාවර ආර්ථිකයක් ගොඩනැගීම වෙනුවෙන් ස්ථිර ආර්ථික ප්‍රතිපත්තියක අවශ්‍යතාවය පෙන්වා දෙමින් යෝජිත ආර්ථික පරිවර්තන පනත් කෙටුම්පත සම්බන්ධව හා වර්තමානයට ගැලපෙන පරිදි ශ්‍රී ලංකාවේ ජාතික තරුණ ප්‍රතිපත්තිය නිර්මාණය කිරීම යන මාතෘකා මෙවර සැසිවාරයේ දී සංවාදයට ගැනිණි. ‍

යොවුන් පාර්ලිමේන්තුවේ සමස්ථ මන්ත්‍රීවරුන් නියෝජනය කරමින් පළමු දිනයේ සාමාජික සාමාජිකාවන් හැට දෙදෙනෙකු සහ  දෙවන දිනයේ සාමාජික සාමාජිකාවන් හැත්තෑ නව දෙනෙකු  සැසිවාරය සඳහා සහභාගී වුහ.

තරුණ පාර්ලිමේන්තු මන්ත්‍රීවරුන් නැගු ප්‍රශ්න කිහිපයකටද මෙහිදී සාධනීය පිළිතුරු ලබා දුන් සාගල රත්නායක මහතා තරුණ පාර්ලිමේන්තුව සඳහා සක්‍රීය සහභාගිත්වය වෙනුවෙන් සාමාජික සාමාජිකාවන් සඳහා සහතික පත් ප්‍රදානය කිරීමට ද එක් විය.

යොවුන් පාර්ලිමේන්තු සාමාජික සාමාජිකාවන් ඇමතු සාගල රත්නායක මහතා වැඩිදුරටත්
මෙසේ ද පැවසීය.

“මෙම සැසිවාරයේ දී තරුණ ප්‍රතිපත්තියත්, ආර්ථික පරිවර්තන පනතත් පිළිබඳ දීර්ඝ වශයෙන් සාකච්ඡා කෙරුණා. රට තුළ නව ආර්ථිකයක් ගොඩනැගීමට ජනාධිපතිතුමා කැපවී කටයුතු කරන්නේ තරුණ පරපුරේ අනාගතය වෙනුවෙන් බව කිව යුතුයි. අප අවසන් වශයෙන් අලුත් ආර්ථිකයක් මේ රට තුළ දුටුවේ 1978/79 සමයේ ආරම්භ වූ විවෘත ආර්ථික ප්‍රතිපත්තියයි. ඉන් පසු ආර්ථික ප්‍රතිපත්තිවලට සංශෝධන එක් වුවා මිස සම්පූර්ණ අලුත් ආර්ථිකයක් රටට හඳුන්වා දීම සිදු වුණේ නැහැ. ඒ හේතුවෙන් අපට රටක් ලෙස තරගකාරිත්වයට මුහුණ දෙමින්  වේගයෙන් ඉදිරියට යාමට නොහැකි වුණා.


ඒ වගේම අපේ ආර්ථිකයට දේශපාලන බලපෑම් විශාල ලෙස බලපානු ලැබුවා. එපමණක් නොවෙයි අපේ තරුණ දරුවන්ගේ ආකල්පත් මීට බලපෑවා. අලුත් ආර්ථිකයක් සමග ඉදිරියට යාමේ දී තරුණ පරපුරේ ආකල්ප ද ඒ හා සමගාමීව සංවර්ධනය විය යුතුයි.

දරුවන්ගේ අධ්‍යාපනය, දැනුම සහ පුහුණුව වර්ධනය නොකළහොත් අප මොනතරම් ආර්ථික ප්‍රතිසංස්කරණ හඳුන්වා දුන්නද ඉන් ප්‍රයෝජනයක් ගැනීමට හැකි වන්නේ නැහැ. ජනාධිපතිතුමා ද සෑම අවස්ථාවකම මෙය පෙන්වා දෙනවා. අප ගමන් කරන අලුත් ආර්ථිකයට අවශ්‍ය පුහුණුව දැන් සිටම දරුවන්ට ලබාදිය යුතුයි. ඒ සඳහා මනස සකස් කළ යුතුයි.

එහිදි පැරණි හණමිටි අදහස් අප වෙනස් කරගත යුතුයි. හොද දේවල් අප ඉදිරියට ගෙන යා යුතුයි වගේම දුර්වල දේ අත්හැරිය යුතුයි. එසේම අලුත් වැඩපිළිවෙළේද හොද දේ පමණක් ගනිමින් දුර්වල දේ අතහැරිය යුතුයි. ඒ නිසා අලුත් පනත් ගේනවා වගේම තරුණ පරපුරේ දියුණුව වෙනුවෙන් රජය කැපවී කටයුතු කරන බවද මෙම මෙහිදී සිහිපත් කරනවා.”

Continue Reading

Trending

Copyright © 2023 Sri Lanka Mirror. All Rights Reserved