ඡායාරූප සටහන
චීනයේ වියළි සලාක මලු යාපනයේ බෙදා හැරේ (ඡායා)
චීනයෙන් ප්‍රදානය කරන ලද වියළි සලාක මලු බෙදා දීමේ උත්සවයක් අද (29) යාපනය දිස්ත්‍රික් ලේකම් කාර්යාලයේදී පැවැත්වුණි.
චීන ජනතාව විසින් මෙරට ජනතාව වෙත සිදුකර ඇති මෙම පරිත්‍යාගය බෙදාහැරීම ශ්‍රී ලංකා රතු කුරුස සමාජය විසින් ක්‍රියාත්මක කරන ලදී.
මෙම අවස්ථාවට කොළඹ චීන තානාපති කාර්යාලයේ වැඩබලන තානාපති – හූ වෙයි මහතා, එම තානාපති කාර්යාලයේ ප්‍රධාන දේශපාලන නිලධාරී – ලුඕ චොන්ග් මහතා හා එම තානාපති කාර්යාලයේ තෙවැනි ලේකම් – වූ වන්චංග් මහතා, ශ්‍රී ලංකා රතු කුරුස සමාජයේ යාපන ශාඛාවේ ප්‍රධානී – කේ. බාලක්‍රිෂ්ණන් මහතා, යාපනය දිස්ත්‍රික් ලේකම් – කනපතිපිල්ලේ මහේසන් මහතා, උතුරු පළාත් ප්‍රධාන ලේකම් – එස්.එම්. සමන් බන්දුලසේන සහ යාපනය මහ නගර සභාවේ කොමසාරිස් – තණබාලසිංහම් ජයසීලන් මහතා ඇතුළු නිලධාරීන් පිරිසක් මෙම අවස්ථාවට සහභාගි විය.
(ඡායා : කැළුම් ශිවන්ත | ශානිකා ජයසේකර)
