ඡායාරූප සටහන
මහනුවර ඓතිහාසික උඩරට රජ මාළිගාව යළි විවෘත වේ
මහනුවර, ශ්‍රී ලංකාව: 2024, දෙසැම්බර් 11 – ශ්‍රී ලංකාවේ එක්සත් ජනපද තානාපති කාර්යාලය, සංස්කෘතික අමාත්‍යාංශය සහ පුරාවිද්‍යා දෙපාර්තමේන්තුව සමඟ එක්ව, ශ්‍රී දළදා මාලිගා සංකීර්ණය තුළ පිහිටි, අලුතින් ප්‍රතිසංස්කරණය කරන ලද පැරණි උඩරට රජ මාලිගාව සහ පුරාවිද්‍යා කෞතුකාගාරය යළි විවෘත කිරීමේ උත්සවය පසුගිය 11දා සැමරුණි.
මෙම උත්සවයට එක්සත් ජනපද තානාපතිනි ජුලී චංග් සහ බුද්ධශාසන, ආගමික හා සංස්කෘතික කටයුතු අමාත්‍ය මහාචාර්ය හිනිදුම සුනිල් සෙනෙවි යන මහත්ම මහත්මීහු ද සහභාගි වූහ. සංස්කෘතික සංරක්ෂණය සඳහා වූ එක්සත් ජනපද තානාපතිවරුන්ගේ අරමුදල (AFCP) වෙතින් ලද ඇමරිකානු ඩොලර් 265,000 (රුපියල් මිලියන 77 කට අධික) ප්‍රදානයක් හරහා මෙම වැදගත් සංස්කෘතික සංරක්ෂණ ව්‍යාපෘතිය ක්‍රියාත්මක කිරීමට හැකිවිය.
2021 දී ආරම්භ කරන ලද මෙම ව්‍යාපෘතිය අදියර දෙකකින් සිදු කරන ලදී. පළමු අදියරේදී රජ මාලිගයේ ඓතිහාසික යටිතල පහසුකම් සංරක්ෂණය කිරීම සහ ආබාධ සහිත අමුත්තන් සඳහා ප්‍රවේශවීමේ හැකියාව වැඩිදියුණු කිරීම කෙරෙහි අවධානය යොමු කරන ලදී. දෙවන අදියර පුරාවිද්‍යා කෞතුකාගාරයේ ප්‍රදර්ශන සහ පහසුකම් වැඩිදියුණු කරන ලද අතර, ශ්‍රී ලංකාවේ පොහොසත් සංස්කෘතික උරුමය ආරක්ෂා කරමින් නරඹන්නන් සඳහා වඩාත් ආකර්ෂණීය සහ අධ්‍යාපනික අත්දැකීමක් ලැබෙන පරිදි නිර්මාණය කරන ලදී .
උත්සවයේ දී, චංග් තානාපතිතුමිය සංස්කෘතික සංරක්ෂණයේ වැදගත්කම අවධාරණය කරමින්, “පැරණි උඩරට රජ මාලිගාව සහ පුරාවිද්‍යා කෞතුකාගාරය ප්‍රතිසංස්කරණය කිරීම එක්සත් ජනපදය සහ ශ්‍රී ලංකාව අතර පවතින ප්‍රබල හවුල්කාරිත්වය පිළිබඳ සාක්ෂියක් වනවා. මෙවැනි මුලපිරීම් හරහා අපි ශ්‍රී ලංකාවේ සංස්කෘතික උරුමයන් අනාගත පරම්පරාවන් සඳහා සංරක්ෂණය කරනවා පමණක් නොව එහි ඉතිහාසය සහ සම්ප්‍රදායන් ලොවට ප්‍රදර්ශනය කිරීමටද කටයුතු කරමු. මෙම කෞතුකාගාරය සංස්කෘතික සංචාරක ව්‍යාපාරයට සහාය වන අතරම,ශ්‍රී ලාංකිකයින්ට සහ ලොව පුරා විවිධ රටවලින් පැමිණෙන අමුත්තන්ට රටේ ගැඹුරු ඉතිහාසය ගවේෂණය කිරීමට, ඒ පිලිබඳ අවබෝධය ලබන්නට සහ එහි අගය වර්ධනය කරන්නට හැකි පිවිසුම් දොරටුවක් වෙනවා. ශ්‍රී ලංකාවේ උරුමය සමරන සහ එහි ආර්ථික හා සංස්කෘතික ප්‍රබෝධයට දායක වන ව්‍යාපෘති සඳහා සහයෝගයෙන් එක්ව කටයුතු කිරීමට අපි කැපවී සිටිමු.”
“සංස්කෘතික සංරක්ෂණය සඳහා වූ තානාපතිවරුන්ගේ අරමුදල හරහා එක්සත් ජනපදයේ සහාය ඇතිව ක්‍රියාත්මක කරන ලද මෙම ව්‍යාපෘතිය උඩරට රජුගේ මාලිගාව සහ පුරාවිද්‍යා කෞතුකාගාරය මහජනතාවට වඩාත් ප්‍රවේශ විය හැකි සහ ආකර්ශනීය අයුරින් සකස් කර තිබේ ” යැයි අමාත්‍ය මහාචාර්ය සුනිල් සෙනෙවි පැවසීය. “ඓතිහාසික යටිතල පහසුකම් සංරක්ෂණය කිරීමෙන් සහ කෞතුකාගාරයේ ප්‍රදර්ශන තත්වයන් ඉහළ නංවාලීමෙන්, ආබාධ සහිත අය ඇතුළුව අමුත්තන්ට ශ්‍රී ලංකාවේ පොහොසත් සංස්කෘතික උරුමයන් සමඟ අර්ථවත් ආකාරයෙන් සම්බන්ධ විය හැකි බව අපි සහතික කර ඇත්තෙමු. මෙම සහයෝගීතාවය අපගේ ඉතිහාසය ආරක්ෂා කරනවා පමණක් නොව අධ්‍යාපනයට සහ ඇගයීමට අවකාශයක් නිර්මාණය කරමින් අපගේ සංස්කෘතික අනන්‍යතාවය ශ්‍රී ලාංකිකයින්ට සහ ලෝකයට ප්‍රදර්ශනය කරයි.”
එක්සත් ජනපද තානාපති කාර්යාලයේ මහජන කටයුතු පිළිබඳ උපදේශක හයිඩි හැට්න්බාක් මහත්මිය,සංස්කෘතික සංරක්ෂණය සඳහා වූ තානාපතිවරුන්ගේ අරමුදල (AFCP), ගෝලීය වශයෙන් සංස්කෘතික උරුමයන් ආරක්ෂා කිරීම සඳහා වන වැදගත් මෙවලමක් ලෙස අවධාරණය කලාය. “සංස්කෘතික සංරක්ෂණය සඳහා වූ තානාපති අරමුදල (AFCP) හරහා උඩරට රජුගේ මාලිගාව ප්‍රතිසංස්කරණය කිරීම, තිරසාර සංචාරක ව්‍යාපාරය සහ ආර්ථිකදියුණුව ප්‍රවර්ධනය කරමින් ශ්‍රී ලංකාවේ සංස්කෘතික උරුමය සුරැකීමට ඇති අපගේ කැපවීම පිළිබඳ සාක්ෂියකි. දේශීය හා ගෝලීය වශයෙන් පැමිණෙන අමුත්තන්ට, මහනුවර රාජධානියේ පොහොසත් ඉතිහාසය සහ උරුමය පිළිබඳ වඩාත් ගැඹුරු සහ අර්ථවත් අත්දැකීමක් ලබා දෙමින් මෙම භුමිය සංරක්ෂණ කටයුතු මගින් වැඩිදියුණු කර ඇත.”
සීමාසහිත ගුවන් තොටුපල හා ගුවන් සේවා (ශ්‍රී ලංකා) (පෞද්ගලික) සමාගමට (AASL) අදාළව 2022 සහ 2023 වර්ෂයේ විගණකාධිපති වාර්තා සහ වර්තමාන කාර්ය සාධනයට අදාළව, පසුගියදා (2025.04.02) පාර්ලිමේන්තුවේ පොදු ව්‍යාපාර පිළිබඳ කාරක සභාව බණ්ඩාරනායක ජාත්‍යන්තර ගුවන්තොටුපොළ සංවර්ධන ව්‍යාපෘතිය පසුවිපරමට ලක් කරනු ලැබීය.
ඒ අනුව, ඊට අදාළ කරුණු සම්බන්ධයෙන් විමර්ශනය කිරිමට කෝප් කාරක සභාවේ සභාපති ගරු පාර්ලිමේන්තු මන්ත්‍රී (වෛද්‍ය) නිශාන්ත සමරවීර
මහතාගේ මුලිකත්වයෙන් ඊයේ (2025.04.09) කෝප් කාරක සභාව බණ්ඩාරනායක ජාත්‍යන්තර ගුවන් තොටුපොලේ ස්ථානීය පරීක්ෂණයක නිරත විය.
මෙහිදී බණ්ඩාරනායක ජාත්‍යන්තර ගුවන්තොටුපොළ සංවර්ධන ව්‍යාපෘතියට අදාළව දුරස්ථව පිහිටි ගුවන් යානා හැසිරවීමේ කොටස හා ටැක්සි මාර්ගය
(Remote Apron and Taxiways) ඉදිකිරීමේ කටයුතු මගින් ගුවන් තොටුපොළ සතුව පවතින ගුවන්යානා නැවතුම් සංඛ්‍යාව වැඩි කිරීමට අපේක්ෂා කර තිබුණි.
එහෙත් සැලසුම් හා උපදේශන සේවා ලබාගැනීම සඳහා ගුවන් තොටුපල හා ගුවන් සේවා (ශ්‍රී ලංකා) (පෞද්ගලික) සමාගම විසින් සේවා ලබා ගත් ජපන්
හවුල් සමාගමත්, සීමාසහිත ගුවන් තොටුපල හා ගුවන් සේවා (ශ්‍රී ලංකා) (පෞද්ගලික) සමාගමත්, විසින් කිසිඳු තාක්ෂණික හෝ මෙහෙයුම් විග්‍රහයකින් තොරව මෙම කටයුතු සිදුකර තිබෙන බැවින්, අපේක්ෂිත අරමුණු ප්‍රායෝගිව සාක්ෂාත් කරගැනීම අභියෝගයක්ව තිබෙන බවට මෙහිදී නිරීක්ෂණය විය.
මෙම ව්‍යාපෘතිය සැලසුම්කරණ අවධියේදීම දුර්වලතා සහ ප්‍රායෝගික ගැටලු රැසකින් යුක්තවූවද, එය එසේ තිබියදීම මෙහි වැඩකටයුතු අවසන් කිරීමට
කටයුතු යොදා තිබු බවට කාරක සභාවට නිරීක්ෂණය විය. මතුව තිබෙන තත්ත්වය තුළ, මෙම ව්‍යාපෘතිය ඔස්සෙ අපේක්ෂිත අරමුණු සාක්ෂාත් කර
ගැනීමට ගුවන් තොටුපල හා ගුවන් සේවා (ශ්‍රී ලංකා) (පෞද්ගලික) සමාගම මේ වන විටත් යෝජනා කොට ඇති විසදුම් නිරීක්ෂණය කිරීමද මෙහිදී සිදු
විය.
මෙහිදි කෝප් කාරක සභා සාමජිකයන් උක්ත ජපන් හවුල් සමාගමේ මෙරට නියෝජිතයන් සහ අදාළ ආයතනයන්හි ඉහළ නිලධාරීන් සමග මේ සම්බන්ධයෙන් දීර්ඝ වශයෙන් කරුණු විමසීමක නිරත විය.
මෙම නොසැලකිලිමත් ක්‍රියාකලාපය හේතුවෙන් රජයට සිදුව ඇති පාඩුව සම්බන්ධයෙන් සිය අප්‍රසාදය පළ කළ කාරක සභා සමාජිකයින්, ඉදිරි
සංවර්ධන කටයුතු සැලසුම් කිරිමේදී දැනට මතුව ඇති ගැටලු පිළිබඳව අවධානය යොමු නොකිරීමෙන් මහජන මුදල් තවදුරටත් අවභාවිතා විය හැකිබවත් එබැවින් ඒ සම්බන්ධයෙන් ගත හැකි ක්‍රියාමාර්ග සම්බන්ධයෙන් අවධානය යොමු කිරීමටත් නිලධාරීන්ට නිර්දේශ කරණු ලැබීය.
මේ පිළිබඳව සාකච්ඡා කිරීමට ගුවන් තොටුපල හා ගුවන් සේවා (ශ්‍රී ලංකා) (පෞද්ගලික) සමාගම නුදුරු දිනක නැවතත් කෝප් කාරක සභාවට කැදවීමට
තීරණය කරන ලදි.
මෙම ස්ථානීය පරීක්ෂාව සඳහා පාර්ලිමේන්තු මන්ත්‍රීවරුන් වන එම්.කේ.එම්. අස්ලම්, සමන්මලී ගුණසිංහ, ලුතිනන් කොමාණ්ඩර් (විශ්‍රාමික) ප්‍රගීත් මධුරංග, රුවන් මාපලගම, සුනිල් රාජපක්ෂ, තිළිණ සමරකෝන්, චන්දිම හෙට්ටිආරච්චි යන මහත්ම මහත්මීහු, අදාළ ආයතන නියෝජනය කරමින් පැමිණි නිලධාරීන් සහ පාර්ලිමේන්තු නිලධාරීන් සහභාගී වූහ.
මහව- ඕමන්ත දුම්රිය මාර්ගය සහ මහව – අනුරාධපුර දුම්රිය මාර්ග සංඥා පද්ධතිය ජනපති සහ ඉන්දියානු අගමැති අතින් විවෘත කෙරේ
මහව- ඕමන්ත දුම්රිය මාර්ගය සහ මහව – අනුරාධපුර දුම්රිය මාර්ගය සඳහා ස්ථාපනය කරන ලද සංඥා පද්ධතිය නිල වශයෙන් විවෘත කිරීම ජනාධිපති අනුර කුමාර දිසානායක මහතා සහ ඉන්දීය අග්‍රාමාත්‍ය ශ්‍රී නරේන්ද්‍ර මෝදි මහතා අතින් අද (06) සිදු කෙරිණි.
සමරු ඵලකය නිරාවරණය කර දුම්රිය මාර්ගය සහ සංඥා පද්ධතිය විවෘත කිරීම සහ දුම්රිය පිටත් කර හැරීමේ පළමු සංඥාව නිකුත් කිරීම මෙහිදී ජනාධිපතිවරයා සහ ඉන්දීය අග්‍රාමාත්‍යවරයා අතින් සිදු කෙරිණි.
ඉන්දියන් Credit Line යටතේ ක්‍රියාත්මක වූ මහව- ඕමන්ත දුම්රිය මාර්ගය නවීකරණය කිරීමේ ව්‍යාපෘතියේ ඇස්තමේන්තුගත වටිනාකම ඇ.ඩො.මිලියන 91.27කි.
එමෙන්ම ඇ.ඩො.මිලියන 14.89ක් වියදමින් ස්ථාපනය කරන ලද මහව – අනුරාධපුර දුම්රිය මාර්ග සංඥා පද්ධතිය ජනාධිපති අනුර කුමාර දිසානායක මහතාගේ පසුගිය ඉන්දීය සංචාරයෙන් පසු ඉන්දීය රජයේ ප්‍රදානයක් ලෙස මෙරටට හිමි විය.
විදේශ කටයුතු ,විදේශ රැකියා හා සංචාරක අමාත්‍ය විජිත හේරත් , වෙළෙඳ, වාණිජ, ආහාර සුරක්ෂිතතා සහ සමූපකාර සංවර්ධන අමාත්‍ය වසන්ත සමරසිංහ, සෞඛ්‍ය සහ ජනමාධ්‍ය අමාත්‍ය වෛද්‍ය නලින්ද ජයතිස්ස, උතුරු මැද පළාත් ආණ්ඩුකාර වසන්ත ජිනදාස යන මහත්වරු සහ ශ්‍රී ලංකාවේ ඉන්දීය මහකොමසාරිස් සංතෝෂ් ජා මහතා ඇතුළු පිරිසක් මෙම අවස්ථාවට එක්ව සිටියහ.
(ඡායා : ජනාධිපති මාධ්‍ය අංශය)
ඉන්දියානු අග්‍රාමාත්‍ය ශ්‍රී නරේන්ද්‍ර මෝදී මහතා ජනාධිපති අනුර කුමාර දිසානායක මහතා සමඟ එක්ව අද (06) පෙරවරුවේ අනුරාධපුර ඓතිහාසික ජය ශ්‍රී මහා බෝ සමිඳුන් වැඳ පුදා ගත්තේය.
උඩමළුව වෙත පැමිණි ඉන්දියානු අග්‍රාමාත්‍යවරයා අටමස්ථානාධිපති, නුවරකලාවියේ ප්‍රධාන සංඝනායක ශාස්ත්‍රපති අතිපූජ්‍ය පල්ලේගම හේමරතන නායක හිමිපාණන් වහන්සේ බැහැ දැක කෙටි පිළිසඳරක නිරත විය.
තමන් උපන් ගුජරාට් ප්‍රදේශයේ 60 දශකයේදී සිදු කරන ලද කැනීම්වලින් සර්වඥ ධාතුන් වහන්සේලා සොයා ගත් බවත්, ශ්‍රී ලංකා ජනාධිපතිවරයා සමඟ සාකච්ඡා කර එම ධාතුන් වහන්සේලා ශ්‍රී ලංකාවේ ප්‍රදර්ශනය කිරීමට අවස්ථාව ලබා දීමට කටයුතු කරන බවත් ඉන්දීය අග්‍රාමාත්‍යවරයා සඳහන් කළේය.
බුද්ධගයාව අධ්‍යාත්මික නගරයක් ලෙස සංරක්ෂණය කිරීමට කටයුතු කරන ලෙස අටමස්ථානාධිපති හිමියන් විසින් කළ ඉල්ලීම කෙරෙහිද අවධානය යොමු කළ අග්‍රාමාත්‍ය ශ්‍රී නරේන්ද්‍ර මෝදි මහතා ජනාධිපති අනුර කුමාර දිසානායක මහතා සමඟ සාකච්ඡා කර එහි ඉදිරි පියවර ගන්නා බව ප්‍රකාශ කළේය.
අටමස්ථානාධිපති හිමියන් ප්‍රමුඛ මහා සංඝරත්නය විසින් මෙහිදී සෙත් පිරිත් සජ්ජායනා කර ඉන්දීය අග්‍රාමාත්‍යවරයා වෙත සිය ආශිර්වාදය පළ කළහ.
අග්‍රාමාත්‍ය ශ්‍රී නරේන්ද්‍ර මෝදි මහතා, එහි තැන්පත් කර තිබූ විශේෂ අමුත්තන්ගේ පොතේ සමරු සටහනක්ද තැබීය.
මේ අතර ජයශ්‍රී මහා බෝධි පරිශ්‍රයේ ඉදිකෙරුණු අභිනව මකර තොරණ විවෘත කිරීමද ඉන්දීය අග්‍රාමාත්‍යවරයා අතින් සිදු කෙරිණි.
රුවන්වැලි සෑය චෛත්‍ය විහාරාධිපති පූජ්‍ය ඊතලවැටුණුවැවේ ඥානතිලක ස්වාමීන් වහන්සේ ප්‍රමුඛ අටමස්ථාන විහාරාධිපති ස්වාමීන් වහන්සේලාද, විදේශ කටයුතු විදේශ රැකියා හා සංචාරක අමාත්‍ය විජිත හේරත්, වෙළෙඳ, වාණිජ, ආහාර සුරක්ෂිතතා සහ සමූපකාර සංවර්ධන අමාත්‍ය වසන්ත සමරසිංහ, සෞඛ්‍ය සහ ජනමාධ්‍ය අමාත්‍ය වෛද්‍ය නලින්ද ජයතිස්ස, උතුරු මැද පළාත් ආණ්ඩුකාර වසන්ත ජිනදාස යන මහත්වරු සහ ශ්‍රී ලංකාවේ ඉන්දීය මහකොමසාරිස් සංතෝෂ් ජා මහතා ඇතුළු පිරිසක් මෙම අවස්ථාවට එක්ව සිටියහ.
(ඡායා : ජනාධිපති මාධ්‍ය අංශය / අගමැති මෝදි ගේ X ගිණුම)
මියන්මාරයට ලක් රජයෙන් මූල්ය ආධාර ලබාදෙයි
පාස්පෝට් කාර්යාලයෙන් නිවේදනයක්
වීසා නැතිව සිටි ඉන්දියානුවෝ 22ක් මාට්ටු
-
පුවත්1 week agoණය නවලෝකයට BOCයෙන් දුන් මිලියන ගණනක ණය ගැන ඇමතිගේ අවධානය !
-
පුවත්4 days agoනිව් ආශා වයින්ස් ස්ටෝර්ස්ට සීල් තියයි!
-
පුවත්6 days agoටියුෂන් ගුරාලාගේ ආදායම කෝටි විසිඑක්දාහත් පන්නලා!
-
පුවත්1 week agoඑස්. එෆ්. සරත්ට මරණ දඩුවම; දෙමටගොඩ චමින්ද නිදොස් කොට නිදහස්
-
පුවත්5 days agoගැනුම්කරුවන් නැතිව මැති සබේ සුපිරි වාහන වේලෙයි