Connect with us

ක්‍රීඩා

කෝලි හා රෝහිත් විස්සයි-20 ජාත්‍යන්තර පිටියට සමුදෙයි

Published

on

වසර 13කට පසු විස්සයි 20 ක්‍රිකට් ලෝක කුසලානය හිමිකරගැනීමට ඉන්දීය කණ්ඩායම ඊයේ (29) සමත්විය.

ඒ 2024 විස්සයි 20 ක්‍රිකට් ලෝක කුසලාන අවසන් තරගයේදී දකුණු අප්‍රිකානු කණ්ඩායම ලකුණු 7කින් පරාජයට පත්කරමිනි.

බාබෙඩෝස් හි පැවති මෙම තරගයේ කාසියේ වාසිය ඉන්දිය නායකයා දිනා ගත් අතර පළමුවෙන් පන්දුවට පහරදීමට ඔහු තීරණය කළේය.

ඒ අනුව, පිටියට පිවිසි ඉන්දීය කණ්ඩායමේ මුල් කඩුලු 3 ලකුණු 34ක් තුළ දවා ගනිමින් දකුණු අප්‍රිකා පන්දු යවන්නන් ඉන්දීය කණ්ඩායමට දැඩි අභියෝගයක් එල්ල කළේය.

මෙම තරගාවලියේදී අසාර්ථක වු විරාත් කෝලි අවසන් තරගයේදි ලකුණු 76ක් රැස් කරමින් අවශ්‍යම මොහොතේ සිය පිත්ත ක්‍රියාත්මක කළේ ඉන්දීය ඉනිම ඔසවා තබමිනි.

අක්ෂා පටෙල් ලකුණු 47ක් සහ ෂිවම් ඩුබේ ලකුණු 27ක් රැස් කළ අතර ඒ අනුව ඉන්දීය කන්ඩායම නියමිත පන්දුවාර 20දි කඩුලු 7ක් දැවී ලකුණු 176ක් රැස් කිරීමට සමත්විය.

කේෂාව් මහරාජ් සහ ඇන්රික් නෝකියා කඩුලු 2 බැගින් දවාගත්හ.

ලකුණු 177ක ජයග්‍රාහී ඉලක්කයක් හඹාගිය දකුණු අප්‍රිකා කණ්ඩායමට නියමිත පන්දු ඕවර 20 අවසානයේ කඩුලු 8ක් දැවී රැස්කර ගත හැකි වූයේ ලකුණු 169ක් පමණි.

දකුණු අප්‍රිකා ඉනිම වෙනුවෙන් හෙන්රික් ක්ලාසන් ලකුණු 52ක් රැස්කළ අතර ක්වින්ටන් ඩි කොක් ලකුණු 39ක් රැස්කළේය

ඉන්දියාව වෙනුවෙන් පන්දු යැවීමේදී ජස්ප්‍රිට් බුම්රා සහ අර්ෂ්දීප් සිං කඩුලු 2ක බැගින් දවාගත් අතර හර්දික් පාණ්ඩ්‍යා කඩුලු 03ක් දවාගත්තේය.

මෙවර 20යි 20 ලෝක කුසලානයේ ශූරයින්ට පිරිනැමෙන කුසලානය ක්‍රීඩාංගණය වෙත රැගෙන ආවේ බාබෙඩෝස් අග්‍රාමාත්‍යවරිය සහ කොදෙව් හිටපු සුපිරි ක්‍රීඩක ක්‍රිස් ගේල් විසිනි.

කෝලි – රෝහිත් සමුගැනීම

තරඟයෙන් පසු සංවේදී නිවේදනයක් නිකුත් කරමින්, ඉන්දීය සුපිරි ක්‍රීඩකයින් වන විරාත් කෝලි සහ රෝහිත් ෂර්මා ජාත්‍යන්තර T20 තරඟවලින් විශ්‍රාම යන බව ප්‍රකාශ කළහ.

අවසන් මහා තරගයේදී තීරණාත්මක කාර්යභාරයක් ඉටු කළ කෝලි, “මෙය මගේ අවසන් විස්සයි20 ලෝක කුසලානය, අපට සාක්ෂාත් කර ගැනීමට අවශ්‍ය වූයේ මෙයයි” යනුවෙන් සිය සතුට පළ කළේය. 

කෝලි ඉනිම 117කදී එක් ශතකයක් සහ අර්ධ ශතක 38ක් ඇතුළුව ලකුණු 4,188ක් රැස්කරමින් විශ්‍රාම ගියේය.

සිය විශ්‍රාම ගැනීම නිවේදනය කළ රෝහිත් ෂර්මා ජාත්‍යන්තර විස්සයි – 20 තරගවලදී ලකුණු 4,231ක් සහ ශතක 5ක් රැස්කළ වැඩිම ලකුණු ලාභියා ලෙසින් පිටව යයි.

ක්‍රීඩා

ආසියානු හා ආබාධිත ආසියානු තරගාවලිවල පදක්කම් ලාභීන්ට මුදල් තෑගි පිරිනමයි

Published

on

By

ආසියානු තරගාවලියේ හා ආබාධිත ආසියානු තරගාවලියේ පදක්කම් ලාභීන්ට ක්‍රීඩා අමාත්‍යාංශය මගින් පොරොන්දු ප්‍රකාරව මුදල් පිරිනැමීම පසුගියදා ක්‍රීඩා අමාත්‍යාංශයේ ඩන්කන් වයිට් ශ්‍රවණාගාරයේදී පැවැත්විණ.

මෙහිදී රුපියල් කෝටි 12 කට අධික මුදලක් එම පදක්කම් ලාභීන් හා ඔවුන්ගේ පුහුණුකරුවන් අතර බෙදා දෙන ලදී. 

මෙම ප්‍රදානයන් ක්‍රීඩා, ඉඩම් හා සංචාරක අමාත්‍ය හරීන් ප්‍රනාන්දු මහතාගේ අතින් සිදු කෙරිණ. 

පැරිස් ඔලිම්පික් යන ක්‍රීඩක ක්‍රීඩිකාවන් හය දෙනාටද රුපියල් දස ලක්ෂය බැගින් මෙහිදී පිරිනැමිණ.

මෙම අවස්ථාවට ඔලිම්පික් කමිටු ලේකම් මැක්ස්වෙල් ද සිල්වා මහතාද සහභාගි විය.

ලබන ලද ජයග්‍රහණ අනුව වැඩිම මුදලක් ලැබුණු ක්‍රීඩිකාව වූයේ තරුෂි කරුණාරත්නයි.

Continue Reading

ක්‍රීඩා

ශ්‍රී ලංකා කාන්තා පිල ආසියානු කුසලාන පළමු ජය ලබයි

Published

on

By

ආසියානු කුසලාන කාන්තා ක්‍රිකට් තරගාවලියේ සිය පළමු ජය වාර්තා කිරීමට චමරි අතපත්තු ප්‍රමුඛ ශ්‍රී ලංකා කාන්තා කණ්ඩායම අද (20) සමත් විය.

ඒ බංග්ලාදේශ කාන්තා කණ්ඩායම කඩුලු 7කින් පරාජය කරමිනි.

රංගිරි දඹුල්ල ජාත්‍යන්තර ක්‍රිකට් ක්‍රීඩාංගණයේ පැවති එම තරගයේ කාසියේ වාසිය දිනා පළමුවෙන් පන්දුවට පහරදුන් බංග්ලාදේශ කාන්තා කණ්ඩායම නියමිත පන්දුවාර 20දී කඩුලු 7ක් දැවී ලකුණු 111ක් රැස් කළේය.

පන්දුයැවිමේදි උදේෂිකා ප්‍රබෝධනී සහ ඉනෝෂි ප්‍රියදර්ශනී කඩුලු දෙක බැගින් දවා ගත්තෝය.

ලකුණු  112ක ජයග්‍රාහී ඉලක්කයක් හඹා යාමට පිටියට පිවිසි ශ්‍රී ලංකා කාන්තා කණ්ඩායමට සාර්ථක අරම්භයක් ලබාදිමට නායිකා චමරි අතපත්තු සහ විශ්මි ගුණරත්න සමත්වූවෝය.

චමරි අතපත්තු ලකුණු 12ක් රැස් කළ අතර ශ්‍රී ලංකා කාන්තා කණ්ඩායම ජය මාවත විවර කර දුන් විශ්මි ගුණරත්න ලකුණු 51ක් රැස්කළ අතර හර්ෂිතා මාධවී ලකුණු 33ක් රැස් කළාය.

ඒ් අනුව ශ්‍රී ලංකා කාන්තා කණ්ඩායම පන්දුවාර 17යි එක්පන්දුවක් අවසානයේ කඩුලු 3ක් දැවී ජයග්‍රාහී සීමාව පසුකර ගියේය.

Continue Reading

ක්‍රීඩා

“ආසියානු කුසලානය ජයග්‍රහණය කළ හැකි බවට ලොකු විශ්වාසයක් තියෙනවා”

Published

on

By

2024 ආසියානු කුසලානය ශ්‍රී ලංකා කාන්තා පිළට ජයග්‍රහණය කළ හැකි බවට ලොකු විශ්වාසයක් ඇති බව ශ්‍රී ලංකා කාන්තා විස්සයි-20 කණ්ඩායමේ නායිකා චමරි අතපත්තු පවසන්නීය.

චමරි මේ බව සඳහන් කර සිටියේ තරඟාවලිය ආරම්භයට පෙර පැවති මාධ්‍ය හමුව අතරතුරේ අදහස් දක්වමිනි.

“ගොඩක් හොඳ සූදානමක් තියෙනවා. විශේෂයෙන්ම අපි පහුගිය අවුරුදු එකහමාර ගත්තහහ අපි නවසීලන්තය, දකුණු අප්‍රිකාව, එංගලන්තය සහ බටහිර ඉන්දීය කොදෙව් කියන කණ්ඩායම් පරාජයට පත් කළා. ලංකාවේ සහ ඔවුන්ගේ රටවලදී. මං හිතන්නේ හොඳ මානසිකත්වයකින් කණ්ඩායම ඉන්නවා. මේ ආකෘතිය ඕනෑම අවස්ථාවක වෙනස් වෙන්න පුලුවන්. දවසේ හොදට කරන කණ්ඩායම අනිවාර්යයෙන්ම ජයග්‍රහනය කරනවා. ඒ වගේම අපේ රටේ සෙල්ලම් කරන්නේ. අපේ උපරිමයම මේ තරගාවලියට දෙන්න බලාපොරොත්තු වෙනවා“ 

ඇය වැඩිදුරටත් සඳහන් කර සිටියේ, විස්සයි-20 අන්තර්ජාතික කාන්තා කණ්ඩායම් ශ්‍රේණිගත කිරීමට අනුව ආසියානු කලාපයේ ශ්‍රී ලංකාවට වඩා ඉදිරියෙන් සිටින්නේ ඉන්දියාව පමණි. තරගාවලි ඉතිහාසයේ ශ්‍රී ලංකා කණ්ඩායම මීට පෙර පස් වතාවක් අවසන් මහ තරඟ වරම් දිනාගැනීමට සමත්ව වුවත් එකම වරක් හෝ ශූරතා කුසලානයක් දිනා ගැනීමට ශ්‍රී ලංකාවට නොහැකි වී තිබේ. කෙසේ වෙතත් මෙවර තම දේශීය තත්ත්වයන් යටතේ ක්‍රීඩා කිරීමේදී එම ඉතිහාසයේ වෙනස් කිරීමට තමන් ඇතුළු කණ්ඩායම සතුව විශාල බලාපොරොත්තුවක් තිබෙන බවය.

“මේ පාර ශූරතාව දිනා ගන්න පුලුවන් වෙයි කියලා ලොකු විශ්වාසයකින් ඉන්නවා. එතැනදි හොද මානසිකත්වයකින් යුක්තව තරගයෙන් තරගය ක්‍රීඩා කරන එක වැදගත්. අපි දන්නවා අපි ගොඩක් හොඳට පසුගිය තරඟවලි සෙල්ලම් කරලා තියෙනවා කියලා. හොද කණ්ඩායම් අපි පරාජයට පත් කරලා තියෙනවා. එංගලන්තය එංගලන්තයෙදිත් දකුණු අප්‍රිකාව දකුණු අප්‍රිකාවේදීත්. හැබැයි ඒ හැම තරගයම කරලා ඉවරයි. ඒක ඉතිහාසයට ගිහිල්ලා ඉවරයි. මේක අලුත් දවසක්. අලුත් තරගයක්. ඒ තරගය අපි හොඳින් ක්‍රීඩා කරන එක තමයි වැදගත්. එහෙම තරගයෙන් තරගය ආවොත් අවසන් මහ තරගයට, අපි දන්නවා මොනවද කරන්න ඕන කියන එක. බලාපොරොත්තුවක් තියෙනවා වෙනසක් කරන්න මේ ආසියානු කුසලාන තරගාවලියෙදී“ 

Continue Reading
Advertisement

Trending

Copyright © 2023 Sri Lanka Mirror. All Rights Reserved